نجمة بالسماء

مـجـمـوع الأوسـمـة · توقيع : جزل البيان

الاخوه الاعزاء اداري واعضاء
((شبكة الشدادين الرسميه))
اسعد الله اوقاتكم بكل خير
اطرح بن انضاركم هذه القصيده المتواضعه امل ان تحوز على رضاكم والسلام عليكم ورحمة الله وبركاته

بالسماء نجمه ونجمه حولت بيد الظلام=لبت الغابه عزيمه كلها حشمة اسدها
اسمها وحده يسلمك السلامه والسلام=بعدها ماقبلها كانت ولاجت من بعدها
الامام اصلاً يحدد مستوى الناس الامام=اعترفنا بالحقيقه وان بدينا من جحدها
ملتقى الظاهر مع الباطن على النيه تمام=والعلوم الطيبه من جد بالدنيا وجدها
نفسك الي تلتزم لاكنت صادق بالتزام=ولابغيت تهين نفسك خالف النفس وعهدها
من فقد ذره من التركيب من حيث احترام=لايخيم صمت في نفسه ويكسر من نقدها
لالزمت الصمت ماريحت بالداخل كلام=والنفوس تحوك شر وخير وتدور سعدها
والسعاده من يعايشها على الدنيا استقام=وكل من حصل ورى ذلك ولو عايش فقدها
المحاسن من جواهر والجواهر من نظام=والله احسن صورته في الخلق بالحق وسندها
ياملاك الحسن فاض الحسن باطراف المقام=ليت هذي البهرجه والحسن ماتنسى رشدها
منطلق كذبك على نفسك هوى كان انتقام=لاتحمل طاقتك مافوقها تفقد جهدها
الحلال الي دفعني عنك واشقاك الحرام=والعيون الي تشفك زين من غمض رقدها
للخيال ابعد مدى الصحوه ويعبر بالمنام=للحدود الي قفى التعبير بعيونك جردها
اسمحيلي قسوة التعبير بحضورك صدام=ومجممل الفكره سليمه لاتخلت عن حسدها
صعب مضمون الحقيقه بالمقابل لانفصام=وصعب حتى تذكر النعمه لواحد ماحمدها
اقبل الهم اهتمام ودم في قلب الهمام=يحترق بالدم في عرق الوريد ولابردها
ناس حول الردف ولا ناس مافوق السنام=كل واحد همته في مستوى حاجه نشدها
كل ماغربت في الدنيا تلقاك انسجام=وكل ماشرقت نفسك ماتجاهر في نكدها
الحمام الي يطير العرش ويوقع حمام=يكره الصياد وان صاده مداراته فردها
الله اوجد من عدم والناس تحيى بالعدام=تضحك الدنيا وتبكي دمعتك تنسى عددها
لابلغت العز قامه واعتزازك بالمرام=قامت العز استقامه لاتراخى في عمدها