بعد الغياب

		المشاركة الأصلية بواسطة : هدوء الشدادين اقتباس
	حياك الله صح السانك والحمد لله على السلامة (إن شاء الله) تكون آخر الغيبات[]

هدوء الشدادين
مرحبا بك ملاييين , والله يسلمك من كل شر
أسعدني تواجدك هنا , لك مني جزيل الشكر
والتقدير على المرور الطيّب
دمت بخير ,,,

وأعي الحمدالله علآ السلامه ،،

والله انا غبت اسبووع وكم يوووم ولاأحد سأل ..

بس الله يعييين النااس مشغولييين والأعضاء كثييير ..

بس أنا مو من زمان مشتركه .. وعلآ قولة فاقدة ابوهاا .. انه وقت أختبارات وكثييير غايبين ..

ولا بأس طهور أن شاءالله ..

وصح لسآنك علآ هالأبيااتـ ..

[quote=فاقدة أبوها;599317]

من طول الغيبات جاب الفرايد

اخوي واعي

مكانك محفوظ وقدرك معروف لايدخلك شك ولاريب كل مافي الامر انك غبت في فتره اختبارات وفي هالايام غياب الاعضاء شئ غير مستغرب

صح لساانك

وعلا شاانك ولا هنت

على هالابياات الرووعه

يازين الكلام اللي من العرف مجناه=وبالعقل تازن شامخات الجبالي
مرورك يسر القلب لفظه ومعناه=وبالعذر والإيضاح ردك كمالي

يسعدني تواجدك الدائم
وجهودك المميزة
دمت بخير ,,,

		المشاركة الأصلية بواسطة : الغربي اقتباس
	هلا مرحبابك عد ما دنت اجراس=تدندن نهار المعركه والحرابه هلا وانت قدرك يابن عمي على الراس=هلابك عدد هل المطر من سحابه مدامك تشره فاسمع العلم بقياس=ترى لك بوسط قلوب ربعك رحابه ليا غبت نزعل مير مانبدي الاحساس=لان القمر مايختفي في غيابه واذا جيت ياواعي يجي كل نوماس=تجيك العلوم الغانمه والذرابه مدامك شجيع ولك مع الطيب مجلاس=ليا جيت تبغى العلم جتك الاجابه ولكن صار الوضع يالقرم محتاس=لان المهندس قام يطوي زهابه تبي تقلع الرحله بعد قطع الانفاس=ولدمع دربٍ فوق خدي جرابه اخاف اكمل القيفان وتزود الاتعاس=وقلبي يابن عمي يجدد صوابه

هلا مرحبا بك عد ماهبت النود=مكمل عن أهل المنتدى بالجميلة
ترا دايم الغربي من الناس محسود=عشانه ولد طيّب وشاعر قبيلة
وعذرك على رأسي ولا أنته بمردود=وأقول أنت جزل ولا تعرف الهزيلة

ياهلا بك يالغربي ملاييين
أسعدني تواجدك هنا وردك
الجزل , ولا هو غريب عليك
دمت بخير ,,

		المشاركة الأصلية بواسطة : شرقاوية اقتباس
	وأعي الحمدالله علآ السلامه ،، والله انا غبت اسبووع وكم يوووم ولاأحد سأل .. بس الله يعييين النااس مشغولييين والأعضاء كثييير .. بس أنا مو من زمان مشتركه .. وعلآ قولة فاقدة ابوهاا .. انه وقت أختبارات وكثييير غايبين .. ولا بأس طهور أن شاءالله .. وصح لسآنك علآ هالأبيااتـ ..

مرحبا بك أختي العزيزة شرقاوية
بالله لا تفتحين موضوع الغياب والسؤال ( نصيحة ) فتحته ونشبت
وإن شاء الله ما تغيبين الا في خير وجميع أحبتنا .
أسعدني حضورك ومرورك الرآآآآئع .
دمت بخير ,,,

غالي وقدرك عالي يا شاعرنا واعي
والله وأنا أخوك إنك تسوى عندنا عيوننا
لكن لا تلومنا عسى الله لا يلومك
الدنيا تشغل كفانا الله شرها
وحنا في حوسة اختبارات وأغلب الأعضاء
غائبين بسببها عن المنتدى وهذه الفترة بالذات
يكثر فيها الغياب بشكل ملفت للنظر وفي كل المنتديات
ومن كثر من يغيب عنا نحط لهم ألف عذر وما نلومهم
لكن أبشر بعزك وتقبل عذرنا وعسى فالك طيب يا الطيب
وصح لسانك والمشاريه ما تجي إلا بين الرجال اللي عليهم العلم
عسى الله يحفظك ويرعاك

واعي

رائع يا بن العم

وسلامك وصل مع تركي

وصح السانك وبيض الله وجهك

ومكانتك محفوظه بين الشعراء الموجدين وانت نجم بارز لا يغطه غيم

حياك الله يا واعي

ولا باس يابن العم وأنت من الرجال اللي نغليهم ونفتخر بهم في المنتدى

لكن مثل ما قالوا الأخوان هذي أيام الأختبارات أكثر الأعضاء مشغولين

وأبو عبيد ما قصر بيض الله وجهه وأنت غالي وقدرك عند ربعك عالي

صح لسانك ياواعي

مبدع في حظورك وغيابك

تحياتي لك

صح لسانك وبيض الله وجهك

على هذه القصيدة الجميلة لاهنت

تحيتي لك