هاجس الذكرى

ياهاجس الذكرى ولوكنت اداريك=ماكل من يلفيك يدرك علومك
ولا كل من جامل معاليك مغليك=ولا كل من قفّى ودرهم يشومك
اوجزت نظمك والطواريق تشعيك=جزل المعاني منك تقضي لزومك
بيّنت منطوقك ونقيّت مافيك=ابدي بمايبدي مقام يقومك
ياليل فيك اسري وتسري بساريك=تبطي ويبطي من يسامر نجومك
مبداك مايفرق عن اتلا تواليك=في عين من يشتاق لاشراق يومك
تهون وان طالت وكثرت مساريك=ويودعك من لا تمنى قدومك
ياساري وسود الليالي تحاذيك=غطّت دياجيها معالم رجومك
ان تاه في ضلمة الليل طاريك=لا تلوم ساريها ولا احد يلومك
وياصبح بشرّني وانا في حراويك=فجرك متى للي تحرّا يرومك

حياك الله أخوي

وصح لسانك ولاهنت

ع القصيدة الجزلة والرائعة

الله الله
ابداع منقطع النظيييير
صح السانك وقلبك مليون
لاهنت لاهنت لاهنت

يا هلا والله وألف مرحبا
بشاعرنا العزيز أبو فهد
والله يحييك في منتداك من جديد
تشرفنا بك وبما شاركتنا به
وصح لسانك ملايين

قصيدة رائعة ومميزة
أيها الشاعر القدير
سفير وشاعر
لا هنت ولا هان قافك

ارحب تراحيب السيل يابو فهد ومن طول الغيبات جاب الغنايم وصح لسانك حتى ترضى وتقبل مروري واحترامي ياالامير

قصيده جميله بمعناها
سلمت وسلم النبض والمداد
يعطيك العافيه
تقديري وجل احترامي

.




حتىَّ وَ إِنْ طَالْ الليِلْ بِظلمتهِ سَيُشرِقُ
الصَباح بَنوُرهـِ وَ شمسهِ المُشعَِّة وَ يتلاشىَّ
ذلِكَ الإِنتظَار بِعنفوانْ التلاقيِْ .


حُييِتْ يَ سَفيِر القَافْ وَ حيَّ هَاجِسْ الذِكرىَّ الذيْ
أتىَّ بِكَ حيثُ بحوُر القوافيْ بَعد غيَابْ فَ نُحنُ مُمتنيِنْ
لهُ إِمتِنانُ عَبِقْ .


صَّح الله مَنطوُقكْ وَ يسلَّمْ إحساسُكْ الزاخِر
وَ جزائِلْ قوافيكْ الفاخِرة دوُماً .



+ توُشَّمْ بالتميَّز

		المشاركة الأصلية بواسطة : بنت النشامى اقتباس
	حياك الله أخوي وصح لسانك ولاهنت ع القصيدة الجزلة والرائعة

ابقاكم الله على الخير دوما
وسلمت يديك يابنت النشامى

ارحب يا سفير وشاعر
وصح لسانك وعاش بنانك على
هذا الابداع
وبيض الله وجهك