الله من هم وهم على هم

هذه القصيده وجهتها الى الشاعر فواز بن بسيس الحارثي وانا انتظر رده

الله من هم وهم على هم= قلب المعنى حاصرنه همومه
هم يجي هافي وهم يجي زم= وهم استقرت في ضلوعي سهومه
واحكم على قلبي حصار منظم= وتحطمت قواي باول هجومه
وعجزت انا احصي جيش همي يجي كم= مير احجبت شمس السعاده غيومه
واللي برى حالي وخلاه منسم= غرو بقلبي باقيات رسومه
غرو على كل العذارى تقدم= فيه الحلا والجسم فيه النعومه
واليا ادبرت قلت الشعر ليل اظلم= واليا اقبلت قلت القمر في هدومه
ويالله يالمعبود بالحال تعلم= تفرج لعبد ماتهنى بنومه
ويافزعتي فواز حيثك ولد عم= انته رفيق الضيق واليوم يومه
لعل من فزعتك للجرح مرهم = يابن الحرار ايقال للحر قومه
اما فزعت وتجعل الشمل ملتم= وانت الذي لا قال يوفي علومه
وحواجز الاعراف بيدك تهدم= سلوم بلت والناس فيها محكومه
والا توجه يم خلي وسلم= وقل له ترى وقتي سقاني سمومه
وقل له ترى ياريم موته تحتم= والله رحوم ان كان مانتي رحومه

لعـل مـن فزعتـك للجـرح مرهـم=يابـن الحـرار ايقـال للحـر قومـه
امـا فزعـت وتجعـل الشمـل ملتـم=وانـت الـذي لا قـال يوفـي علومـه

الله يا جزاء الله من كثر الهموم وعناها ...!!!

ونعم والله بفواز ونعم فيك يا أبو سفر

وما علينا إلا انتظار رد الشاعر فواز بن بسيس

صح الله لسانك ومليون تسلم=يا شاعرٍ غنى وزانت علومه
قافك سمعته كنه ايقول لي قم=عان القصيد وعان مطلع إنجومه
احلا من الحالي ويشدي لزمزم=يشفي غليل اللي هوت به إحلومه

المعذره على هالبيتين يا بوسفر .... اعلم انها لن تصل إلى مستوى إبداعك الشعري ولكن هي مجرد إبداء الاعجاب بما تكتب .

شاعر الشدادين سلمت وسلم نزف قلمك .

تحياتي لك

قصيدة رائعه أخي جزاء وفي قمة الروعه

وصح لسانك أبو سفر والله يعطيك العافيه

كالعاده ياجزا ..... مبدع ... مبدع

وعجزت انا احصي جيش همي يجي كم =مير احجبت شمـس السعـاده غيومـه
واللـي بـرى حالـي وخـلاه منسـم =غـرو بقلـبـي باقـيـات رسـومـه
غـرو علـى كـل العـذارى تـقـدم = فيـه الحـلا والجسـم فيـه النعومـه

صح لسانك وسلم بنانك

قصيده رائعه

تحياتي

		المشاركة الأصلية بواسطة : جزاء دهيس اقتباس
	هم يجي هافي وهم يجي زم= وهم استقرت في ضلوعي سهومه

صح لسانك وسلم بنانك...
أشهد أنك تعسف القاف ويطيع
قصايد حية فيها روح ولها وهج
ننتظر رد فواز!!
تحياتي

قصيدة رائعه أخي جزاء وصح لسانك مليون الله يعطيك العافيه

السلطان
شاكر لك هذا المرور العذب وهذه الكلمات النير
نفخر بتواجدك
تحياتي

بدوي فاهم
وش بقيت لفواز الله يهداك
اخذت عيون مايجب ان يرد به
اهلا بك ياروح المنتدى
واهلا بردودك العذبه
والله يقدرنا ونجاريك لو بالبعض من ابداعك
تحياتي