بين الأقواس

السلام عليكم ورحمة الله وبركاته



هذي رساله واسمها بين ألاقواس

................................... من طق باب الناس ينطق بابه

ماللردى بقلوب الاجواد مجلاس

........................ وان مرها في حين تطرد ركابه

لاباس ياشاكي من الضيم لاباس

.......................... أصبر ومثلك لاتعظم ثوابه

أعرفك نفسك يالردي همها كاس

..................... وتبكي عليه من الشفاقه صبابه

ولايكسبون عيال شرواك نوماس

.................. ولايقدمون إن جا نهار الحرابه

خلك محلك يالغبي في يدك فاس

..................... تومي بها وانا رفيق الذيابه

ولاني وانا ساير ضعيّف وهيّاس

........... وذكري فخر ياخبل واصلي مهابه

ولاني ورا غرات الاجواد سّواس

................ واسد رمقات الصديق بغيابه


وسلام للي طيبهم ساس عن ساس

................... شرواي لاشروا البعيد الزلابه

~

صح الله لســـانك شاعرنا (وحي الالم)

ابيات رائعه بروعة تواجدك وحضورك

ربي يسعدك

~

		المشاركة الأصلية بواسطة : العربية للعود اقتباس
	~ صح الله لســـانك شاعرنا (وحي الالم) ابيات رائعه بروعة تواجدك وحضورك ربي يسعدك ~

هلا وغلا عروبه صح بدنك

ربي يسعدك

كفو والله يا أبو علي
وصح لسانك ولا هنت
وألف شكر لك على طيب
تواصلك وروعة مشاركاتك

اخوي سايرصح لسانك ملايين ونعم ابك وبربعك
ولاهنت

اخوي/بوح الالم
صح لسانك حتى ترضى ياساير
متفوق بتميز وارقى من ذلك
قليله في حقك كلمت رائع الحقيقه ولكن وفقك الله وسدد خطاك
تقبل مروري المتواضع وخالص الود

صح لسانك وبيض الله وجهك

ربي يسعدك

صح لسانك أخوي
أبيات جميلة
والله يعافيك ويسلمك


,’

هلا وغلا باللي مروا من هون شرفتوني شكرا للمرور العطر.

أخوي رامي ان ماطاعك الزمن ولاطيعه هذا حال الناس والدنيا وش نسوي

سلمتوا ولاهنتوا

ونعم اخوي ساير
نص فاخير يحمل صاروخ ارض جو
لك مني جزيل الشكر
تفضل بقبول فائق الاحترام