لا قام حظك باع لك واشترى لك

يالله يـالـلــي كــــل حــــيٍ يـســالــك=يــا واحــدٍ كـــلٍ يـخـافـك ويـرجـيـك
يـا قـاسـم انــوال الـمـلا مــن نـوالـك=وقبضة نواصي الخلق كلهـن بياديـك
اتـفـك عـقـد احـبـال عـبـدٍ شـكـا لــك=مسـتـبـرمٍ حـبـلـه بـعـقـد الـشـرابـيـك
بعيـدٍ عـن الدانـي دعــا والتـجـا لــك=يـا مـن هـو المالـك وحـنـا الممالـيـك
ارمـــي بـحـالاتـي لـذيــك الـتـهـالـك=تفـرج عـن القلـب الـذي فيـه تشكيـك
مـا بـه مـن الحـرفـات الاالـدعـا لــك=والحـيـل قـصـر والأيــادي مفـالـيـك
فليا اقتضى عسري بحسن الرضا لك=فاجعل لنا صبرٍ على العسر يرضيك
سايلـت داعـي البـيـن مـالـي ومـالـك=مـن كـل صــوبٍ كـاثـراتٍ دعـاويـك
قـال إن هـذا الأمــر لا لــي ولا لــك=أمــرٍ قـضـاه آلـهـك الـلـي مـسـويـك
لا تعـتـرض أم الـقـدر فــي جـدالــك=ولا تحسب إن اللي مصيبك بيخطيـك
قسمت حظوظ الخلق قسم السوى لك=ومكتوب حظك يالفتـى فـي نواصيـك
جـف القلـم باللـوح فيمـا اقتضـى لـك=إمـــا سـعـيـد الـحــظ وإلا مـشـقـيـك
وأنـا اشهـد أن اللـي كتـب لـك ينالـك=يالعـبـد ربــك بـاسـم حـظـك ينـاديـك
كــلٍّ بتقـديـر الـولــى طـــاب فـالــك=اصـبـر عـلـى مــا قـــدر الله يـأتـيـك
ولا تـلـوم النـفـس فيـمـا جـــرا لـــك=تـبـور غـالـي سلعـتـك بـيـن أيـاديــك
ويلومـك اللـي مـادرى عـن حـوالـك=ولا درى ويـش الدهـر محـدثٍ فـيـك
محـدٍ درا ويـش الـذي صـاب حـالـك=ومـا جـرا لـك مـع صـديـقٍ معـاديـك
بـمـكـايـده يـبـلــن الأيـــــام حــالـــك=وعــن الـمـوارد قـاصـراتٍ مدالـيـك
مـا شـام بـك مـن ديرتـك عـن عيالـك=وما عرضك درب الخطر والتهاليـك
ويـن انـت والأقــدار يــوم ارتحـالـك=فـي وسـط غبـاتٍ بهـا المـوج عاليـك
مـــرٍ يـمـيـن ومـــرةٍ مـــن شـمـالـك=والعـرب مـن التريـك تـاخـذ بيـاديـك
إن قيـل رد البـوش واربــط احبـالـك=ضاقـت علـى احـرارهـا والممالـيـك
فـاعـزم وشــم ولا تضـيـق المسـالـك=ولا تـسـوي يافـتـى شـومـت الـديــك
وافهـم نبـا مـا أقـول لـك طـاب فالـك=سعود الفتى بالحظ مـن غيـر تشكيـك
وإن جاد حظك باع لـك واشتـرا لـك=فـوايـده مــن كــل الأبـــواب تـاتـيـك
وإن بــار بـــك دلاّ يـهــزل حـلالــك=وبـردا الثمـن لزمـاً يبيعـك ويشـريـك
وإن جــاد حـظـك بالمجـالـس حـكـى=لك وصـدق مقالـك كـلٍ لـك يحاكيـك
وإن بـــار بـــك دلاّ يـكــذب مـقـالـك=وتصيـر كـذبـات الـمـلا كلـهـن فـيـك
وإن جـاد حظـك بالمـنـازل بـنـا لــك=يـتٍ رفـيـعٍ شـامـخ الـطـول يـذريـك
وإن بـار بــك خــلاك تنـقـل اعيـالـك=مـــن دار إلـــى دار ودارٍ اتـجـلـيـك
وإن جاد حظك كـل شـيءٍ صفـا لـك=وقـرايـب الـخــلان كـلــن يصـافـيـك
وان بـار بـك بيـن جميـع الـعـدا لــك=وصـار المحـب اعـدا عــدوٍ يعـاديـك
وإن جـاد حظـك كـل شــيءٍ عنـالـك=ويبـاشـرك عـنـد الـمــوده ويعـطـيـك
وإن بـار بـك ضلـيـت مـحـدٍ بحـالـك=ولا بفـنـجـالٍ مـــن الــبــن يـسـقـيـك
وإن جاد حظـك قـام واطلـق اعقالـك=ومشـا معـك فـي كــل دربٍ يبـاريـك
وإن بـار بـك جـود متـيـن الثـنـا لــك=وعـن كـل دربٍ لـك يعقـلـك ويثنـيـك
وإن جاد حظـك كـل شـيءٍ زهـا لـك=حلـيـاه بــرواح المـجـالـس تـزهـيـك
إلى اقبلت تغضى كـل عيـنٍ تراعيـك=وإن جاد حظـك كـل شـيءٍ أضـا لـك
يشـبـه فـــم القـنـديـل نـــوره يـقـديـك=وإن بـار بـك عزيـل حـالـي وحـالـك
ارذل رذيــلٍ هـافـي الـجــد يـوذيــك=يالعـبـد لــو كـثـرت حــث ارتحـالـك
وعرضتهـا درب الخطـر والتهالـيـك=تـــازي بـــلا حـــظ بـعـيـدٍ مـحـالــك
وقلـوص عزمـك بالمهـامـه اتخلـيـك=تسعـيـن عــام يافـتـى مــا بـــدا لـــك
قل ول يـا حظـي علـى مـا جـرا لـك=إلـى قـل عـونـك ماجتـهـادك بيغنـيـك
اكـتـب مكاتـيـب الشـقـا والعـنـا لـــك=قل ول يا حظ الشقـى اتعبـت راعيـك
يـا حـظ لـو ذيـب المفالـي عــوا لــك=فـي مجلـسٍ حاويـه صـوتٍ يعـاويـك
يـقـول لــو حـظـك سعـيـدٍ نـمـا لـــك=لــو عـشـرة اولادك عضـيـدٍ يكفـيـك
والـيــوم لا تـأمــن يمـيـنـك شـمـالـك=يـبـوقـك اصـــدق صـديــقٍ يـمـالـيـك
ولا يـغــرك إن لـقــاك وحـكــا لـــك=لـو عطالـك مـن المواثـيـق يرضـيـك
تحـرز بسـوء الظـن وابصـر بحالـك=واحذر جليـسٍ ضايـع الـراي يعميـك
من سوء طبعه إن حكى بك حكى لك=رضـي عـدوك بالنميـمـة ويرضـيـك
راعي المكر والبوق والكـذب سالـك=وراعي الثنا ضاقـت عليـه المساليـك
يـمـشـي ورأيـــه ضـايــعٍ بالمـهـالـك=لا شاف من دونه على الوكر عاليـك
مـا تنـظـر الأقــدار فيـمـا جــرا لــك=شـيـوخ القبـايـل يتـبـعـون الممـالـيـك
فاعـزم بعـون الله علـى مـا بــدا لــك=واقصد إلـه العـرش حسبـك ويكفيـك
صـاروا ابطـن اللحـود ارض فمالـك=صـبـرٍ فـهـل منـهـم صـديـقٍ يعـزيـك
لا بأس لو مـن كـل طـرفٍ جـرا لـك=هامي سحاب الوجد من فـوق خديـك
يـا قـلـب هـيـد عــن تـذكـر احـوالـك=واصبر عسى رب الملا يعتنـي فيـك
اصبر عسى تعطا خلف مـا غـدا لـك=رجـلٍ إلـى سامـتـك الأيــام يشـريـك
يــارب تجـعـل واحــدٍ مــن رجـالـك=عـنـد الشـدايـد مـزبـن الـلـى يوالـيـك
فـي يـوم مـا تعـطـي يميـنـك شمـالـك=مثـقـال حـبـة خــردلٍ مــن حسانـيـك
تعطيني مقصـودي وأنـا اللـى أسالـك=يــا سـامـعٍ مــن جــا لبـابـك يـنـاديـك
واختـام ملفـوضـي لـنـا فــي مقـالـك=ازكى صلاة إلى هادي الرشد هاديك

قصيدة أكثر من رائعة
لاهنت شاعرنا ع الايراد
شكري وتقديري

الشكر لكِ مشرفتنا المتألقه
على مرورك الدائم

الله الله
يا أبو سلطان
من أروع القصائد وأجملها
ومن أكثرها حكمة وتجارب
اختيار موفق والله يحفظك

لاهنت يابوعبدالله على مرورك
والله يجعل عمرك طويل

صح للسانك ولاهنت ياابوعبدالله

يعطيك العافيه أخي سعد على الأبيات الجزله ,,,

سلمت وسلم شاعرها ,,,

تقبل تواااضع المرووووووور ودمت سالمآ ,,,

		المشاركة الأصلية بواسطة : هائل الشدادي اقتباس
	صح للسانك ولاهنت ياابوعبدالله

صح بدنك والقصيده للشاعر/محمد بن عون الشريف
ومن قال ماهان يابوثواب

		المشاركة الأصلية بواسطة : الغزال الشارد اقتباس
	يعطيك العافيه أخي سعد على الأبيات الجزله ,,, سلمت وسلم شاعرها ,,, تقبل تواااضع المرووووووور ودمت سالمآ ,,,

يعافيك ويسلمك
ومشكوره على مرورك
والله يحفظك

جزلة
صح الله لسان شاعرها
ولاهنت على الإيراد
شكري وتقديري