مـــا ابـى اخاوي

السلام عليكم ورحمة الله وبركاته
ارجو تنسيق الابيات
وهي لاعز واغلى رفيق

على كثر ماصاحبت ولا بعد خاويت = ليا صار ماخاويت مثلك من اخاوي
ابقطع علاقاتي واشتت بهم تشتيت = وانا يامحمد والله اني بهم ناوي
ياكثر الرقوم اللي تخزن تبي ديليت = وياكثر الرجال اللي بهم صرت انا غاوي
رخومٍ تضاحك في قفايه ليا قفيت = والى من حضرت تقول ابى افعل وابى اساوي
والى من بدا لي لازمي صابهم تفويت = قطيعٍ توحت ذيبها فالجبل عاوي
وانا والله اني من هموم الزمان ازريت = ولاني على صبر الشقا والعنا قاوي
زمانن بخل عن مسمع اذني بكلمة تيت = بهمن يصبحني والاخر يجي ضاوي
ولالي جدى غير اشكي الهم لك لاجيت = وشرواك ياللي للوفا والكرم حاوي
الاقيك لامني تعزويت بك لبيت = حزامي بوقتٍ مابيرحم ولا ياوي
كسبت الشهامه والوفا والفخر والصيت = واسميك قصرٍ بالكرم يحجي الطاوي
وانا سيفك اللي في يمينك ليا عانيت = ليا من كواك من الزمان الشقي كاوي
الي وقفةٍ يطرب لها سمعك اليا اوحيت = وتشفي جروحٍ داخلك مالها مداوي
وانا اشهد شهادة حق بانك معاي اوفيت = عسى الله يمدك بالعمر والله القاوي
ونذرٍ علي ان مت والا علي ابطيت = اذا كان ماخاويت مثلك ماابا اخاوي

الشاعر/ سامي عايض الشدادي

ماعرف فالتنسيق بس القصيده رائعه

ونذرٍ علي ان مت والا علي ابطيت = اذا كان ماخاويت مثلك ماابا اخاوي

كفو وصح لسان قايلها

لاهنت يالذيب

صح بدنك شقااااااااوة

وانا قايلها
خخخخخ
تحياتي

صح السانك يابوعايض جزله من راس جزل
تحياتي لك

صح بدنك والله لايهينكم


تحياتي

أبدعت أخي


بوح راَق لذاَئقتي


فلك مني أرق التحاَياَ والتقدير

صح لسسانك ملايين اخوي

لاهنت

:::::::::::::

أخوي سامي
صح لسانكـ مدد بلا عدد
كفو والله
"لبى الخوي ما يخلي خويه"

دمت بخير

يقول خلف :الذيب خاوى من عصور الصحابه وانت يالذيب وش اللي يردك
صح لسانك اخوي تقبل مروري

اي والله انك صدقت

صح لسانك ,, وسلمت يمناك