آخر 10 مشاركات |
مختارات | عن أبي سعيدٍ الْخُدْرِيِّ رضي الله عنه قال: سمعتُ رسولَ الله صلى الله عليه وسلم يقوُل : "مَنْ رَأَى مِنْكُمْ مُنْكَراً فَلْيُغَيِّرْهُ بِيَدِهِ، فَإنْ لمَْ يَسْتَطِعْ فَبلِسانِهِ، فَإنْ لَمْ يَسْتَطِعْ فَبقَلْبِهِ، وَذَلِكَ أضْعَفُ اْلإِيمَانِ" رواه مسلم |
|
||||||||||||||||||
سيرة شالح بن هدلان وابنه ذيب
مساكم الله بالخير كل جيل وله رجاله وابطاله ومن اول كانت القبائل متناحره الى ان من الله علينا وصرنا تحت بيرق التوحيد وانتهت النزاعات القبليه ولله الحمد قبل ما نتكلم عن ذيب لازم نجيب سالفه ابوه شالح وعمه الفديع{عم ذيب} شالح بن هدلان الخنفري القحطاني امير وفارس مشهور وكان اخوه الفديع اصغر منه بكثير وكان فارس مغامر بروحه .وكان هو الي يطلع مع الابل للمرعى وهو شايل سلاحه عشان يحرسهن . يوم من الايام قام الشيخ شالح الصباح واتفت على الابل واثرها تعتب في عقلها قام شالح ودور الفديع ولقى اخوه وتوه يغسل راسه قال :الابل حايره في مباركها وانت تغسل راسك عند الحريم .وكب على راس اخوه التراب .قام الفديع وهو خجلان ويردد العذر والسموحه يااخوي المهم فك عقل البل راح للمرعى وصاد من الغزلان ورجع لخوه وحب راسه واخذ يشوي من اللحم ويسلي اخوه بسواليف والاشعار ويبينله انه ما شال في نفسه شىء يوم جاء ينام همسه مره اخوه في اذنه ان الما قضى واخوك اذا قام يبي الما للقهوه قام الفديع وراح يجيب الما وما رجع الا قبل الفجر بشوي واخذ الابل للمرعى .يوم قام الشيخ شالح علمته مرته بلي صار وان الفديع ما ذاق النوم عشان يرضيك.حن قلبه لخوه ويوم رجع في المسا وجا كالعاده وحب راس اخوه وقعد يصبله القهوه ويشويله من الصيد قال شالح :اتعبتك بهالدنيا طول يومك وانت على ظهر خيلك .ليت ذيب واخوانه كبار عشان يشيلون عنك الهم. وقال: لا واخو لي عقب فرقاه باضيع . كني بما يجري على العمر داري انا اشهد انه لي سريع المنافبع . عبد مليك لي ولني بشاري تشهد عليه مناتلات المصاريع . واعداه من كفه تشوف العزاري يمناه تنثر من دماهم قراطيع وعوق العديم الي بدمه يثاري جداع سفرين الوجيه المداريع . مخلي سروج الخيل منهم عواري القلب ما ينسى بعيد المناويع . ليث على صيد المشاهير ضاري وفي يوم من الايام رحل الشيخ شالح ومرته وعياله وامه واخوه الفديع وكان الفديع مصاب برمد في عيونه وتسكرت عيونه ولا قدر يشوف. ركب شالح اخوه فوق البعير وربط عيونه عشان ما يجيهن شمم. المهم غارت عليهم خيل من منخيول الحمده امرى عتيبه الشجعان المشهورين بالشجاعه قابلهم الشيخ شالح لحاله {كان ذيب واخوانه صغار}واخذ هو وياهم يتحاربون مره يهزمهم ومره يكثرون عليه ويرجع عنهم ابطوا وهم على هالحال وحست ام شالح ان ولدها تعب من القتال والطراد ونزلت من الهودج وسرجت الخيل وارحت للفديع وغسلت عيونه بالماء وفتحت عيونه بالقوه لين صب الدم والقيح من عيونه وكنه قدر يشوف .هو شاف بس الا ويقوم ويطمر فوق خيله الاصفر وازعق ذيك الزعقه وانطلق وراهم وباقواى ما عطاه الله صك الاول الا انه مطير راسه وفروا الباقين ولحهم فديع واذبح الثاني والثالث الا ان فديع كان مغامر جدابنفسه وا دخل بين القوم وينوشه رمح ويصيب راسه ويموت .جاء شالح ولا اخوه ميت والدمان تغطي وجهه .دفن اخوه وقلبه يتقطع من الحزن على الفديع الي ضحى بنفسه عشان اخوه وذبح ثلاثه هم سلطان بن محمد بن هندي واخوه نايف وابن عمهم.ورثاشالح اخوه بقصيده جميله ليس المكان لذكرها مرت الايام وشالح يتوعدعتيبه بالثار وفعلا غزت قحطان عتيبه واخذت بثار فديع من عبيدابن الاميرتركي بن حميد .وعظمت المصيبه على الحمده بفقد اربعه من فرسانهم وتوعد ضيف الله بن تركي بن حميد قحطان باخذ الثار لخوه وقال: يا ونتي ونه كسير الجباره الى وقف مااحتال وليا قعد ون عليك يا شباب ضؤالمناره عليك ترفات الصبايا ينوحن الى ان قال يا شيخ ما تامر عليهم بغاره كود الجروح اللي غلى القلب يبرن يقطع صبي ما ينادي بثاره الى اقبلن ذولي وذوليك قفن ورد عليه شالح بن هدلان: ضيف الله اشرب ما شربنا مراره اصبر وكنك شالح يوم حزن راح الفديع الي علينا خساره واخذقضاه عبيد حامي ثقلهن يمنى رمت به ما تجيها الجباره اللى رمت بعبيد في معتلجهن من نسل ابوي وضاري للشطاره يصيب رمحه يوم الارماح يخطن وعبيد خللي طايح بالمعاره عليه عكفان المخالب يحومن وعاداتنا بالصيد ناخذ خياره ثلاثه الجذعان غصبن بلامن {يعني ابنا محمد بن هندي وابن عمهم} ماني بقصاد بليا نماره اجدع نطيحي بالسهل وان تلاقن من حل دار الناس حلوا دياره لابد ما تسكن دياره ويغبن ومن شق ستر الناس شقوا ستاره ومن ضحك بالثرمان يظحك بلا سن وان كان ضيف الله يعسف مهاره فمهارنا من عصر نوح يطيعن بعد ان مات الفديع بدا شالح يدرب عياله على الفروسيه وكانوا ثلاثه اكبرهم ذعار ثم ذيب ثم عبد الله .وكانو كلهم شجعان الا ان شالح لمح في ذيب معاني الفروسيه والشجاعه وكان ذيب ملازم لابوه ووده يصير مكان عمه الفديع في قلب ابوه {ولنا لقاء ان شاء الله مع سيره ذيب في الجزء الثاني}
|
24 Nov 2007, 04:13 PM | [ 2 ] | |||||||
عضو متميز
|
يعطيك العافيه اخوي mohnd2008
على طرح سيرة شالح بن هدلان وفي انتظار طرح سيرة ابنه ذيب مشكوور |
|||||||
|
||||||||
24 Nov 2007, 04:23 PM | [ 3 ] | ||||||
|
اشكرر مرورك اخوي غريب بدياره وابشر في القريب العاجل بسيرة الفارس الشجاع (ذيب) |
||||||
24 Nov 2007, 06:17 PM | [ 4 ] | |||||||
نائب المشرف العام
|
مشكور اخوي على هالطرح الجميل وماشاء الله عليك مميز في الاختيار في انتظار جديدك |
|||||||
|
||||||||
24 Nov 2007, 09:27 PM | [ 5 ] | ||||||
|
مهند والله استمتعت بما طرحت من سيره شالح بن هدلان واشعاره تسلم يالغالي على التميز وفي انتظار الجزء الثاني |
||||||
|
|||||||
27 Nov 2007, 11:46 PM | [ 6 ] | ||||||
|
الاخ عبدالله الشدادي شكرا على مرورك 0 الاخ البدر شكرا على مرورك وتقبلوا جميعا فائق احترامي وتقديري mohnd2008 |
||||||
27 Nov 2007, 11:58 PM | [ 7 ] | |||||||
جود القلم
|
الف شكر موضوع عظيم جدا
ودمتم بحفظ الله |
|||||||
|
||||||||
20 Mar 2012, 10:08 AM | [ 8 ] | |||||||
عضوة متميزة
|
رد: سيرة شالح بن هدلان وابنه ذيب
الف شكر موضوع عظيم جدا ودمتم بحفظ الله |
|||||||
|
||||||||
20 Mar 2012, 10:20 AM | [ 9 ] | |||||||
عضو متميز
|
رد: سيرة شالح بن هدلان وابنه ذيب
استمتعت بما طرحت من سيره شالح بن هدلان واشعاره تسلم يالغالي على التميز |
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سيرة الفارس شالح بن هدلان وابنه ذيب | المرمشي | أعلام ورجال | 10 | 22 Mar 2012 12:02 AM |
........الفارس شـــــــــــــــــــــالح بن هدلان وابنه ذيب @@@@ | عناد القاف | أعلام ورجال | 10 | 20 Mar 2012 07:20 AM |
شالح بن هدلان | الوافي | أعلام ورجال | 4 | 20 Mar 2012 06:40 AM |
قصة شالح ابن هذلان وابنه ذيب | هلالي موت | القصص الشعبية والتاريخية | 2 | 29 Nov 2009 10:39 AM |
سند الربع وذيب ابن شالح ابن هدلان | عاشق قيا | القصص الشعبية والتاريخية | 12 | 19 Aug 2007 01:16 AM |
|