عتب واعتذار

السلام عليكم ورحمة الله وبركاته

كتبت هذه القصيدة رداً على قصيدة الشاعر محمد عويضة ( ما يخصك ) :

السؤال يبين لـو أنـه خفالـك =والليالي تبدي الشـي الدفينـي

الغياب بغيبتـك سـوى مهالـك =لوكتمته تظهره دمعـات عينـي

لا تسائل عن رجوعي وش بدالك؟ =لا تحجج بالخطـأ دامـك تبينـي

الخيال اللي خرج بك عن مجالك =ابتلاك وجيـت كلـك تبتلينـي

مابي حلمٍ نسجته من خيالك =تحسب إنك في حلومك تحتويني ؟

ليلي اللي من غيابك صار حالك =في غيابك غاب شوقي والحنيني

قلت لاتسمع كلام اللـي حكالـك =لا تسمع فـي كـلام العاذلينـي

قلت أيضاً لا تكرر لي سؤالـك =فرّقت ايـامنا بينـك وبينـي

الحكي بعّد وصالي عن وصالـك =والسكوت يحل بعض اللي يجيني

مير بالله لا تلوم اللـي شكالـك =ما شكيت إلا بعـادك والسنينـي

ما نسى المعروف منهو قد لجالك =شاعرة غنيت من قلبٍ حزينـي

قصيده حلوووه يعطيك العافيه بتوفيق

صح لسانك ياجواهر عبدالله
قصيدة في غاية الرووووعه من اول بيت الى اخر بيت

نتمنى تواصلك الدايم معنا بكل قصيدة جديدة

تحياتي

		المشاركة الأصلية بواسطة : ابو فجر اقتباس
	قصيده حلوووه يعطيك العافيه بتوفيق

الله يعافيك .. أشكر لك مرورك ..

صح لسانك اختي جواهر
قصيدة رائعة
منتظرين جديدك

يعطيك الف عافيه جواهر
وصح لسانك

ودمتي دوماً متألقه

ننتظر جديدك

صح لسانك جواهر
شاعره بما تعنيه الكلمة
كلمات ومعاني
عذبة
لاتحرمينا من جديدك

دمتي بحب

ولله شاعره موهبه
نتمنى لكي التوفيق

يعطيك العافية .....

.................................................. ....................

^
^

صح لسانك جواهر والله يعطيك الف عافيه ^ ^

قصيده أكثر من رائعه ..