جيب كبسولة

سلوتي فالبر ياعــــــــاذلي يالاجودي = والله مدري هو تصرف خـــــــطا والا قدا
جلستي فالبر لو كان يا سعود وحدي = خير من خوة وجـــــــــلسة معاوين الردا
عالمٍ للشر , والمخـــطيه تعدي عدي = تحمل قلوبٍ بها الشر كــــــــــامن .وبلدا
تحسب انها وصلت سهيل , والا للجدي = والله انها مـــــثل ماقيل (لم ينجح حدا)
رزقنا عند الالـــــــهي ونعم المسندي = ان لقينا فايده زيـــــن . وان ما جت فدا
مع خويٍ بالرجـــــال العوارف يقتدي = من رجالٍ فعلـــــــــــها فالقدم جاله صدا
فوق جيبٍ طوروا فيه تصـــميم وبدي = والحـــــــــــــديد مقاومٍ للرطوبه والصدا
جيب كبسوله تفوق , وما جــاله لدي = ماحلى مشيه فجر , لا روى الغصن الندا
لا وقف في وقفته من وقوف القايدي = لابسٍ درعه , وطمـــــــعان في رد العدا
وان قطع عرق النفود وخلاه السرمدي = كنه اللــــي فوق راس الجبل , توه بدا
ذيب جــــــايع ناوي انه يغير ,ويعتدي = شاف غرة راعي الضان , واحرا بالغدا
الخلا خيرٍ من مقابل الوجــــه الردي = وجه لا يخـــــــــجل , ولا بالمناعير اقتدا

.

الخَلا خيرٍ منْ مقَابلْ الوُجه الرديْ
. . . . . . . . . . . . . . . . . . وَجه لا يخجَّلْ وَ لا بالمنَاعيِر إِقتدا

الله عليِكْ فَاخِرة صَباحيَّة مَغموُسَّة بـ/ عُمقْ اللفظ وَ المَعنىَّ
صَّح الله بوُحكْ وَ سَلِمْ شعوُركْ الطَاغيْ دوُماً لله ِ دُركْ
وَ لا هِنتْ وَ عساكْ عَلىْ القوُة دوُم

كفو والله يا أبو سلطان
والله يبيض وجهك ويرفع مكانك
كفيت ووفيت وما قصرت
ووصفت وأبدعت وأجزلت
وصح لسانك

يامرحبا
ياطويل
العمر
وما عليك زود
وانت راعي الطيب

يامرحبا
يامشرفتنا
واشكرك
على تناءك
وجهدك المميز

صح لسانك مليون ولايسدون
ولاهنت شاعرنا على القصيدة الرائعة

الف
شكر
اختي
الكريمه


الله لا يهينك

صح لسانك وَ أعتلىَ شانك ..
لاهنت ..

مشكوره
اختي
على
مرورك


لاهنت