كذاب من قال المحبة تساهيل

لايـومــي بـيــومٍ ولا لـيـلــي بـلـيــل=ولا الـسّـعـد مـقـبــل ولا الــهــم زايــــل
مـاغـيـر ازم هـمــوم واحـــط واشــيــل=ولاراح مـنـهــا هـــــم جــالـــه بــدايـــل
تـدرون يالعربـان وشـهـي البهـاذيـل=فرقـى ولـيـف وحــظ مـامـن صمـايـل
الـوصــل نـعـمـة والـمـفـارق غـرابـيـل=يــاحـــظ لـيــتــك تــعــتــدل مـاتـمــايــل
لامــن بغـيـت اعـدّلـك تـرجــع تـمـيـل=كـنّـك تـقـول اعـيـش وامــوت مـايــل
والمـهـرة الـلـي ماتعـيّـن مــع الخـيـل=مـن دونهـا تقصـر جميـع الأصـايـل
من دونها ضاعت عقول الحلاحيل=وتـضـاربـت فـيـهــا ســلــوم الـقـبـايـل
ياشيب عيني يـوم قفّـت وانـا اخيـل=دموعـهـا وبـــلٍ عـلــى الـخــد سـايــل
وانــا اتصـبّـر وازهــم العـقـل والحـيـل=والقـلـب يـشـكـي للـضـلـوع النـحـايـل
اصبر مثل صبر الرجـال المشاكيـل=واخــبّــي جــــروح الــزمــن واتـحــايــل
لن الردي والهيس وخبل الرجاجيـل=تـفــرح لا ورانـــي الــزمــان الـهـوايــل
وانـــا اتـرفــع واتـــرك الـقــال والـقـيــل=واجبر عزى قلـبٍ علـى المـوت آيـل
أشب نـار الشـوق وارهـي المعاميـل=واريّـــح اعـصـابــي بــبــدع الـمـثـايـل
ولاّ الـغـلا مـاعــاد يـحـتـاج تفـصـيـل=لــنّـــه مــوريــنــي نـــجـــوم الــقــوايــل
ياللـي غيـابـك حــط بالقـلـب تنكـيـل=ويـلـي عـلــى قـربــك ولانـــي بـطـايـل
لاغــاب صـوتـك ماتـفـيـد المـراسـيـل=وفــر عـلـى الـجــوال كـثــر الـرسـايـل
والله لـــــو تــاخـــذ لــدمـــي تـحـالـيــل=تـلـقـاك بالجـيـنـات صـايــل وجــايــل
حـبـك تـعـدى حــب الاكـــراد لأربـيــل=الاّ تــعـــدى حـــــب شـــمـــر لــحــايــل
صبيـت حبـك مثـل صــب الفناجـيـل=ويـن الجليلـة تـشـرب اشــواق وايــل
وانته تواعدني مـن اسهيـل لسهيـل=والشـوق فـي قلبـي مـسـوي عمـايـل
لـيـتـك تبـادلـنـي الـغــلا والـمـواصـيـل=وتــرد لــي بـعـض الـوفــا والجـمـايـل
تعـبـت مــن قـولـة ظــروف وعراقـيـل=وتعـبـت مــن قـولـة يـاقــل الـوسـايـل
لاقلـت انـا احبـك ومشتـاق بالحـيـل=تقـول لـي جعـل العـوض فالموبايـل
يـعـنـي انـــا ويـــاك مـثــل المـهـابـيـل=واشـبـاهـنــا فـالــوقــت هـــــذا قــلايـــل
كــذاب مــن قــال المـحـبـه تسـاهـيـل=راحـــو ضحـيـتـهـا عــيــال الـحـمـايـل

لـ شاعرها
محمد فهد العجمي

روعه يابنت الشيوخ

صح أختيارك

وذوقك العذب

قصيدة رااائعة
سلمت يمناك يـالغلا
ولاعدمناك

أيّ والله ، كذاب بعينه
صح لسان العجمَيّ ، وَ يسلم ذوقك يَا الشيخة.

تحياتي لك.

تسلمين والله يا بنت شيوخ
على حضورك وانتقائك لهذه القصيدة
ومشاركتك لنا بها
والله يحفظك ويرعاك

رعد الجبوب
بنت النشامى
سحاب
السلطان
منوّرين وشاكرة تواجدكم

صح لسان شاعرها


وسلمت يديكِ ي الغلآ..


أبدعتي وماقصصرتي

رائعههه تسلمين ي الغزال والله يسعدك دمت بحفظ الرحمن