من روائع الملك فيصل والشعراء الذين معه رحمهم الله والمسلمين عامه
يذكر عن الملك فيصل رحمه الله أنه كان له صديق يقال له :- نافع الحربي ، وكان قصيرا بعض الشيء ، فعلم أن نافع تزوج إمرأة طويلة وكانت له أيضا ً فرسا ً طويلة فرآه قادما ً إليه وهو راكبا ً الفرس فقال له : -
.
يالقصيّر كيف ترقى للطويلـة
كيف تجناها وتاكل من ثمرها
.
ولم يكن الملك فيصل رحمه الله يقصد الفرس فقط وقد فهم الحربي المعنى فقال :-
.
ياطـويـل العـمـر آخـذهـا بحـيـلـة
هي تجيني براسها وأحني ظهرها
.
فضحكا وعلم الملك فيصل رحمه الله أن نافع فهم المقصود .
.
ومحاورات الملك فيصل رحمه الله كان أكثرها مع الشاعر عبدالله بن عبدالرحمن العنقري المعروف بـ ( لويحان ) لانه كان خوي وملازم للملك فيصل رحمهما الله ...
وهذه واحدة منها :-
.
لويحان
.
الليله الليله الليله نبا الطاروق طـرقٍ غريـب
مثـل الدراهـم الـى قامـوا صيارفهـا يعدونهـا
والله مـادري يطيـب لسـيـدي والا مــا يطـيـب
ان كان ماناسبت لك ياسنادي جزت من دونها
.
الملك فيصل
.
الليله الليله الليله شواريـب ٍ تحـد الشريـب
والاجنبيـه الـى وردت علـى المـارد يحدونهـا
ياذيب ياذيب ياللي جرصوته في علوالشذيـب
ذكرّت عيني وهلت وهملت من عقب مظنونها
.
لويحان
.
عنـدي خبربـك جـروحٍ مايسربهـا عـلاج الطبيـب
ميرإنـحـروا روضــة التنـهـات ساكنهايـداوونـهـا
من قال بأصبروبااكنا الجرح لين انه يجيه العزيب
يصيربيـن الرجـاء واليـأس باعـوهـا ويشرونـهـا
.
الملك فيصل
.
مانيب زمل ٍ عليها من بعيد ولا قريب ٍ طنيب
ياعسرهـا وأنـت تحسبهـا ولوصديـت ياهونـهـا
تراي لوصرت عنه بعيد مرجاعي عليهم قريـب
والديـرة اللـي نحـل ابهـا ، عدانـا مـا يحلونـهـا
.
وهنا أيضا ً محاورة بين الملك فيصل رحمه الله ـ ولويحاااان
.
لويحااااان :-
.
هاضـنـي بــراق ليـلـيٍ تـسـارالاح برقة واعترض في كل ديرة
ياطـويـل العـمـر كـنـا بالنـهـاراالله اعلـم بالبـيـان و بالسـريـره
الملك فيصل :-
.
شوفـكـم بالـعـيـن ولا بالـخـبـاراكود توهف لي على حروة غديرة
طـفـا سـوهـا عـنـي طـفــامــقـــالات لا تـحـيـونـهــا
تسامح عسى عمرك طويلومـن جـاز لـه درب مشـاه
صفـا الوقـت ولا مـا صـفـاصعيبـات واقصـر دونـهـا
سبـب حملهـم حمـل ثقـيـلولا كـل مــن شـالـه قــواه
.
وهذي محاوره بين الملك فيصل رحمه الله وهذال المطيري
وهي تحكي عن نفسهااا..
.
الملك فيصل :-
.
هذال هـذال يـوم انـك سرقـت البعيـر
انتم دريتـوا عـن الحكـام و الا رقـود
وراك ما خفيتها وانا احسبنك بصير
لين قبضوك النشاما يالحصان العقود
.
هذال المطيري
.
يا فيصـل الأمـر لله ، ثـم لـك يالاميـر
ياولد عبد العزيز الحاكـم بـن سعـود
انتم عفيتوا عن اللي شال حملٍ كبير
ما هو بعير بلوني به ، عيال القـرود
.
ثم طلب الملك فيصل من شاعره ( طيب بن عدوان ) أن يُكمل المحاورة مع المطيرى :
.
بن عدوان :-
.
علا مك ياالمطيرى يوم تسرق ناقة العتبان
تقسمتوا شحمهـا واصبحـت عكتـك ماليهـا
.
هذال المطيري :-
.
تبا تلعب بغطاس البحر ياطيب بن عدوان
تبيّن خلتى ، وانتة فعول العـام ، ناسيهـا
.
بن عدوان :-
.
علامك يوم تدهانـي وأنـا صافـى مـع العربـان
وانا رجلي على وضح النقاء ماخطت مواطيها
.
هذال المطيري :-
.
تصافق بك هبايب نجد وانته تطرد الغزلان
قضبت الصيدة اللي جودت رجلـك بأياديهـا
.
وعندما إشتد الحماس بين الشاعرين تدخلّ الملك فيصل بحنكته وحكمته :-
.
الملك فيصل :-
.
ترانا ياجماعة مانحب الفقش في الرمان
نبي الرمان صمّ ، وكل حبة بذرها فيهـا
.
== == ==
.
وهذه قصيدة للملك فيصل رحمه الله ( ألا يامل قلب ٍ ) ربما يعرفها البعض .. وربما يعُرف منها بيتا ً.. أصبح مشهورا ً دون غيره من أبيات القصيدة وهو قوله :-
.
ترى بعض العرب عمله بروحه مثل عمل سراج
يضـوّي للعـرب والنـار فــي قـلـب المسيكيـنـي
.
وهنا القصيدة كاملة يقول الملك فيصل رحمه الله :-
.
ألا يامـل قلـب ٍ كـل ماجـاء الليـل جـاه خــلاج
يلـوج ، ويجتلـد بالصـدر ، والعربـان ممسينـي
أنا متحيّر ٍ مـدري ، عـن المدخـال والمخـراج
ألا وآعمـس رآيـي ، مالقـيـت الـلـي ، يقديـنـي
ألا يا مجيب دعـوة مـن تصافـق فوقـه الامـواج
أنـا بحمـاك ، يــا والــي الخـلايـق ، لاتخليـنـي
الا ياوجد روحـي ، وجـد مـن خلـوّه بالمسهـاج
كسـيـر الـسـاق بنـحـور، المعـاديـن المغلـيـنـي
إلى مـن دكّ هوجاسـي ولـو ، إنـي علـى ديبـاج
ولوجـاء لـي جميـع البيـض ، غيـره ماتسلينـي
ألا واهنـي مخلـوق ٍ ، يـفـرّج ضيقـتـه لا داج
إلى منه ، دخـل بالسـوق ، غـاد ٍ لـه ميادينـي
ترى بعض العرب عمله بروحه مثل عمل سراج
يضـوّي للعـرب والنـارفـي جــوف المسيكيـنـي
.
عسى أن أكون وفقت بتقديم مايروي ذوائقكم
كما أتمنى أن يحوزعلى رضاكم