|
||||||||||||||||||
مرثية في سفر بن عوّاض بن سيف يرحمه الله
اليـوم ما فـي الأستراحة مساييـر=عـــزي لحالتــها وعـــزّي لحالــي ظلّت مقـر للوجيّــه المسافيــر=واليوم مجلسـها من الناس خالـي هلت دمـوعي فوق خــدي مزابيـر=والدمع من عيني على الخد سالـي دمـــوع عيني كنــها جمـــة البيــر=قامـت تسابق مثل وبـل الخيالــي هـذي مواريد وهـاذي مصاديـر=إليّـــا ذكــرنا مـــاضيــات الليالــي يا سفـر يا عيـد الّركـــاب المعاييـــر=كســاب قولـة نعـم بين الرجالــي مـن دون ربعـه ما يحـب المعاذيــر=يقـدم على القالة شجيع العيالـي راعـي الصياني والدلال المباهيــر=هيف السمان اللي شحمها زلالــي راعـي الوفاء يـوم الليالي معاسيـر=جـار ورفيق ومكسـب وراس مالـي حان القـدر والأجـل ما فيـه تأخيــر=مرحــوم يا شيخ علومـه جزالـي من روس ربع ما تحسب المخاسير =ذوي سليــم محتميـــــن التـوالـــي من عاش في الدنيا يشوف التعازيـر=دنيــا تشـــيب مـا عليــها اتكالـــي أسبـوع كن الكبـد فيــها مساميــر=صابــر وكـن القلب يصـلاه صالـي دايــم تـورينا العبــر والمناكيــــر=كم فرقـــت ما بين غالي وغالـي دنيـاك هـاذي يا البنـادم تعابيـــر=يا سرعــها تميـل مثل الظلالــي إن ناحرت منها نشوف التباشيـر=وان ادبرت منها نشوف الهوالـي بسنونها تاكل سوات المناشيـــر=لو كـان تضحك تاليتها الزوالــي الموت سنة ما على الموت تفريـر=ولا مات رجل مخر له عيالــي البيت عامــر والنشــامى مناعيـــر=وتاريخــهم يبقـى سنـين طوالــي عمانكم مثل السيوف السواطيــر=وخــوالكم يـروون حــد السلالــي يصخرون الخصم بالغصب تصخيـر=ويشرب من العلقم شراب زلالـي عسى لهم مـن والي العرش تيسيــر=واقبـــل دعــانا يا رفيـــع الجلالــي
|
05 Aug 2020, 01:44 PM | [ 2 ] | ||||||||
عضو متميز
|
رد: مرثية في سفر بن عوّاض بن سيف يرحمه الله
الله يرحم سفر بن عواض ويغفر له ويجعله في الفردوس الأعلى من الجنة ولا هان الشاعر عبيد بن سلطان والله يطول عمره |
||||||||
|
|||||||||
05 Aug 2020, 02:36 PM | [ 3 ] | ||||||||
مؤسس شبكة الشدادين
|
رد: مرثية في سفر بن عوّاض بن سيف يرحمه الله
صح لسانك يا أبو عيد ولا هنت وبيض الله وجهك والله يرحم أبو محمد ويجعل مثواه الجنّة ويغفر له |
||||||||
|
|||||||||
05 Aug 2020, 05:16 PM | [ 4 ] | |||||||
عضوة متميزة
|
رد: مرثية في سفر بن عوّاض بن سيف يرحمه الله
الله يرحمه ويغفر له ولجميع موتى المسلمين |
|||||||
|
||||||||
05 Aug 2020, 08:27 PM | [ 5 ] | ||||||||
مراقب عام
|
رد: مرثية في سفر بن عوّاض بن سيف يرحمه الله
صح لسان أبو عيد والله يرحم سفْر |
||||||||
|
|||||||||
06 Aug 2020, 12:48 AM | [ 6 ] | ||||||||
مراقب عام
|
رد: مرثية في سفر بن عوّاض بن سيف يرحمه الله
صح بوحه والله يرحمه ويغفرله ويكتب له الجنه وتشكر السلطان طبت بخير |
||||||||
|
|||||||||
07 Aug 2020, 11:48 AM | [ 7 ] | |||||||
عضوة متميزة
|
رد: مرثية في سفر بن عوّاض بن سيف يرحمه الله
الله يرحم سفر بن عواض ويغفر ويجعل مثواه الجنة وجميع موتى المسلمين وصح لسان الشاعر عبيد بن سلطان |
|||||||
|
||||||||
08 Aug 2020, 03:04 PM | [ 8 ] | ||||||||
عضو متميز
|
رد: مرثية في سفر بن عوّاض بن سيف يرحمه الله
غفر الله له و اسكنه فسيح جناته صح لسانك و لاهنت |
||||||||
|
|||||||||