صورة البرواز

اعزائي اداري واعضاء
شبكة الشدادين الرسميه
اسعد الله اوقاتكم بكل خير
نحن في هذا البلد المعطاء حمانا الله نحمده ونشكره
في هذه الارض الطاهره وقبلة المسلمين
بخيرات كثيره وكان في مقدمتها الدين الاسلامي ومن اتاهم الله الملك في هذه الارض فولاهم امرنا نحمد الله على ما نحن فيه من امن وامان وعلى مانحن فيه من عدل ومساواه لولي امرنا خادم الحرمين الشريفين فلهُ مشاعر شفافه بسيطه صادقه وله ابوة حانيه وله مميزات امتاز بها ومبادرات تفوق بها وقرار وسلام شجاع ومن هنا فقد أثر وتأثر بهذا الشعب وفي حين صدورالامر من خادم الحرمين الشريفين الملك عبدالله بن ال سعود حفظه الله
القرار الشجاع من القلب الذي اتسع لهذا الشعب بكل فئاتهم وكان مضمون القرار مشاركة المرأه في مجلس الشورى والانتخابات البلديه هنا تجدون الملك حفظه الله يسابق الصوت بمبادراته
وهنا ابى الشعر الا ان يتكلم بصدق وصراحه بين ايديكم هذه القصيده المتواضعه أأمل ان تحوز على رضاكم وتعبر عن غايتهاا والسلام عليكم..

تقدم يامُنى الشعب السعودي في ثقه قدام=تقدم واثق الخطوه ملك وآلي وكافيها
تقدم وارفع الرايه وبارك قبلة الاسلام=تقدم واجتهد للأول الأول بوافيها
هذا فضلآ من الله وانت لازم تحمد الأنعام=وتحف من الشوارب واللحى بالحق تعفيها
عطاك الله كثير من الحِكم في نعمة الحكام=تبستن وازرع المعروف وآمر وانت تكفيها
عطاك الخير واكبر قلب الأنسانيه المعصام=عطاك الناصع الياقوتي الأسنى بما فيها
عطاك اللي يسابق رغبتك ويحطم الأرقام=عطاك اللي صحيح وجد من قلبه مصفيها
عطاك العز وابن العز ابو متعب وسبع أنعام=ابت تكفي ولاتوفي ولامجهود راعيها
لو إنعم تبتدي من يوم ماقيلت بكل إلمام=قليله ماتكفي حق ابو متعب بعد فيها
انا شاعر واعرف الفلسفه واديرها بإحكام=وبإمكاني اطول في لغاتي وصف واسريها
لكن هذا الملك يجبرك يا الشاعر بكل ألزام=تقول الصدق مسترسل بدون ارتوش تعميها
ملك بالك على باله يدور بدورة الأيام=يدوب الأمنيات تمر في بالك يسويها
ملك وانته وانا واخواتنا في ذمته حكام=نساء ولا رجال الشعب ماتفرق مواسيها
نراهم من ملوك الارض بالعدل الوفي لاقام=نراهم كلنا يعرف رعيتنا وراعيها
كريمتنا لها الشورى ويؤخذ رايها بإتمام=وتقدر تنتخب مثل الرجل والعز حاميها
انا آفدى ثم انا آفدى ياحبيب الشعب بالإفهام=عطيت الهم قلبك والعُلا من قلب تعطيها
تدوم الله يديمك خادم البيتين ابو الأيتام=ذرى شعبك منى شعبك هوى شعبك وراضيها
انا اللي بالقلم يكتب على شوفة لقاك وهام=وحبة خشم تتكرر على يمناك ابغفيها
اعرف اني حرام اهدر ثواني والحقوق إنظام=لكن مدري واش اقولك بنفسي حاجه ابكيها
ابوي وخادم البيتين سامحني بدون إعدام=علوم الغيب بيد الله عارفها ومحصيها
نبي نكتب وندعي في الصلاه ونرقب الأيام=ومن يدري لعل الواحد المعبود يمضيها
وعلى قدري من الأمكان والأمكن بروس اقلام=ابنظمها واحررها وابث ازكى معانيها
من ألأعلى أثير يبروز الصوره ضيا وينام=ويكسي داير الدنيا سنا الواهج ويرويها
سلامي يالمبادر كل يوم بخير خير إمام=عدد مافي القران من الحروف وعد قاريها
امانه عاشق الشعب السعودي ينتظر قدام=وجميع الشعب حافظ حفظ وعياله موصيها

استاذي الغالي جزل البيان
قصيده راقيه ومعاني ساميه
ومدح لوالد الجميع ابو متعب
وهو يستحق اكثر من ذلك
لك مني جزب الشكر على الابداع في هذ النص
تفضل بقبول فائق الاحترام

صح لسانك اخوي الغالي الشاعر جزل البيان على هالجزاله عبرت عن مافي داخل كل مواطن يحب بلاده ومليكه
تقبل مروري وغاية اعجابي

وهاهم شعراء الحق ينطقون الحق .. مرحباً يا جزل البيان وأنت للبيان جزالة

حياك الله وصباحك جميل كـ حرفك .
أحسنت والله على هذة القصيدة الشامخة .. تزينت بالحب .. وأكتلمت بالوفاء ..
رسالة من قلب رجل واعي مُدرك الحقوق ويعلمها جيداً والله يوفق مملكتنا الحبيبة وملكها أبومتعب والله يسخر لهم البطانة الصالحة ..

شكراً لك لا ينقطع وصح إلسانك مدد بلا عدد ...
.

رغم تحفظي على مضمون القصيدة وما جاء فيها
لكن تبقى يا أبا فهد شاعراً جزلاً وقوياً وتستحق
كل إشادة وتقدير
صح لسانك ملايين ولا هنت

ملك بالك على باله يدور بدورة الايام
يدوب الامنيات تمر في بالك يسويها
ويستاهل اكثر واكثر يستاهل الحب والتقدير ومانقول الا الله يطول في عمره ويرزقه بالبطانه الصالحه اللى تدله على فعل الخير وتعينه على مافيه خير الاسلام والمسلمين والمراه لاصارت محتشمه ومتمسكه بدينها وعوايدها الطيبه من يدري يمكن تطلع اطيب من بعض الجنوط والوجيه التفله اللى ماخذنا منهم اللى التسدح في مجلس الشوري ومنع القررات اللى فيها مصلحه للمواطنين وتطبيق قرارات ساهر وصالح كامل ,,,,,صح لسانك مليارات يانبع الابداع والثقافه والجزاله ابدعت كالعاده وصطرت حروف من ذهب في هالقصيده الراقيه والله يعطيك الف عافيه
تقبل تحياتي,,,,

صح لسانك ياجزل البيان على هالجزاله وماهي غريبه على جزل البيان
تقبل مروري واعجابي

.
.
صح الله لسااانك ..شاعرنا
ابيات جزله
ربي يسعدك
.
.

ابيات جميله ك جمال هولندا بطبيعتها الساحره


تحيتي لك

صح لسانك يـ جزل البيان
الجزاله موغريبه عليك
لاهنت