إلى سعادة اللواء/ سلطان بن عايض الشدادي

بسم الله الرحمن الرحيم

هذه قصيده أوجهها من هنا
إلى
سعادة اللواء إبن العم
سلطان بن عايض الشدادي الحارثي
لحرصي الشديد على عدم إزعاجه أو الأخذ ولو القليل من وقته
لتقديري لمشاغل سعادته الجسيمه.
حبيت أن أكتبها هنا
وأتمنى من الغانمين شرواه إيصالها له
مع جزيل الشكر والعرفان

يا الله ياللي لك عبادك من رجاهم يركعون = وتسجد على خد التراب جباهها وخشومها
يارب ياعالم بما قد كان وما قد يكون = يارافع السبع الشداد وحيّها قيومها
يارب جملني على الموقف وراسي مايهون = وأنا من اللي فالشدايد ماتلين عزومها
ومن قلبي اللي ممتلي بالهم ووساع الطعون = ومن صدري اللي مخزن الدنيا وبيت همومها
سلام من صدر السلام ومن لسان ومن عيون = أهل السلام ومن مقاصدها وطيب سلومها
وسلام من بيض الوجيه وقدرها عند الزبون = اللي حفظ قدر الوجيه البيض من ملزومها
وسلام من طيب السلام وريح عوده تسلمون = وأنتم هله وأنتم شذى الدنيا وطيب علومها
وسلام من قلب الرفيق الصادق اللي مايخون = وسلام من بيض النوايا عطرها يشمومها
سلام ياسلطان إبن عايض وربعك ماتهون = آلاد شداد أنجبت شرواك ياشغمومها
أنا ولد عمك وساقتني على دربك شجون = سمعتك قايدها وطيبك يابن عايض شومها
ولاجيتك ألا يوم لحقتني من أيامي غبون = تكفى يابو عايض عيوني طار عنها نومها
ولاني من اللي للمصايب ينحنون ويخضعون = لكن صبري طال والدنيا على لهمومها
وإن كان ماجاني فرج من يمكم لا تالمون = إن قيل ساير ودع الدنيا قتيل سهومها
وسلام ياقوم الجميل وتسلمون وتكرمون = وأنتم هل المعروف شجعان الرجال قرومها
وصلاة ربي عد ماهلت ثعاليل المزون = على النبي صفوة جميع الناس يا زيمومها

إبنك وإبنك عمك الشاعر
سائر علي الصلاخي الحارثي
. ولي عندك طلب إبن العم الغالي عند إبن عمه الغالي

صح لساااااانك أخوي ساير
لاااهنت
..........................

صح بدنك ياعمر .


واعذرني مارحبت فيك يوم سجلت معنا .


لكن حياك الله وهلا وغلا.


وشكرا على المرور,

سعادة اللواء
سلطان بن عايض الشدادي
من الرجال اللي نفتخر بهم ومن جعل من حياته
حياة خدم دولته وقبيلته وجميع قبائل الجزيرة العربية
فهو رجل وَفيِ وكلمته مسموعه ومكانته محفوظه
ويستاهل كل مايقال فيه الله يكثر من امثاله
ويرزقه الذرية الصالحة.
كما اشكرك شاعرنا سائر على
جزلة شعرك ومدحك لأبو ثامر
وفقك الله

كفو والله يا شاعرنا المبدع
أبو علي
وصح لسانك ملايين
كفيت ووفيت وما قصرت
وأبو ثامر يستاهل كل مدح وعلمٍِ غانم
واعتبرها وصلت

صح لسانك وعلى شانك وبيض الله وجهك

مشكور وربي يسعدك

الخيال الله يسلمك ولاعليك زود


أبو عبدالله عاجز عن الشكر


جوري بارك الله فيك

بارك الله فيك أخي

مصابيح شعرك تزداد ضوءاً في منتدانا الغالي

صح لسانك يابو علي
وإن شاء الله تجد من يوصلها له
وإن شاء الله الرجال مايقصر ويعطيك مطلوبك

صح لسانك اعتلى شانك اخوي سائر
.
ربي يسعدك