آخر 10 مشاركات |
مختارات | لست بحاجة لمن يسمعك بل لمن يصغي لما تقول |
|
|||||||||||||||||
الاد شداد ٍ والاد الحطيبي
بسم الله الرحمن الرحيم السلام عليكم ورحمة الله وبركاته.. أخواني الأعزاء الكثير منكم يعرف هذه القصيدة ويعتقد بأن قصتها فقط هي عندما لفت أنتباه الشاعرة نويّر العطاوية العتيبية عظام الذبايح التي كان يذبحها جيرانها وقالت القصيدة دون التطرق لأحداث القصة الحقيقية.. ولكن القصة لها بداية وهي عندما كان الشدادين وذوي حطاب في نجد وقاطنين على أحد الموارد وكان كبير القوم حينها الأمير عجير ابن مهرس ومجاورينهم الروقه من قبيلة عتيبه وأستمرت الجيرة بينهم عدة أشهر على طيب ونقا وكانوا ربعنا كل يوم عندهم كرامه ونارهم حيه ويذبحون ويصلخون ويعزمون الروقه عندهم ومثل ما قال الشاعر ضيف الله العتيبي: لا اوقع نصيت عجير ماني بغادي = بيت ٍ كبير ومجلس ٍ فيه الاوقار بأطرافهم تسمع لصوت المنادي = ويكثّرون الزاد لو ماش خطّار وكانت الشاعرة نويّر مقاصره بني الحارث ولا كانوا يقصرون معها ربعنا ومكرمينها أجزل الإكرام ودارت الأيام وشدوا الربع على راس الأمير عجير ابن مهرس لديارهم وبقي عند الروقه فريق ما بين شدادين وذوي حطاب على راسهم الفارس عباس الحطابي من السهاوين من الطفله وغارت أحد القبائل على أباعر الروقه وقاموا الروقه يبون يردون حلالهم وفزعوا عباس وربعه مع جيرانهم الروقه وجاء لهم فعل في ذاك النهار يوم تقول نوير: للسيل يا دار ٍٍ نزل فيك عباس = حامي عقاب امشعثرات السبيبي
المهم عادت البل لهلها وبعد أيام شدوا عباس وربعه لاحقين ربعهم اللي سبقوهم لديارهم وهذا حال البدو ذاك الزمان شديد ونزول وقالت الشاعرة نويّر الروقيه العتيبيه تذكر جيرانها وفعولهم تقول:
أمسى الوطا كنه خلي ٍ من الناس = غير القطين وعد ورد القليبي للسيل يا دار ٍ نزل فيك عباس = حامي عقاب امشعثرات السبيبي يا زينهم فوق المعاميل جلاس = الاد شداد ٍ والاد الحطيبي ربع ٍ تحط الذيل مع فلغة الراس = ويقلطون الرز ويا الحليبي شدوا يبون عجير قطاع الارماس = وياما خذوا قطعان بدو ٍٍ عزيبي اردها في اللي عريبين الاسياس = ماهوب قول امهاويات الصحيبي هذا ما حبيت توضيحه والحقيقة كل فعول ابن الحارث تنومس وختاماً تقبلوا تحيات أخوكم وابن عمكم ابن مهرس
التعديل الأخير تم بواسطة ابن مهرس ; 23 Feb 2009 الساعة 03:00 AM
|
30 Jul 2007, 09:38 AM | [ 2 ] | |||||||
نائب المشرف العام
|
بيض الله وجهك اخي الغالي ابن مهرس على الطرح وعلى الايضاح دمت متألقاً في سماء منتدانا الغالي |
|||||||
|
||||||||
30 Jul 2007, 11:54 AM | [ 3 ] | ||||||||
شاعر
|
لاهنت يا بن مهرس على طرح مثل هذى الموضوع ولا هي غريبه عليك وبيض الله وجهك |
||||||||
30 Jul 2007, 07:27 PM | [ 4 ] | ||||||
|
ماشاء الله عليك يابن مهرس والله انك القائد التاريخي للشدادين خاصة وبلحارث عامة من جد انت القاموس لتاريخنا بارك الله فيك تصدق توني مسجل بالمنتدي وكل مواضيعك تصفحتها لانها تستاهل التصفح والقراءة . وتستاهل لقب القائد التاريخ لبني بلحارث |
||||||
31 Jul 2007, 09:52 PM | [ 5 ] | |||||||
عضو متميز
|
العاقل يعتبر فعل بلحارث فخر لكل حارثي طبعن العاقل بس ومشكور ابن مهرس على مجهودك الطيب ياالقرم تقبل احترامي |
|||||||
|
||||||||
31 Jul 2007, 11:04 PM | [ 6 ] | |||||||
شاعر
|
حياكم الله يالربع ومشكور يالعبدلي على الكلام اللي يدل على طيب معدنك وإن شاء الله ما نقصر معكم وبني الحارث كلهم أهل قاله وطاله وأنا والله ما أداني ضعيف النفس اللي ما فيه خير لنفسه ولا لربعه.. |
|||||||
31 Jul 2007, 11:26 PM | [ 7 ] | |||||||||||||||||||||||||||
عضو متميز
|
كفؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ يابن العم والضعيف لاخيرة ولا كفاية شرة وعلى قول الشاعر مصلح ابن عياد: ما يبلش الرجال غير الهلايم = وعوجان الأريا ما تجي مستقيمة
|
|||||||||||||||||||||||||||
|
||||||||||||||||||||||||||||
01 Aug 2007, 04:27 AM | [ 8 ] | ||||||||
مؤسس شبكة الشدادين
|
يا هلا والله بمشرفنا ابن مهرس حياك الله ويا هلا بعلومك اللي ترفع الراس ونعم والله بالشدادين ونعم في بني الحارث ونعم بكل القبائل والله يحفظك ذخر وسند |
||||||||
|
|||||||||
20 Aug 2007, 10:06 PM | [ 9 ] | |||||||
|
الله يعطيك طول العافيه اخوي على القصه والقصده مشكور |
|||||||
29 Aug 2007, 08:34 AM | [ 10 ] | |||||||
عضو متميز
|
بيض الله وجهك ابن مهرس على الطرح الجميل تحياتي ,,, |
|||||||
|
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سلامي لكم يا الاد شداد | ولد شالي | الترحيب والتهاني | 19 | 21 Nov 2007 04:48 AM |
جاده الجمل والاد شداد | ابو تركى | فرسان الشدادين وأبطالهم | 16 | 08 Feb 2007 01:36 PM |
ابى ترحيب من الاد شداد | على متن التمنى | الترحيب والتهاني | 13 | 10 Mar 2006 07:27 PM |
في ضيافة الاد شداد | قاسي | الترحيب والتهاني | 10 | 13 Sep 2005 10:57 PM |
أحب ربعي الاد شداد | ابن مهرس | المواهب والمحاولات الشعرية | 12 | 03 May 2005 02:55 PM |
|