ما خنتك الا مع حرير الوسادة

السلام عليكم ورحمة الله وبركاته

واسعد الله اوقاتكم بكل خير

عوده متنكره بعض الشي

اتمنى ان تنال استحسانكم
.
.

.
.

تعال ياجود القصيد وعطاياه=لكن ياساده ركاده ..ركاده
اما يقر القاف ويطيع معناه=ولا الحكي وسط العياده..عياده
اقولها قدام هذا وهذاه=كلٍ ينقي من جياده..جواده
بجر صوت الشعر واجمع هداياه=واعلن على اصحاب السياده..سياده
ياعذبة بيوت الشعر يشهد الله=ماخنتك الا مع حرير الوساده
وان زان مضمون الخيال وسجاياه=نزيد مع زود الزياده ..زياده
نلهي ولكن ربنا مانسيناه=والله يبغى من عباده .. عباده
مضمون موضوعي ونصه وفحواه=يبغى من اصحاب الرياده ..رياده
محدٍ يجر الصوت ويقول ويلاه=الا الذي جار الزمن في عناده
كلٍ يبرهن في زمانه بدعواه=ولاحدٍ يجاهد غير لجل الشهاده
ياخلى اللي عذبتني حلاياه=مابه شبيهك بين هالغيد..غاده
عيد الشعر في طرقتك طال مسراه=واعلن مع اصحاب العماد ..اعتماده
لو تزهم المقهور ماقال لك هاه=وان عدتها مافي الاعاده.. إفاده
طال الطريق وعان الانذال فاتلاه=كلٍ على الثاني يزيد اضتهاده
والنار لاشبت وصارت مساواه=لاتقربين امن الجمر ياجراده
مشكور ياجود القصيد وعطاياه=لكن عسى الساده بخير وسعاده

.
.
اخوكم.. عيد الشدادي (الغربي)

صح لسانك واعتلى شانك

لاهنت

شاعر يهطل الجمال فتزهر الذائقة في حضوره

صاحب فكر فارع وقلم بارع

ننتظر عطر بوحك .... و رسم احساسك

صح لساانك لاهنت
تحياتي ,,

صح لســانكـ وأعتلى شانك


شاعرنـــــــــا الفاضل


باركك الله فييك

حياك الله يا عيد
وصح لسانك ملايين
ما قصرت

تعلوالهامات ويعلواالشعربك ياعيد


صح لسانك

كفوو...لاعدمناك

روعة يالغربي في روعة اختيارك ونثرك
بعبير ذائقتك العطرة من عذب وجمال قصائدك
أثني لحضورك وفخامتك
بأسمى آياات الثناء والاعجاآب لرقي اطلالتك
وابداعة طرحك الكريم
آكاليل وردي وعذب مودتي
لروحك المرهفه

،’

صح لسـانك ملاييـن ولايسدون

الغربي

بيض الله وجهك ولاهنت

ّّ

ياعذبة بيوت الشعر يشهد الله

ماخنتك الا مع حرير الوساده

صح لسانك يالغربي قصيده جزله وفحواها ثمين

الغربي
صح لسانك ملايين
جزل وقصيدك جزل
وفقك الله