مطوع نفي

مطوع نفي
________________________________________
وهو سعيدان بن مساعد

امام وخطيب بلده نفي في زمنه

عاش في النصف الثاني من القرن التاسع عشر وفي النصف الاول من القرن العشرين

عاصر عبدالله بن سبيل الشاعر العروف

ودارت بينهما مناكفات شعريه

فعندما يتغزل المطوع بفتاه صغيره ويقول

هيض علـي جويـدل ماتغطـى=يلعب مع الصبيان بام الخطوطي
ياشبه غرنوق مـع فـرق بطـا=توه وحش نزل البحر والشطوطي
كنه على شوك الهـراس يتوطـا=والا الميابر يوم بالرجل يوطـي

فيرد بن سبيل عليه

مطوع يامـال كشـف المغطـا=ياخذ على رقي المنابر شروطـي
شره على ورع وهـو ماتغطـى={يلعب مع الصبيان بام الخطوطي}

احيانا يشكل شاعران ثنائيا بحيث يؤدي كل واحد منهم الى شهرة الاخر, ولدينا في تراثنا القديم امثلة كثيرة على ذالك.

وسعد بن مساعد او ( سعيدان ) شاعر عاش في ( نفي ) غربي نجد اوئل القرن العشرين, وكان معاصرا لشاعرها الشهير ( عبدالله بن سبيل ) الذي كان يشغل منصب اميرالبلده بينما سعيدان امام مسجدها.

وبالتالي تكونت بين الشاعرين صداقة ( لدودة ) كان من ثمرتها بعض الطرائف التي مازالت الى يومنا هذا.

ومن ذالك ان سعيدان كان يفخر كثيرا بنجره الذي يدق به القهوة.
وقد حاول اكثر من شخص شراءه ومنهم ( دغيليب بن خنيصر )
فقال هذه القصيدة :

نجر المطوع يوم سامه دغيليب=قالوا تبيعه قلـت والله ماابيعـه
ابغى الى جونا هل الفطر الشيب=اجواد مرفقهم عـدو الشريعـه
اول قراهـم دلتيـن وترحيـب=ترحيبه سهلـه بنفـس رفيعـه
مناب اعرف اللي بجنبه عذاريب=طبيعه يا حيهـا مـن طبيعـه
لعل رجل ما يعرف المواجيـب=تجيه ليعـات الليالـي سريعـه

فيرد عليه بن سبيل ويقول

اللي يجي يمه هل الفطر الشيب=شرق عن الهييشه يسار الرفيعه
والا المطوع كل هرجه تكاذيب=والى بغى ماهيب ترفه تطيعه

ولاكن المطوع لايهتم ويستمر بالفخر بالنجر العجيب

النجر سامه شارع الوهـاب=سامه وكثر مير انـا عييـت
الله لايتكل علـى الاسبـاب=ان كان بعت النجر بعت البيت

ويحاول المطوع اعلان كرمه ويقول

لاضاق صدري قمت اصوت لنوره=هاتي حطب وارميه للجار والضيف
من قبل ولد اللاش يبـدي بشـوره=حمست من بن اليمن غايه الكيـف

ولاكن ابن سبيل يرد عليه ويقول مستهزا..

مطوع يا كبـر هولـه وجـوره=مشراه في دور السنه مد ونصيف
ودلالهـم دب الليالـي مهجـوره=وخطارهم ما غير ابوزيد وحنيف

وبيعدا عن المناكفات فان للمطوع قصائد غزليه رائعه

ومنها قوله

كريم يابـرق علـى دار نـوره=نورات واجد مير في نورها زود
الجادل اللي كن خنـه عطـوره=مباخر سيقت على جمرها عـود
زل ارمضان ومقتفيه الفطـوره=وقفاهن الموسم وانا مثل مسعود
شرابي البارد يزيـدن حـروره=شري على كبدي ولوكان قرهود
الحب يظهر حنطته من بـذوره=وقوت البلد عندالدلاليل موجـود

هذا مطوع نفي ( ونفي قريه في نجد ) .. في هالابيات يطلب الرأي من أصحابه حيث تحلو الآراء مع الاجتماع حول القهوه والسمر.[/size]

[all1=CCCCCC]

سعد بن ناصر الملقب ب(سعيدان) ( مطوع نفي)
في سنة من السنوات كان يمشي ومر على خمس من النساء العفيفات جالسات
حدر أثلة وشابات نار يتدفن عليها يوم شافن المطوع قالن تفضل يالمطوع تدف على النار
يوم جاء انشدنه قالن أنت شاعر وتقصد بالنساء ولا قلت فينا قصيدة
وإذا هن ثنتين كبار بالسن وثلاث بنات
قال المطوع أبياتا يذم فيها الثنتين الكبيرات في السن ويثني فيها
على البنات الثلاث قال:

لعل هذي هي وهذي بهاذي: يقصد النار.

[/all1]

لعل هاذي هي وهاذي بهاذي=وهذي تمهل هي وهاذي وهاذيك
طير العشا ما يفرس إلا القذاذي=وفرخ الحرار إلى نهمته يعشيك

الله يعطيك العافيه المستحيلة

ماشاء الله قصايد راااائعه وقويه من

الشاعر مطوع نفي وموضوعك رااائع

يالمستحيله شكرأ لك

اعجبني مرورك يالصقار.. فشكرا .. لمزيدك..

الله يعافيك يالبرنس..

طبعا عبدالله .. مطوع نفي مشهور..
والطيبين شرواك واجد ..

اين البقية؟؟