قواف الشعر

يا قواف الشعر هلّ وأنعشي روح المعني=أنعشي روح المعنى وأطربي نفسٍ حزينة
لاح برّاق القصيد وجزل الأبيات أربكنا=تستثير العقل يطلق كل الأفكار السجينة
ضربها أقوى من رماح الزير وسهوم المثنى=والبحر لا هاج يخلف سير ربان السفينة
القوافي صاغها اللي في منامه ما تهنى=دعوته لا ناموا السالين يا ربي تعينه
ساهرٍ ليله يراعي للنجوم اللي سرنا=مسندٍ للراس كوعه يزعج الحي بونينه
ما نضمها من طرب وإلا سعى به يوم غنى=ترجمتها له جروحٍ في خفى جاشه دفينة
يختلط حبر قلمه بدموع عينٍ يذرفنا=وغاص فبحور الشعر يجني من درره الثمينة
ليت كلمة ليت تنفع واحدٍ قال وتمنى=بس لو لحظات تهنى في منام الليل عينه
الحبر دم الجروح اللي بقلبه ينزفنا=والسبايب عينها اللي لأجلها تكرم مدينة
يا كثر شوقي لمن في حبها ربي فتنا=أشهد أن نور القمر نصف الشهر طلة جبينه
قبل حبه يشهد الله صابرٍ صبر المجنّى=ضايقٍ باله ولا شاف السعادة في سنينه
لين هام القلب فيمن عن هوى غيره شغلنا=ليت نور العين يدري عن هوى القلب وحنينه
هام قلبي هام في شقرٍ على أردافه تثنى=جالها تركي يشيل القلب في راحة يمينه
يوووووووووووووووووه ياليلة نشوفه خطر عقلي يستجنا=ساعة أندم على ما فات ونذوق الغبينة

صح لسانك ياتركي والله يعطيك العافيـــــــــــــــــــــة .

صح بدنك يالضيغمي

هلا بحضورك وتشريفك

لاهنت ولا هان غاليك

هذا واجبنا تجاه كل شدادي

صح لسانك يا ابو غايب

قصيدة جزلة ومن شاعر جزل

صح لسانك ياتركي

وحياك الله على القصيده

الراااائعه

صح لسانك يابوغايب

قصيدة جزلة من شاعر الجزالة

يعطيك العافية .. وفي انتظار المزيد من روائعك .

صح لسانك يابو غايب قصيده جزله من شاعر جزل

صح لساااااااااااااانك

يــــــا تركــــــي وبيض الله وجهك

ولا هنت جزلة من جزل

ووووووووانا اشهد

الله الله .. صح لسانك تركي ..
وهات المزيد .