الشاعر : علي بن حمري

الود له ضمـةً والصـدر لـه ضمـه=والنفس ماهي من ألاخطاء معصومـه
مدام فى الراس قدح ,, وفى القدم هِمه=فالقاع له خطوةً والبحـر لـه عومـه
القبر فى ألارض ,,والشهره على القمه=يـارب لاتجعـل الطيحـه بـلا قومـه
لاقلت هانـت مصيبـه جتنـي مطمـه=وقتً تخارجـت مـن نابـه لبلعومـه
من يحسب أني هدف يرميـه ويخمـه=أضحك علـى لحيتـه وابيّـع هدومـه
آكل من ألنخـل واورّد علـى ألجِمـه=مدروسـةً خطـة الكبتـن ومرسومـه
والهم ياحوول مايخجـل علـى دمـه=يجي وأنا في حـلاوة سابـع النومـه
أجاهـده بالـذي لبيـه مــن فـمـه=تسوى المساوي ..جعل يومي قبل يومه
أشفق على شوفته فـي ذمتـي ذمـه=ويلي على قطـف رمانـه وبرشومـه
كانت عربنا تسولف عن جمـال أمـه=وأليوم ختـم ألحـلا بيديـه ورقومـه

من روائع الشعر وابداعاته
اختيار مميز وأكثر من رائع
شكراً يا ابن مهرس
والله يعطيك ألف عافية
على تواصل الطيب وحضورك الرائع

بارك الله فيك
أبدعت ف إنتقاء القصيدة
لاهنت

قصيدة رائعة
مشكور أخوي ع الايراد
ولاهنت

إختيار متميز أخي الكريم ..

شكراً لك