أختار عضو وتحدث عنه بكل صراحه النقد مطلوب والزعل مرفوض

		المشاركة الأصلية بواسطة : الغريق اقتباس
	شوق شداد تحب الرياض وتكره المزاحميه _

لا عادي بس لو قالوا لي ترجعين للرياض بقول لا يازين السّعة

		المشاركة الأصلية بواسطة : الغريق اقتباس
	ماتزعل آبد

الزعل يقصّر العمر وممكن تفقد أشخاص غالين وتندم
لذلك خلّك كريم وادمح له خطاه < نصيحة من أختك الكبيرة
والشخص الزعول مايناسبني مرتن مرة أتحاشاه بشتّى الطرق بالذات هنا بالمنتدى

		المشاركة الأصلية بواسطة : الغريق اقتباس
	خوياتها ماتنساهم

تحليل صح متواصلة معهم وتصدق
صديقاتي أيام الإبتدائي للحين متواصلين مع بعض

		المشاركة الأصلية بواسطة : الغريق اقتباس
	_ تموت في المسابقات والمجاكرات آتصالها كان سريع >> وهذا اللي محببها في الرياض

هههههههههه
هذاك أيام أتصال أبو أحمد
بس الحين خذ راحتك أتصالي كونكت ويادوب يمشي

		المشاركة الأصلية بواسطة : الغريق اقتباس
	_ آي شيئ براسها تسويه

نو أنا شخصة أفكر في عواقب الشيء قبل أسويه
بس إذا قصدك على مغامرات ماأتهوّر إلا إذا رحت الديرة
ألاقي البنات هناك ونعزّز لبعض ونغامر

		المشاركة الأصلية بواسطة : الغريق اقتباس
	فيها شوية طفقه

ههههههه قصدك خفّة ظل ودم < اطمروها

		المشاركة الأصلية بواسطة : الغريق اقتباس
	عندها موهبة الشعر لكن ماتهتم به

الشعر يبي له تفكير وبحث والتفكير ينهك مزاجي
لأني قليلة صبر في أشياء مثل كذا وإذا أنعسرت
عند قاف ومالقيته أعصّب
عشان كذا أريّح مزاجي من البداية مع أنه تطري
علي أبيات بالذات لاجيت أغسل المواعين
< الناس تهيّض لاشافت البر والربيع وهذي لاغسّلت المواعين

		المشاركة الأصلية بواسطة : الغريق اقتباس
	_ تكره شيئ آسمه مسؤليه

مسؤولية بيت عادي بس مسؤولية بزارين يرتفع ضغطي
يعني إذا أمي راحت مشوار وخلّت الديمي عندي تقفل الأخلاق على الآخر

		المشاركة الأصلية بواسطة : الغريق اقتباس
	تحب الورعان الصغار

أحبهم إذا كانوا ساكتين بس إذا بكوا مالي شغل فيهم



وبس




..

شووق نورتي الموضوع

بطلتك الجميلة لاهنتي عـ مرورك

أحم

راح أبدأ التقييم من يومي كنت زائر لكم الى ماسجلت هنا



أبدأ بالسلطان

شخص عظيم بصبره + قيادي + يعرف يوزن الأمور ويحطها بمحلها

مهما أتكلم أخاف انسى فيه صفه طيبه ...



الغريق

الكلمه اللي بتوفيه حقه انه راعي فزعات

مدري احسه كذا

شخص طيب لأبعد الحدود



طارق الشدادي

فكاهي تعجبني خفة ظله



رسام

أنسان كله يعجبني

خفة دمه على اسلوبه على كل شئ


رعد الجبوب

قلبه أبيض + طيب + محترم + تعجبني شطحاته أحيان



سديم

أنسانه رائعه + طيبه لأبعد الحدود + خدومه كثير + دلوعه وماأدري ليه أحس انها أصغر العيله

تحب تبدع بالشئ + محترمه + أنسانه تحب التقنيه كثير اللي اعرفه ان البنات دايم عند مواقع الطبخ والنفخ والازياء والموضه وهي لا تعشق شئ أسمه تكنولوجيا وأتوقع لها خبره بهالمجال وأن شاءالله ياسديم نشوفك Programming girl قد الدنيا

تحب طلابها بالتعليمي كثير

يمكن من عيوبها ماعندها أحساس خخ لا بس اللي أقصده احس قاعده تخسر الناس اللي حولها " مجرد أحساس "

تعطي الدنيا طنآش وماتحب تزعل أحد + قلبها أبيض + تحب قيا كثير + متواضعه كثير

بأختصار

" سديم أنسانه لن تتكرر "





ترف

أنسانه مثقفه + قلم رائع + أسلوب رائع + تحب النقاشات كثير + تحب تتكلم كثير

طيوبه + رزينه + كاتبه مميزة




الجازي

ماأدري أحسها طويلة لسان بس محترمه وماتغلط على أحد

فيها عرق من البدو



عسوله

نشيطه + مميزة بأنتقاءتها للمواضيع




والنقد مطلوب والزعل مرفوض

شكرا معاند

حياك الله أخوي
مجموعة جروح
وألف شكر لطيب نفسك وكرم أخلاقك
والله يسلمك ويبارك فيك

مجموعة جروح نورت الموضوع بجمالت قلبك وروقت كلامك

السلطان نورت الموضوع بحضورك الجميل

		المشاركة الأصلية بواسطة : اقتباس
	سديم أنسانه رائعه + طيبه لأبعد الحدود + خدومه كثير + دلوعه وماأدري ليه أحس انها أصغر العيله تحب تبدع بالشئ + محترمه + أنسانه تحب التقنيه كثير اللي اعرفه ان البنات دايم عند مواقع الطبخ والنفخ والازياء والموضه وهي لا تعشق شئ أسمه تكنولوجيا وأتوقع لها خبره بهالمجال وأن شاءالله ياسديم نشوفك Programming girl قد الدنيا تحب طلابها بالتعليمي كثير يمكن من عيوبها ماعندها أحساس خخ لا بس اللي أقصده احس قاعده تخسر الناس اللي حولها " مجرد أحساس " تعطي الدنيا طنآش وماتحب تزعل أحد + قلبها أبيض + تحب قيا كثير + متواضعه كثير بأختصار " سديم أنسانه لن تتكرر "

كلام كبير وماأستاهله خخخ

حياك الله أخوي وهذا من طيب أصلك


بس حسستني من كلمة العيله أننا مصاريه

المهم مانيب أصغر العيله على قولتك

وبالنسبه للتقنيه يمكن تخصصي أجبرني على هالشئ يعني مابالك بوحده مقابلها جهازها أربع وعشرين ساعه وتحميل برامج ومشاريع يعني دراستي أغلب الوقت على الجهاز

وكلامك بمحله عالم التقنيه يستهويني أكثر من أي عالم ثاني أحب أتابع كل جديد وأحمل كل جديد وما الى ذلك ويارب يسمع منك وأصير أكبر مبرمجه خخخ

وطلابي ياحبيلهم

وبالنسبه للدنيا طنآش ماسمعت بالمقوله " طنش تعش تنتعش :grins:

وقيا هي ديرتي ومالي غنى عنها ^_^


بس فيه كلمه يمكن كثير قد قالوها لي وهذاك انت تقولها

		المشاركة الأصلية بواسطة : اقتباس
	يمكن من عيوبها ماعندها أحساس خخ لا بس اللي أقصده احس قاعده تخسر الناس اللي حولها " مجرد أحساس "

كيف يعني مثلا أنا جماد :grins:

		المشاركة الأصلية بواسطة : اقتباس
	الجازي ماأدري أحسها طويلة لسان بس محترمه وماتغلط على أحد فيها عرق من البدو

ههههههههههههههههه

يااااااالييييييييييييييييييييل

انا طويلة لسان خخخخخخخخ

جرحت مشاعري يامجموعة

هههههههه لاوالله امزح انا مو طويلة لسان

انا انسانة مسكينة

ومن ناحية البداوة انت ثاني واحد تقول عني بدوية

اذا واضح هالشئ عليَ

صدقني لي الشرف اني بدوية

الله يعطيك العافية يامجموعة جروح

الجاااااازي لاهنتي على مرورك وبأنتضار جديدك

		المشاركة الأصلية بواسطة : شيهانه على كف صقار اقتباس
	<ترف> طيوبه وحبوبه تحب روح التعاون تسعى للتميز صادقه في مشاعرها نبي نبدا بس لاتزعلين تحب تسولف كثيرمستحيل تسكت ربع ساعه وعندها اصرار على رايها وصعب ان احد يقنعها في شي ما تبيه تحب تلفت انتبه الي حولها تغاركثير مندفعهمتهوره واحس ما احد سالم من مقالبها واذا غابت يفتقدها الكثير ماتحب تبين ضعفها عند احد متاثره في شخصية واحد من اهلها ((((((((((وبس

مافي زعل ياشيهانه عادي مبسوطه وأنا أشوف محاولة قرائتكم لي وشطحاتكم

		المشاركة الأصلية بواسطة : اقتباس
	تحب تسولف كثيرمستحيل تسكت ربع ساعه

عاد تصدقين أنا أشوف اللي حكيه قليل بالكتابة يكون ثرثار بالواقع لأنو مابتكون عنده طاقه للكتابة بعد
اللي أعرفه إني لو أسولف ربع ساعه ورى بعض بصوت هادي بعد بتتعب حبالي الصوتيه
وربع كوب يانسون دافي عشان مايكون مبحوح

/

		المشاركة الأصلية بواسطة : اقتباس
	وعندها اصرار على رايها

بقوه وعنيده لرأيي وبالوراثه بعد


/

		المشاركة الأصلية بواسطة : اقتباس
	وصعب ان احد يقنعها في شي ما تبيه

مستحيل اقتنع ومحد يقدر يجبرني ويخليني أرضى باقتناع
إذا كنت مابي هالشي يعني مابيه بأي شكل من الأشكال


/

		المشاركة الأصلية بواسطة : اقتباس
	تحب تلفت انتبه الي حولها

لا مافيني هالصفه إلا بس بالمناسبات والحفلات وهذا الواقع
بالأنثى تحب تكون طاغية الحضور ومتميزة عن بنات جنسها بوقت العزايم والحفلات
وإلا أحس إني ماحضرت إن ماكليت الجو خخخخخخ

		المشاركة الأصلية بواسطة : اقتباس
	تغاركثير

أغار من أحد كلا وحشا
وعمر هالشعور ماراودني من طلعت
للدنيا بالعكس أشوف الناس هم اللي يغارون مني مو أنا اللي أغار منهم (:
أغار على وليس أغار من :
الغيرة اللي متأصلة فيني أغار ع اللي أحبهم وبجنون غير
متوقع والله يعينهم علي بقوة ملعوزتهم

		المشاركة الأصلية بواسطة : اقتباس
	مندفعه متهوره

ممكن اندفاعي وتهوري فقط بالمواقف اللي تحتاج مني مغامرة بدون ماأفكر بعواقبها أسويها

		المشاركة الأصلية بواسطة : اقتباس
	ماتحب تبين ضعفها عند احد

حتى اللي هم سبب بإنكساري مستحيل يشوفون ضعفي مهما كنت بأحلك المواقف
ماأنكسر ولاأضعف بالعكس أكون قويه قدامهم وابعد عن عالمهم إذا حسيت إني ممكن أضعف
لأني ماأنكسر إلا عند اللي بيجبر كسري وبيداويه والله لايحرمني منهم

		المشاركة الأصلية بواسطة : اقتباس
	متاثره في شخصية واحد من اهلها

لا لي شخصيتي المستقله وأكثر شي خذيته من أبوي عناده واصراره ع رايه وهدوئي وصراحتي
وسياسة تعاملي ع أمي ممكن هذي الأشياء الواضحه لكن باقي شخصيتي مومستنسخه من أحد