آخر 10 مشاركات |
مختارات | الحياةُ عبءٌ ثَقِيلٌ على بَعْضِ النَّاسِ، وبَعْضُ النَّاسِ عِبءٌ ثقِيلٌ على الحَياةِ |
|
|||||||||||||||||
مبدأ بني الحارث التاريخي على قبيلة المناصير من الثبتة
مبدأ بني الحارث التاريخي على قبيلة المناصير من الثبتة من عتيبة عند طهار بناخيهم كان هناك رجل من قبيلة عتيبة قد تزوج بإمرأة من قبيلة المذاهبة من بني الحارث وقد أنجبت تلك المرأة الحارثية ولداً, وبعد أيام أراد والد الولد أن يسوي ختاناً أي يطهر ابنه ويسوي عقيقة، وأراد ان يقيمون حفل بهذه المناسبة، وقد وكان فيه ولد ثاني خواله المناصير الثبتة يريدون ختانه ويقيمون حفلة للاثنين، فقالت الحارثية: اعزموا أهلي خوال ولدي اذا بتسوون حفل وإلا لاتسوون حفل وما فيه مشكلة, قال أبو الولد اللي خواله بني الحارث بأسوي الحفل ولا بتعذر من أحد. خاله اللي أنتي أخته مات ولاني بمتعذر من أحد. قوموا الحفل وأخذت الحارثية أبنها وطلعت على ذاك الجبل تنظر في الجمّالة اللي معودين من الطائف بعد ما تسوقوا مشترين لاهلهم ملابس ومواد غذائية وغيرها ومتجهين لديارهم وقبائل اخرى على مطاياهم وصارت تراقب الوسم اللي على المطايا ويوم شافت وسم بني الحارث على المطايا المقبلة حوّلت من الجبل واستوقفتهم وقالت أنا بنت الهويمل من المذاهبة من ربعكم بني الحارث وجاء لي ولد وسووا مرسام يعني حفل كبير ولا تعذروا من أهلي وربطت عمامة واحد منهم يعني وداعة إنه يوصل الخبر لاهلها اذا له خوال يحضرون ويكسون بناخيهم, قالوا: أبشري وعودت في بيتها والثبتة ما دروا عنها. وصل المندوب لاهلها وجمعوا بني الحارث وارسلوا اثنين لعانيهم أبو الولد ولربعه الثبتة وقالوا لهم: يحتزونا حنا نبي نكسي ولد بنتنا. وفعلاً حضروا وبعدد كبير لكن ما أحد يعلم بعددهم. وكانوا الشعار معهم الشاعر الكبير محمد بن خزام الحرقان الشباعي الحارثي ومعه الشاعر الكبير مطلق المتعاني الحارثي - وقال الشاعر محمد الحرقان انا بورد وورد - وورد بعده الشاعر مطلق المتعاني قال الحرقان الله يرحمه ويرحمهم أجمعين سلام رديـة كمـا سكـر نبـات =يطلع بها بالي كما طلع الثمـر جينا لكم بميه وخلينا ميات=حشمة لعانينا ولا نبغى الكدر نكسي ولدنا باللبوس الضافيات=جوخة وراغانٍ على خرص النظر يكسونه الحيين واللي مات مات =وان غاب نجم سهيل ما غاب القمر حنا بني الحارث جبالٍ مرسيات=نصفق على الحربي كما صفق البحر سلاحنا في الضيق غالي المثمنات=وليا كسرنا العظم دايم ما جبر هذي اللي وصلتني من الرواة ولها بقية لكن ما أعرفها. - وورّد بعده الشاعر مطلق المتعاني توريد كذلك ينومس ولكن لم تصلني لكي احفظها - ورد على الشاعر محمد الحرقان الشاعر غازي الوصيفر والد الشاعر عبدالملك الوصيفر شيخ المناصير الثبتة وباقي حي ولكن تعبان الله يحسن خاتمته وخاتمة كل مسلم وقال بيت أو بيتين لكن حاضرني بيت يقول فيه يا مرحبا باسم ثبيت اهل الثبات =في قاعة الازهر على العد المقر
التعديل الأخير تم بواسطة السلطان ; 25 Jun 2020 الساعة 02:40 PM
|
24 Jun 2020, 10:19 PM | [ 2 ] | ||||||||
مراقب عام
|
رد: مبدأ بني الحارث التاريخي على قبيلة المناصير من الثبتة
تسلم ع مااجدتهه الابيات والتدوين والله يرحمهمويغفرلهم والله يشفيه ويحسن خاتمته وقواك الله |
||||||||
|
|||||||||
25 Jun 2020, 02:24 PM | [ 3 ] | ||||||||
مؤسس شبكة الشدادين
|
رد: مبدأ بني الحارث التاريخي على قبيلة المناصير من الثبتة
حياك الله ويا هلا بك والله يا أبو سعد طبت وطاب ملفاك ولا هنت وعساك على القوة ونعم والله برجال جمرة العرب وبأعلامهم وأبطالهم أفعالهم تنومس أول وتالي والله يطول بعمر الحيين ويرحم الموتى منهم ويسكنهم فسيح جناته |
||||||||
|
|||||||||
25 Jun 2020, 03:17 PM | [ 4 ] | ||||||||
عضو متميز
|
رد: مبدأ بني الحارث التاريخي على قبيلة المناصير من الثبتة
ونعم والله ببني الحارث فعول تنومس ومبدأ يذكر ولا ينسى وارحب اخوي عايش والله يبيض وجهك ونبغى مثل هذي السوالف والقصيد والقصص ولا هنت وعساك على القوة |
||||||||
|
|||||||||
26 Jun 2020, 08:56 AM | [ 5 ] | ||||||||
عضو جديد
|
رد: مبدأ بني الحارث التاريخي على قبيلة المناصير من الثبتة
أبدعت وأجدت يا أستاذ عايش ، وصح نقلك ،أستمر وواصل. |
||||||||
|
|||||||||
26 Jun 2020, 11:43 PM | [ 6 ] | |||||||
عضوة متميزة
|
رد: مبدأ بني الحارث التاريخي على قبيلة المناصير من الثبتة
ونعم ببني الحارث وكل القبايل ولا هنت اخوي عايش وما قصرت |
|||||||
|
||||||||
28 Jun 2020, 09:58 PM | [ 7 ] | |||||||
شاعر
|
رد: مبدأ بني الحارث التاريخي على قبيلة المناصير من الثبتة
سلمت وسلم غاليك يا أبو سعد ولا هنت وطاب حضورك طال عمرك وونعم ببني الحارث كلهم وبكل القبائل وسلمت على طرح هذه القصيدة وبيتها المشهور يكسونـه الحييـن والـلـي مــات مــات وان غاب نجم سهيل ما غـاب القمـر |
|||||||
|
||||||||
28 Jun 2020, 10:03 PM | [ 8 ] | |||||||
عضو مبدع
|
رد: مبدأ بني الحارث التاريخي على قبيلة المناصير من الثبتة
كفو والله بني الحارث حضروا وشرفوا وكسوا ولدهم والله ما قصروا وعساهم على العز والنوماس وسلمت يا عايش وعسى عمرك طويل |
|||||||
|
||||||||
30 Jul 2020, 07:34 PM | [ 9 ] | |||||||
عضو جديد
|
رد: مبدأ بني الحارث التاريخي على قبيلة المناصير من الثبتة
مشكور على كل حال وبيض الله وجهك على ماتقدمه |
|||||||
|
||||||||
30 Jul 2020, 07:35 PM | [ 10 ] | |||||||
عضو جديد
|
رد: مبدأ بني الحارث التاريخي على قبيلة المناصير من الثبتة
بيض الله وجهك يبن العم و ماقصرت |
|||||||