22 Jun 2014, 12:29 AM
|
[ 151 ] | |||||||
|
شاعر
|
رد: مملكة احمد الروقي
متواضعه جداا .. ( قبل اسافر ) قبل اسافر .. من ايديك .. ليديك=لك وداعه .. وعذرٍ لرجوع ( لك كتابٍ قفلته يشتكيك=فيه ذكراك يوم اني قنوع ) والله انّ الخفوق انه يبيك=والدليل .. التلفت والدموع ( لاكن العين كم هي تحتريك )=ليه ما جيت يازين الطبوع !! كيف ما تذكر اللي ضاع فيك!=وقتنا وانشد ايام السبوع كيف ماخفت ربي يبتليك=يوم قلبي من الفرقى يلوع ( المعزه طبع قبل اهتويك=والحنايا من الذله دروع ) روح والله يرحم والديك=مابقالك مكانٍ فاالضلوع لاكن اسال سوال لدمعتيك؟؟=من يكفك امانه ياالدموع !! |
|||||||
|
||||||||
|
|
|
24 Jun 2014, 12:42 AM
|
[ 152 ] | |||||||
|
شاعر
|
رد: مملكة احمد الروقي
متواضعه جداا غايبٍ ليه مدري ليه يبلاني=باالسهر والتصفح في مراسيله فاقدٍ مثل غيري نصفي الثاني=ليت يرجع وترجع لي تعاليله كان ماقام يظهر لي فاالاعياني=وكان ما الفكر دايم قام يسري له وكان ماالقلب من بعده تناساني!!=قلبي اللي نساني يوم يوفي له وكان محدٍ زعل قاصي ولا داني!!=يوم يزهم عليّه وانطق اسمي له هو تعلّق بقلبي لا وبلساني=مثل طفلٍ غدى والامّ توحي له صوته اللي شغلها مثل ما جاني=فاالصباح ومساها دوم تشكي له مالها غير صوره مالها ثاني=هي تضمه وتشكي له وتبكي له حالها مثل حالي ليه يبلاني=باالسهر والتصفح في مراسيله |
|||||||
|
|
|
|
26 Jun 2014, 01:13 AM
|
[ 153 ] | |||||||
|
شاعر
|
رد: مملكة احمد الروقي
من هذا المنتدى الشامخ حبيت اقول الله يبلغنا واياكم رمضان ونحن في احسن حال والله يجعلنا واياكم ممن يصومه ويقومه ايمانا واحتسابا |
|||||||
|
|
|
|
26 Jun 2014, 01:41 AM
|
[ 154 ] | |||||||
|
شاعر
|
رد: مملكة احمد الروقي
متواضعه جداا من الجديد اتمنى قبولها تسعين ليله ما تهنيت باالنوم=ياويل من حاله مثل حالي الحين يعيش مثل اللي ميتم ومهموم=حزنه ولو يخفيه بين به العين الله يسامح من كسرني عن الحوم=واسعد بحزني والدموع المعادين ولفٍ هويته والبلا قلب مختوم=في حبه اللي ذقت منه الامرين امس القريب اضحك واغني وذا اليوم=الناس شرهت والبلا فاالمحبين ( تجهل عن الخافي وبعيونها اللوم )!!=( مقسى عيون اللوم من هاالعزيزين ) تجمعت .. فرقى .. وشره .. ومضيوم=في قلب حاله .. مثل حال المساجين حنا غدينا .. مثل من قال مرحوم=في والدك وامك وحنا معزين ياليل خبرهم .. اذا غبت محشوم=لحدٍ يزيد الجرح وتصير جرحين ياليل خبرهم .. اذا صرت مكتوم=لحدٍ يحكم الحال ويقال دارين محدٍ درابي والبلا هرج مسموم=اخاف من حذفه وانا اذكرهم بزين ياليل خبرهم .. اذا الوضع مفهوم=(( والا كشفنا القلب واتقر هاالعين )) |
|||||||
|
|
|
|
27 Jun 2014, 07:44 AM
|
[ 155 ] | |||||||
|
شاعر
|
رد: مملكة احمد الروقي
بسرد عليكم قصايد اغلبها من القديم واتمنى ان تحوز على رضى الجميع هيه حسبك لا تقول اسم الغلا=ثم تشوف اللي عيونك ما تبيه مبتلا ياويل منهو مبتلا=كلّ ذكرى في حياته تشتويه دايمٍ تلقاه يجلس فاالخلا=ينتظر طيف بحياته مبتليه اه ليت اللي يبي يسلى سلا=كان نفسه ذاقت اللي تشتهيه ليه غايب من تكمل باالحلا=خابره لين ولا مثله شبيه قد ملا عيني ولا غيره ملا=ثم رحل ليته علم باللي يجيه من رحيله اه قد جاني بلا=صورته ياناس في كل الوجيه ولا زهمنا قمت اضيع من غلا=انوي الغير و لساني هو يبيه مير انا طالبك يا ظبي الفلا=كان تقرا ماسطرنا حن عليه قبل صوتٍ يحزنك دوم اعتلا=مات والذكرى بقت يا مبتليه مال دمعك بعدها فودٍ ولا=غير ودك لو ثواني تلتقيه الحبّ والله ولو ماطاع=تبقى المحبه واثنيها بنيت له من ورى الاضلاع=قصرٍ لعينه سكن فيها والله ولو خاليٍ هاالقاع=نرجع لذكرى وماضيها ذكرى تشافي ثلاث رباع=واللي بقى حبّ يسقيها وذكرى تداوي كثير اوجاع=ذكرى جروحي تداويها وعمري قضيته ووقتي ضاع=اسهر ورجلي امشيها اسري وكل العرب هجاع=كلّه لجل عين غاليها واقبل على البيت قيس ذراع=ودّي اطقّه واسويها والدّ لين العقل قد واع=وش جابني في اراضيها! هاذا ترا حال منهو باع=الروح لزين مهديها يفعل ينفذ وهو مطواع=العقل في حكمة ايديها وياسامعي حبّها قد شاع=في جوف شعري اطرّيها وياليت لو حبّها ينباع=لسوق عمري وانا افديها يالطيف الروح قلبي مبتلا=في هوى حبك ولا غيرك رفيق ما خلق مثلك ولا مثلك حلا=الحلا في غير شكلك مايليق صبتني ثم صرت ملكك ياالغلا=من بعد ما كنت انا حرٍّ طليق من سالني عنك يا ضبي الفلا= في وصوفك قلت لا والله شفيق لو اوصف للقرايب والملا=قام كلٍ يقطع العهد الوثيق عاف خله عن حلاك اللي علا=عن حلايا من يظن انّه سبيق نور وجهك لو تبين وانجلا=كان كلٍ تاه والله مايفيق من عشق مثلك عشق والا فلا=يوم زينك ناذرٍ ماله شقيق ما سلا قلبي بغيرك ما سلا=كيف نسلى وانت لي نور الطريق قلبي المسكين تايه مبتلا=ارحم اللي في بحر حبك غريق الهجوس اللي تدابك ماتريّا=دبكها مثل الخيول الغايراتي لجل حبٍ ياعرب ماله وخيّا=الجوارح في دروبه تايهاتي ساهرٍ ليلي واصفق باليديّا=العيون وماتهنّت باالمباتي ماخذٍ عقلي معه طلق المحيّا=باالحلاوه والعيون الساحراتي ويل حال اللي تبلّى ماتهيّا=فاالامور الحاصله فاالمقبلاتي مبتلي باالحب مع دربه جفيّا=ولاحسب ضرب الضروف القاسياتي مير يمّي لدّ فاالواقع وهيّا=سجّل الحاصل وسجل مفرداتي واحدٍ لجله عيوني له فديّا=فاديٍ روحي وقلبي مع حياتي وكلّ شيٍ قاسمه قسم السويّا=قاسمٍ بيني وبينه كلّ ذاتي ورافعه فوق الخلايق باالثريّا=وفاعلٍ كلّ الامور المعجزاتي وحافظه بين العيون من الحكيّا=والسهوم الصايبه في كل جهاتي وباسطٍ من زود عشقي له يديّا=ومايبي ياخذ وربّ الذارياتي والحصاد اللي لقيته هاالجفيّا=وقعها وقع الرماح الصايباتي علّموه انّي بعد فرقاه حيّا=في بيوتٍ عقب قفّى خالياتي وعلّموه ان غاب باقي هو هنيّا=منزله مثل القصور الشامخاتي وعلّموه ان الخطا منّه عفيّا=دامحه دمح النفوس الطيباتي وعلمو باالخاتمه طلق المحيّا=العيون وحرّمت لذ المباتي تدعي حزن والالم وهموم وكرب=ناسي اني انا اللي كلها تقتفيه كاس مرٍ شربته يوم غيري شرب=كاس حالي وحظه ماعقد حاجبيه حظي اللي ليا مني قربته هرب=ليه مدري يفارق طيبين الوجيه غاب ولفي ووجدي مثل هاالمغترب=يوم شوقه يسوقه شوقٍ لوالديه ساقني يمّ داره شوفته ياعرب=شوفة اللي ملكني خاتمٍ في يديه لا لمحته تشوف النفس تلعب طرب=يوم زوله بعيني ماله ايه شبيه المزايين لا منه حضر قد ضرب=سوقهم يوم كلن غايرٍ في مجيه والقمر لكتمل والزين عنده قرب=القمر قبل لا تحكم يأشر عليه واهني الذي ياكل معاه وشرب=والله انه غنيٍ لو فقير الجنيه يا مدور للحكي والتنقل فاالعلوم=لا تدور عندنا دام هو بعيوننا الرفيق امعاهده عند شنات الهجوم=حاميٍ ظهره وهو حاميٍ من دوننا والعلوم الطيبه ذكرها ف ابن القروم=راس مالي يوم هو فاالشدايد عوننا والردي لو يعترض له مصوبة السهوم=قلت جعله يندفن والعرب يوحوننا دام نفسه ما سترها ولو لبس الهدوم=في ظهرنا مستحيل انهم يكفوننا وانت يااللي تبحث العلم جعلك ما تقوم=كيف تبحث عندنا دام مشرق كوننا هبّ يا وجه الردى كيف ما تقدر تشوم=عن علومٍ بينت للعرب مكنوننا العلوم الطيبه يا مخالف للسلوم=ما ندور غيرها لو تعمي اعيوننا سلم جداني طبع مثل طبعات الختوم=والختم بعد الولي للمراجل عوننا وانت مكنونك تبيّن تحسب انك تروم=المراجل والحكم للذي يقروننا الطيب اللي طيبته مالها حد=ياما بيروى من هماج وزلالي يشرب هماج الماء ليا شاف له صد=من ناس ظنه مثل صدره شمالي قلبٍ على الطيبه تربى وهو عد=كل العرب مثله تحطّ العقالي فطره ولاكن جاه صفعه على الخد=هي خلته منها يذب الطوالي دنياه لو كيفه تجي مثل ما ود=خل العرب مثله تروم المعالي ياويل من يومر ولا له ولا يد=دنيا تسوقه صوب جرفٍ هيالي ويشرب زلال الماء ليا شاف له عد=يركي عليه و يصبح القلب خالي لا من ذكر من بعد همه وما شد=شيٍ يزيل اهموم قرم العيالي ساسٍ على طيبٍ ابو خال ثم جد=ياكيف ما يروى قراحٍ زلالي يا رفيقي ما حصل منّك قصور=وان حصل لك صفحةٍ خصيتها كاتب لعينيك ما بين السطور=لجل رفقتك العيوون اعميتها ومانشاور فيك يا ندر الصقور=والحسابات ابخفى صفيتها دام صدري من وسيعين الصدور=كلّ جمره من غلا طفيتها والمواجع لو سطت بي ما نبور=لو حياتي للعنا حديتها والليالي من قساها لو تدور=ماشكينا لو كثر تشتيتها دونكم لو قلت سبعة بحور=والله اني من عرب يا صيتها سقت نفسي كلّ ضلع بي يثور=البحور لعينكم طبيتها كيف ما كلي ودمي لك يفور=يوم عيني صوبكم لديتها كاس من طيبٍ نمده في سرور=من يميني من وفا مديتها يشفي العله ينومس فاالحضور=يوم نفسي للوفا ضريتها وادعي المولى عساها ما تجور=السنين الا لمن خصيتها الرخوم اللي تميدح في غرور=اليمين لصفحها كفيتها دام فاالصبح ومساها هي تبور=جعل يعلن فاالجرايد ميتها حزين القلب ليلي هو ونينا=ونينٍ يتبعه صوتٍ يبينا حياتي ذقت منها ماكفاني=عسى من عالمٍ حالي يعينا وجودي وجد شايب ضاع عمره=سعى في كل خيرٍ باليمينا شقى هو لجل يصلح كل عياله=وتردّو كلّهم موقف حزينا وجودي وجد سالم في اوخيّه=كليب اللي له القاسي يلينا بكى سالم ابو ليلي المهلهل=بكى اللي سيرته فاالذكرينا وجودي وجد شالح فالشجاعي=شجاعة ذيب سمّ المعتلينا يجر الحال شالح فاالفقيده=بكى ذيبٍ على غدر السنينا وجودي وجد من مونس طعوني=طعون الغدر من شخصٍ قرينا ويدكّ الصدر من صاحب غدر به=ويقول الغدر ماله طبّ فينا وجودي وجد من ذاق المطيحي=عقب ماقدر كبر ماله عوينا ينادي للعرب ماله مجاوب=ويصفق من شماله باليمينا وجودي وجد شيخٍ فالقبيله=خذو منّه محلّه بااليدينا ونادا لجل يستفزع جماعه=وقفّو عنه ناسٍ منكرينا وجودي وجد من اجهد حياته=جحيش اللي بيوته هي تبينا تبيّن عقّهم حتى دعا الله=ودعوة سبّبت حرم الجنينا وجودي وجد شاعر من عتيبه=قتيل العشق من هاالحاقدينا دخيل الله ملقب باالدجيما=لقى موته بمنع المحجرينا وجودي وجد قيس بحبّ ليلي=وحالٍ دونه القشر السنينا يدوّج فاالفيافي والصحاري=سبب حبٍّ بقى فاالخالدينا وجودي وجد مبسوط الكفوفي=وفا حتى الوفا يقسم يمينا على انّه ماحدٍ يوفي بمثله=وصار الكل ينكر مالقينا وجودي وجد من فاقد عيونه=ومع ذالك جفوه مقربينا ويدعي جعل نازع كلّ روحٍ=يجي ثم ياخذ الحال المشينا وجودي وجد فاقد واللدينه=بحادث فاقدٍ كل الثنينا وحياته كلها ضيق وتعاسه=وعاف النفس ثم عاف القرينا انا من يدعي الحزن المريري=سبايب فقد نورٍلي معينا سهيرٍ مثل من حاله مشقّا=سهير العين عكس النايمينا ينام اللي حياته في سعاده=ويسهر من يفارق طيبينا وحزني ماطرق حب العذارى=حزينٍ من سبايب فقد عينا والاويلي على فقد الحبيبه=عيون امي لها تسعة سنينا ظلامٍ دامسٍ في كلّ دربي=عقب فقد الحياه الحال شينا امرّ القبر وانثر كل دموعي=واقول الله يزيد الصبر فينا وودي لوّ انا افدي في عيوني=وودي لوّ اسوق اللي ثمينا وودي لوّ انا افدي في حياتي=لجل سلمه على ذاك الجبينا اواويلي على لمس اليديني=يدين امٍ حنونٍ باليمينا ورجلٍ من تحتها جنة الله=وسلّم لين انا افنى باليدينا وربي لو جمعت الواصفيني=وربي لو جمعت الكاتبينا لتعجز في وصوف اللي بقلبي=وتعجز في مدى ذاك الحنينا والا ياالله طالبك الفقيري=عدد ماكلّ بامرك ساجدينا وعدد ماتاب لك مسلم وصلّى=وعدد مازار بيتك مسلمينا وعدد مااستغفر المومن وكبّر=وعدد عد الحجر والراعبينا وعدد مالاح برقٍ فاالسحابي=وعدد ماطاح غصٍ فاالسنينا تجمّعها بميزان الحنونه=دراجاتٍ ياخير المعطيينا وتجمعني بها في دار عدنٍ=دعا عبدٍ يذل الك الجبينا ياوجودي وجد مسجونٍ به الناس ابتلو=في دعاوي ثبتوها زور من كل الجهات واثبتو قصه وهو منها بريٍّ ورحلو=وقال مالي غير لابه فاالسنين الجايرات ما درى غير الخبر من قبل لا يرفع الو=قال ويلك لا بتلك من دعولك للممات او وجود الشايب اللي له عيالٍ واهملو=في حقوقه طايعين الخاينات السافلات الزموا منهُ حشمهم فاالسلاحيب انقلو=واديٍ مافيه غير الموت وارضه موحشات او وجود اللي تولوه العرب واستعجلو=باالمسبه يوم هو طيب علومه غانمات مير رديان النفوس الهم يدين وبدلو=حالة الطيب الى عرض الهروج الناقصات ما سلينا لو ثواني حظّ حظّ اللي سلو=ويل حال اللي عيونه من همومه ساهرات في خيالي ما يغيب في خيالي سجلو=يوم شهرٍ مع سنه فاالذاكره هي عالقات 17 / 4 والفٍ واربع كملو=وخمسة العشرين هجري اه موت اغلى حيات امي اللي بعدها ما عاد به شيٍّ حلو=المراره جوف صدري قالت هنيا الثبات اه يا مر المراره جوف هاالقلب اسالو=من قدر يسال يحاول لو ثواني فاالسبات واه يا همي وحزني لو مخاليق احملو=ربع همي كان من يرو الكبود الظاميات واه واويلي ليا من العرب هم هللو=في صلاة الصبح والله ماتهنينا المبات واه يا ضيقي ليا منّ الخلايق هم خلو=قمت اخايل زولها والله من كل الجهات ولا دخلت الدار صدري قام يصلاه الصلو=عند شوفة غرفة اللي غير كل الامهات ثم يضيق الدار في كلي ولو هم جمّلو=ماجداي الا دموعي عند ذيك الذكريات ولا ضحكنا للمجامل والصدر بيرٍ دلو=نغرف الاحزان لقفو والليالي شاهدات وهاذي على الطرق الهلالي الا يا عريب الخال هاذي ديارها=ديار الذي ماتو وخلو عمارها بقى لك تأمل كيف كانت ديارهم=بعد فقد من نزاع الارواح زارها الا ليت قبل الموت نقدر نضمّهم=وداع الحبايب قبل يصدر قرارها ولاكن الا يا ليت ماهي تفيدنا=لو انه تفيد الناس سلمت ضرارها فنو لاكن الذكرى صبح ليل مقبله=تصور لنا ذكرى طويلٍ مسارها ونسرح ولا ندري عن الوقت وش مضى=مزوحٍ وضحكات بقت في جوارها فنو لاكن الوافين تسعد بذكرهم=وتفخر مثل فخر العرب في حرارها وتخفي عن الجلاس كثرة دموعها=وتظهر خلاف اللي خفى في جهارها فنو لاكن الديره تمنى ولو حكت=تنادي بساميهم وتشكي دمارها وتشر على اقبورٍ وتسمع ونينها=تقول القلوب الطيبه ذي ديارها فنو لاكن البصمه بتبقى مخلده=دروب الوفاء والدين دايم شعارها ولو للوفاء والدين قدرة على الحكي=تنادي وتخبرنا ترا ذا مسارها والا يا الالهي طالبك باسمك الذي=ليا من دعينا به حصدنا ثمارها تنزل ب هاالدعوه نعيم ابقبورها=وتجعل لنا جمعٍ بدارٍ عمارها خلودٍ فلا ضيقٍ وهمّ ابصدورنا=ولحدٍ مثل دنياه يشكي ضرارها ياللي تقول الناس لناس وينك=ماقلت كذابٍ ولا قلت صداق انته تحكم الحال مدام عينك=تنظر سطورٍ سطرت بين الاوراق لاكنت في نعمه يقل جاهلينك=والكل عزك واسكنك وسط الاعماق والناس تكثر والعرب طايعينك=واسمك يوصل من محبه للافاق ولا جيت من سفره كثر محترينك=هذا قريب و ذا بعيدٍ ومشتاق ويمناك تشكي ويل والله يمينك=من كثر ماترفع تساليم وعناق حتى العداوه عرقها من يقينك=مقطوع من شوفٍ مثل نور الاشراق والكل يكتب فاالورق مادحينك=لو صوت لشكوى شكت لك هاالوراق ولا شان حالك واغدرت بك سنينك=الكل يعطي ماحسب درب الافراق ولحدٍ تعدى قمت تصفق يدينك=محدٍ يطالع روسها صوب الافاق وياللي تقول الناس لناس وينك=مالك بعد هذا ليا خاطرك ضاق الجيب لا منه خلى شان زينك=من شوف ماودك ولا هو بينطاق ياهبوب الريح هبي في سماه=علّ يشفى راعي الجسم النحيل والله انه من غداه ومن عشاه=منطوي ماذاق حتى لو قليل جوف صدره همّ ويل اللي بلاه=ماوراه الا التنهد والعويل مالفى شالح بذيبٍ هو لفاه=الونين اللي مثل ضرب الصقيل والله انه مايفيدك فاالحياه=لا محبه لا تعني لا جميل قاله اللي جاه والله ماكفاه=من دهايا تجعل الطيب عليل دام جرحي هو كذا يبطي شفاه=لا يلام الحال لا حل الرحيل سرت في دربٍ طويلٍ منتهاه=دنيةٍ دايم على الوافي تميل من هقى طيبٍ بدنيا ماوراه=غير حملٍ يثقل الحمل المشيل صاحبك لو دايمٍ تملى يداه=قال يبحث من ورى ظهري حصيل قلتها من واقعٍ يبقى اذاه=مابقى دمعٍ على خدي يسيل والالم من ودّ يعلم وش مداه=قدر طيبك قدر همك باالمثيل ومن يخالفني على ماقد قراه=الليالي هي تمده باالدليل لا تشكّى للعرب مظهرك ماهو يليق=وانت عارف وش يعزك وتعرف مسلكك لا تخلى باب للي يدور لك طريق=الردي لو هو خسر هو تمنى يهلكك وان تعنى لك وفي عمت في بحرٍ عميق=مالك و مال العرب خلها لا تشركك ماحلا من كان مثل النداوي هو طليق=خير من يفعل جميلٍ بعدها يملكك وان بغيت الدرب لك درب يانعم الرفيق=لك سند يوم الدروب الكثيره تتركك اعتنز باللي يمدك ليا حل المضيق=ربك الوالي ولا غير ربك يدركك دام رزقك ربنا كاتبه يااغلى صديق=لا تشكّى للعرب وانت عارف مسلكك ليت التمني فاتحٍ للنشاما=بابٍ يخصّ الهم على ماتودّه من يشكي الفرقى وكثر الحطاما=مضنون عينه يقدر اليوم ردّه ويعيش في حاله تفوق اليتاما=لا شافو المطلوب كلٍ يسدّه ويكون حاله في سبيل الغراما=مثل الملك لو ما ملك ثوب قدّه ومن كان يشرف في طويل العداما=ماعاد همٍ يقدر اليوم شدّه يطلب وياخذ مايبي من لزاما=وتبسط له الدنيا على مايودّه لو بتمني كان حال النشاما=طيب ولحدٍ واقفٍ دوم ضدّه لا كنّ مالك غير سبر الغماما=ترا الفرج ياتي بعد طول شدّه الوقت مهما جار ياخوك جوره=يبطي على شرواي والراس ما لان عديت لي جسرٍ صعيبٍ عبوره=وارويت نفسي يوم انا كنت عطشان ومكنت لي سورٍ ولا مثل سوره=فضلٍ من الله ثم ذريبين الايمان اشاور الطيب واحب المشوره=ومن لايشاور ماربح دوم خسران وماني من اللي طايشٍ في غروره=يقول انا الشاعر ولانيب غلطان وزودٍ على ذالك تعدا الخطوره=يرزّ خشمه ليت يرعى مع الضان الشعر طالع من بحر في بحوره=فوق الجزاله صدر ياسع له اوطان ولا من حضر بالله دقق حضوره=شعر و رزانه راجحٍ كلّ ميزان ولا من قصد كل القصايد فخوره=من طيب راسه مثل والله كحيلان والوقت لاغنى سريعٍ مروره=يشبعك ماقاله ويطرب لك اعيان ومن رزّ خشمه طالع لحلّ دوره=تنغثّ نفسك لو تحلى باالايمان ياثقل هرجه والقصايد صبوره=هي تمتني تستر ولو كان من كان من لا تواضع لو غزيره بحوره=يكتب مع الناقص ولا نيب غلطان من نشدني قلت طيب ولو حالي يبان=لجل ناسٍ غاليه لو همومي مهلكه كم نفوسٍ مثلنا ترسم الفرحه عشان=كلّ غالي تسعده هي تمنى تملكه مير دورات الليالي على مرّ الزمان=استباحت دمنا كلّ دمٍ تسفكه تاخذ المختار بذات فينا تستهان=والمواجع دربها من هواها نسلكه ليت ياتينا خبر قبل تاخذ ليت كان=الموادع خير من كلّ همٍ ندركه يازماني كم نفوسٍ شكت مابك ليان=التفرق مذهبك كم خلايق مربكه كم عزيزٍ فاقدينه ولا عاده يبان=ظلمت من بعدهم فاالعيون المملكه ليت لي قدره على من يغيب و له مكان=لحفظه في وسط في عيني ليالي واملكه مير مالي غير فرقى ولوعات الزمان=من صبر يصبر شويّه بعدها تهلكه قسينا عقب طيبٍ والقسا يفرض علي مجبور=حدانا هاالقسا عقب التجارب في مناكبها اهل الدمع من عيني ودمعي دايمٍ منثور=لجل يمنى تمد الصعب لو صعبٍ مطالبها وقلبي منجبر يعطي وانا ادري ذاك حلو شعور=ولاكن وش لقينا غير شفنا كل عجايبها عجايب هاالعرب شفنا خبايا خلف ذاك السور=ونفسي من عجايبهم تقل واحد يعذّبها لقيت الحاقد المخبث لقيت الحاقد المغيور=ولقيت المادح الكاذب وخلفي هو يعذربها ولقيت اللي حياته في تعاسه داخله مقهور=عشان الواهب الباسط عطاني شي وكاتبها حسدني في عطا ربي وتلقى خاطره مكسور=وينام اللي خلى صدره ونفسه هو معاقبها ولقيت اللي يصاحبني وكل مافيه هو مسرور=لقى يمنى تلبّي له وربي كل مطالبها واذا جاء ماقفي يقفي وطيبٍ فاعله منكور=ونفسي عن سواته مانجيه ولانطالبها وفعلٍ فاعله حتى مماتي ساتره مستور=اجنّب كلّ ما يخدش صحيب النفس صاحبها ولقيت اللي حسبني غافلٍ يوم الزلل مغفور=عن الاولى عن العشرين والله الف حاسبها ( مواقف قدم عيني واضحه يومه يلف يدور )=ويمثل دور انا الطيب وجيهٍ كم يلاعبها ودايم عادتي ندمح وهو يحسب بيلعب دور=انا الفاهم انا الشخص الذكي ليته معاتبها معاتب نفسه اللي هو يمثلها على الدكتور=وطبيبٍ عارفٍ ضرّه وعارف هو يهذّبها سلومٍ حاجزه بيني وبينه سلمي المامور=اقدم طيب من طيبي ولو تكثر مذاهبها وطيبي مع قروم القوم حتى قبري المحفور=واسوق اللي يطيب النفس ذا حقٍ وواجبها ورجالٍ هي تصاحبني بتلقى طيبي المذخور=واقدر صحبة الطيب ولو بالمال نكسبها وردي النفس نذرٍ مايلاقي طيبي المخبور=وعيني ماتلد يمّه ونبعد من متاعبها ياويل اللي يقابل لاعبين الحبك حبك الدور=نفوسٍ لو تقابلها بتشكي من مخالبها وانا ياسامعٍ شعري نخص ولانعم جمهور=عرب قلّه تلاق الطيب دايم في مزاهبها وعرب قلّه يسجل طيبها لوح الزمن مسطور=ولاكن هاالذيابه قد طغت فيها ثعالبها وحظيظ النفس منهو في زمانه يكشف المستور=قناع الوجه ناسٍ تلبسه تخفي عجايبها عجايب قد كشفناها ونعرف خافي المعثور=ودسنا بامر ربي هاالافاعي مع عقاربها |
|||||||
|
|
|
|
27 Jun 2014, 10:00 AM
|
[ 156 ] | |||||||
  
|
.
تَجوُد بِجوُد حضوُركَ وَ رَحيِقُ قوافيكَ الشُمَّخ أَيُهَّ الروُقيَّ ممَلكَّة طَاغيَّة الإحساسْ مُحمِسَّة بِكُلْ مَافيِهَا صَّح الله بوُحكْ وَ سَلِمْ عطائُكَ الدائِمْ وَ بلغنَا الله وَ إياكُمْ شَهر رمضانْ المُباركْ وَ أعَاننا علىْ صيَامهِ وَ قيامهِ وَ نحنُ نَرفُلْ بِالصحةِ وَ العَافيَّة وَ المُسلميِنْ أَجعمينْ . وَ إن شاء الله نَرىَّ ديوانْ بإسمكْ حيثُ دِيوانْ شُعراءْ شبَكَّة الشداديَنْ . |
|||||||
|
|
|
|
27 Jun 2014, 07:42 PM
|
[ 157 ] | |||||||||||||||||||||||||||
|
شاعر
|
رد: مملكة احمد الروقي
مرحبا في مشرفتنا المتالقه ساره الغيد اشكركي على التعليق المميز واللهم امين والله يبلغنا واياكم رمضان وانتم في احسن حال , اما من ناحية الديوان اتمنى ان يوضح لي كيف طريقته وان شاء الله في اقرب وقت اسويه والله يوفق الجميع |
|||||||||||||||||||||||||||
|
|
|
|||||||||||||||||||||||||||
|
27 Jun 2014, 07:59 PM
|
[ 158 ] | |||||||
|
شاعر
|
رد: مملكة احمد الروقي
متواضعه جداا من الجديد اتمنى لها القبول ( جيت المكان .. اللي ملكني وانا حر=ياويل حرٍ تملكه كل ذكرى ) مهما يحاول في حياته ولو فر=يفرّ من ذكرى!! لذكرى .. لمسرى يا وجد حالي وجد من كل ما مر=على ديارٍ صابها السيل حدرى محدٍ بقاله كود ذكرى ليا كر=تزيد جرحه والصواديف قشرى او وجد من ذاق البهاذيل والمر=ممن سكن باالعين واعماه غدرى يصبر على حبه ولو يونس الشر=واربع سنينٍ ما لقى يوم بشرى على وليفٍ باالحشى يا عرب قر=والعين ترجي جيته كل فجرى ياهو وفي باالحلم وابواقعي فر=اعمى عيوني واودع الصدر جمرى وفيت له مثل المطوع ليا بر=في والده وامه كسيره وعورى ليته وفالي اه ياليت ما ضر=والا خذى مع غيبته كل ذكرى |
|||||||
|
|
|
|
28 Jun 2014, 08:33 PM
|
[ 159 ] | ||||||||
|
مؤسس شبكة الشدادين
 
|
رد: مملكة احمد الروقي
هلا بك يا شاعرنا أبو سلطان والله يمسيك بكل خير وكل عام وانت بألف خير وسلام ومبروك عليك الشهر والديوان إن شاء الله أسويه لك هنا http://shdadeen2.com/poem/ مع بقية دواوين شعراء المنتدى قريباً بإذن الله بس ذكرني لأني والله أنسى |
||||||||
|
|||||||||
|
|
|
|
06 Jul 2014, 05:19 AM
|
[ 160 ] | |||||||||||||||||||||||||||
|
شاعر
|
رد: مملكة احمد الروقي
ارحب والله يابوعبد الله منور ياالامير والله يمسيك ويصبحك باالخير والعلم الزين وانت بالف خير والله يبارك في ايامك والله يتقبل منا ومنكم الصيام والقيام والله يبيض وجهك على بذل المجهود لي ولغيري وانتظر الديوان باذن الله |
|||||||||||||||||||||||||||
|
|
|
|||||||||||||||||||||||||||
