|
||||||||||||||||||
المنتدى ناجح وله تسعة أعوام
السلام عليكم ورحمة الله وبركاته اسعد الله اوقاتكم بكل خير فالبدايه نبارك ونهني منتديات قبيلة الشدادين الرسميه بمناسبة دخولها عامها التاسع ونتمنى لها التوفيق والاستمرار والتقدم ولكافة القائمين عليها ..من اداره ..ومشرفين ..واعضاء إليكم هذه القصيده ..واعذرونا على القصور مبروك ياعامٍ جديدٍ هذا العام=عساك عام الخير تكثر نعيمه أنا في الازم تحزمت بحزام=من شان ربعٍ لي نشاماً حشيمه البارحه بيدي حره لها خطام=حره تلاعب موميات الشكيمه حره علاها وسمنا والاصل يام=سفينة وسط البحر مستقيمه تقول ياعويض ترى الدرب قدام=حط الشداد اللي على وسق ريمه خلنا نسج مع الاراضي بالاقدام=افرح مع الممشى وقطع الخريمه ياما مشيت مع الليالي والايام=وفي الباديه بنيت بيتٍ وخيمه ولابد من يوم ولبسه لنا الخام=واعوذ بك ياربنا من جحيمه سلام لك يامنتدى فاز بوسام=وفوزه من اعمال اليدين السليمه المنتدى ناجح وله تسعة اعوام=ومشهود له بالحق ماهي ظليمه وسلطان ريس منتدانا ومقدام=وسلطان له عند الرياجيل قيمه سلطان يبني البيت ماهوي هدام=بناه بافكار وجهودٍ عظيمه سلمت ياسلطان للعز غنام=رجل حكيم ومن رجالٍ حكيمه بيتٍ لنا بسم الشدادين الاكرام=والطيب في ذا البيت ذعذع نسيمه حنا شدادينٍ لنا طيبنا دام=وفعولنا يوم الجواهل قديمه يوم السنين الشهب للفعل زعام=عجير شيخ شيوخ فاد الغنيمه وشرار راعٍ للبواضا ليا قام=مايندرق فالمعركه عن خصيمه وشعارنا اعلام القبيله وخدام=من دونهم مثل البحور الطميمه يالله بمانك تمن بلاد الاسلام=وشعوب سكان الخليج الكريمه وحكامنا نجومٍ ونفخر بحكام=روس الزعامه والنفوس الحليمه عويض بن علي بن فهيد الشدادي الحارثي
|
16 Nov 2012, 10:44 PM | [ 2 ] | |||||||
|
رد: المنتدى ناجح وله تسعه اعوام
مرحبا بك شاعرنا القدير عويض بن علي وحياك الله وطول الله لنا بعمرك
صح لسانك وبيض الله وجهك على هذه القصيدة الجزلة والوافية التي أمتعتنا بها شاعر وعلم يا ابن علي ونصوصك لها طابع خاص ودائماً ما نجد الشعر الحقيقي بنصوصك نص في قمة الجمال والروعة أبدعت فيه وأطربتنا بها تقبل مروري وفائق تحياتي |
|||||||
|
||||||||
16 Nov 2012, 10:44 PM | [ 3 ] | |||||||
|
رد: المنتدى ناجح وله تسعه اعوام
.
. الله عَليِكْ حَرفُ طَآلْ آلأُفقْ وَ عَآنقْ آلثُريَّآ حَقاً أَهلاً بِحضوُر آلجَمآلْ آلمُعَتقْ بـِ/ آلوُفآء صَّح الله لسآنكْ وَ دآم نَبضْ بَوُحكْ وَ كُلْ عَآم وَ أنتَ هُنآ مُحتَفِلاً طِبتْ بِسموُ |
|||||||
17 Nov 2012, 12:07 AM | [ 4 ] | ||||||||
مؤسس شبكة الشدادين
|
رد: المنتدى ناجح وله تسعه اعوام
ما شاء الله تبارك الله بيض الله وجهك يا أبو علي وعسى عمرك طويل عز الله كفيت ووفيت وما قصرت ورايتك بيضاء يا طويل العمر أبدعت في قافك ومعناك وصح لسانك ملايين ومشكور على تلبية الدعوة |
||||||||
|
|||||||||
17 Nov 2012, 12:13 AM | [ 5 ] | |||||||
عضو متميز
|
رد: المنتدى ناجح وله تسعه اعوام
بيض الله وجهك وصح لسانك يا ابو علي ولاهنت قصيدة في قمة الروعة وسلمت يمينك تمنياتي لك بالتوفيق |
|||||||
|
||||||||
17 Nov 2012, 09:22 AM | [ 6 ] | ||||||||
|
رد: المنتدى ناجح وله تسعه اعوام
صح لسـانك ملايين ولايسدون
وبيض الله وجهك لاهنت |
||||||||
|
|||||||||
17 Nov 2012, 03:23 PM | [ 7 ] | ||||||||
عضوة متميزة
|
رد: المنتدى ناجح وله تسعه اعوام
بيض الله وجهك وماقصرت.. لاهنت |
||||||||
|
|||||||||
17 Nov 2012, 05:04 PM | [ 8 ] | ||||||||
|
رد: المنتدى ناجح وله تسعه اعوام
صح لسانك واعتلى بالخير شانك ولاهنت ع القصيدة الرائعة |
||||||||
|
|||||||||
17 Nov 2012, 05:29 PM | [ 9 ] | |||||||
شاعر
|
رد: المنتدى ناجح وله تسعه اعوام
بيض الله وجهك ياعلي وصح اللسانك ولاهنت |
|||||||
|
||||||||
17 Nov 2012, 06:23 PM | [ 10 ] | ||||||||
عضوة متميزة
|
رد: المنتدى ناجح وله تسعه اعوام
صح لسانك والله قصيدة رائعة : ) .. أبدعت ماشاء الله شكراً لك .. |
||||||||
|
|||||||||