حلا ة البر ؟؟؟؟؟

الله من جدب ً عقر في وطنا = شين حلات البر واذهب رواعيه
مرت اسنين وبعدها سنين جنا = ويلن طاروق المحل عابر ٍ فيه
والباديه قلت وقامـت تونا = والبر لولا الغيث ماحدً سكن فيه
مدري قدر والا خطوات منا = والله عليم بغيب حكمه ويقضه
وقمنا انتباشر يوم الآخبار جنا = اليامطرت سيحان واخضر واديه
والكل منا للمـــــــــراحيل دنا = اللي مشا على الخط والي يباريه
والياوصلنا منوت الي تمنى = قفراً زهور العشب غطت محانيه
وبيوتنا بخضر المحاني تبنا = والحمد للي كل مخلوق يرجيه
ومابين عتباناً وبقومٍ نزلنــــا = وياحي منهو وافيا ً في عوانيه
وحيو بنا من يوم جاهم ضعنا = والطيب منهم قابلتنـا مســاعيه
جينا ضيوف وكرمو كل منا = والجود والنوماس من عز راعيه
ولا فيهم الي بالرديه طعنا = حتى انتهى المرباع والستر ضافيه
واثني لهم بالشكر على كل فنا = اعداد ماهل المطــر من عواليه
ولا بد ماياتي لنــا الدور حنا = واللي قرانا بالمواجيب نقريه
والطيب مابين الحمايل مثنى = مثل الذهـب مابين بايع وشاريه
والطيب اله وراث منهم ومنا = واهل الشهــامه ماتحدر مبانيه
وصلاة ربي عد فرض ً وسنا = على شفيع الخلق بأحكام واليه

[/poem] [/poem]
هذه القصيده تعبر عن قلة الأمطار ورحيل البدو الى الديار المجاوره
للبحث عن الربيع ومراتع حلالهم
والجود والكرم فيما بينهم 00 واعتقد الشي هذا ماحد فينا يجهله
وامل ان تحوز على رضاكم 000

الفرسااااااااااااااااان

صح لسانك اخوي وبيض الله وجهك

جزله من راس جزل لاهنت يالنشمي

ونطمح في المزيد يالغالي

الفرسان .... يازين البر.. انا استغني عن اجازة خارج المملكة واستبدلها بطلعة بر..
بس لازم عزبه عدله وخوي ممتاز .. وذبيحه معلقه .. والاهم المطر

لا والله الا زان جو المقناص ياخوي الدرب

وليا وصلنا منوت اللي تمنى=قفرٍ زهور العشب غطت محانيه

طف الجيب وخلنا ان نزل العزبه

مشكور اخوي الفرسان
قصيدة جزلة وفقك اللة
تحياتي

		المشاركة الأصلية بواسطة : عبدالله الشدادي اقتباس
	صح لسانك اخوي وبيض الله وجهك جزله من راس جزل لاهنت يالنشمي ونطمح في المزيد يالغالي

ماعليك زود يابن العم وتشكر على مرورك
يالغـــــــــــــــــــــــــــــــــالي

الفرسان

		المشاركة الأصلية بواسطة : المستحيلة اقتباس
	الفرسان .... يازين البر.. انا استغني عن اجازة خارج المملكة واستبدلها بطلعة بر.. بس لازم عزبه عدله وخوي ممتاز .. وذبيحه معلقه .. والاهم المطر

المستحيـــــــــــــــــــــــــــــــــــــــــــ ـله

فعلاً البــــــــر نسيم الضايق والله الله اذا كان الجو ممطر
وخصوصاً هتان خفيف

واما العزبه اهم شي عندي في البر 00 لازم تكون
متكامله 00 والبراد رايح جاي

هه هههههههههه

والخوي الي يبعد الأحزان ويشرح الخاطر ويرتاح له القلب

واحلا شوي يطعميك من يده

بس مو كل اجازة الصيف 00 لأنه في دول مجاوره

احلا اجواء فيها سواً في البر او في المدن

مثل الأردن وخصوصاً جرش ، واربد ، وسحاب ، والزرقاء

ومثل سوريا وخصوصاً كسب ، وصلنفه ، واللأذقيه ،وادلب

والي عنده رغبه يصف خارج المملكه لاتفوته هذه المناطق

مشكوره على مرورك يالمستحيله يا نشميه

[color=#990066]الفــــــــــــــــــــــــرسااااان [/

color]

		المشاركة الأصلية بواسطة : ابوراكان اقتباس
	لا والله الا زان جو المقناص ياخوي الدرب وليا وصلنا منوت اللي تمنى=قفرٍ زهور العشب غطت محانيه طف الجيب وخلنا ان نزل العزبه

اما انت يابو راكان عزبتنا خلها محلها

يامرحوم الوالدين

لاتجي قصة اشواق وضربه

لا لين يجي فايز وخويه وناظر الفلم من جديد هات ود

وانا باقوم ازين لكم الغدا
والصلاه فاتت وهذا كل شوي اصبر بجيك اصبر جايك هههههه ههه ههه احلا رحله في العمر 00 راح الظهر وجاء العصر

شاكر اهتماااااااااك عزبتنا عدله ولا تنوشها

الفـــــــــــــــــــــــــــــرسااااان




هههههههههههههههههه

اخوي ناصر شاكر لك مرورك

وتواجدك المستمر واهتماك

وتشجيعك
لا هـــــــــــــــــــــــنت


الفرسان

اخووي الفرسان صح لسانك
قصيده جميله ورائعه
بيض الله وجهك يالنشمي
ننتظر المزيد منك
يعطيك العافيه .