هل تتزوج من تحادثها بالهاتف ..!!

[QUOTE=تولين;740991]مافيه بنت تحب بتهور إلا الغبيه البنات في ذا الوقت صارت تعرف كل شيء الصح والخطأ وبعدين كلمة البنت مو مثل الرجال هذي تقهر خير هي وش ناقصها و الدين واحد عليه وعليها لو اخطأت مو لها عقوبة نفس عقوبته لكن في النهاية الاعراف والتقاليد ماترحم

بس حبيت اعقب على كلامك

اسمحي لي تولين مضطره اقتبس كلامك لانه يعبر عن وجهة نظري
انا مع تولين يا خزامى

رأي منقطي وصريح

اشكرك على حظورك

لا تعليق
و صحيح مابني ع باطل فهو باطل
ولكن لا تنسو
لكل قاعدة شواذ
والاستثناءات وارده
في أي قضيه أو موضوع
وللناس فيما يعشقون مذاهب
ولربما نجح هذا الزواج والحب
كل شي مقدر ومكتوب
مهما طال النقاش

كلام سمين وسليم

اشكر لك تعليق مرة اخرى

والشاعر يقول

ناقش اي موضوع وفي النهاية كلها وجهات نظر

		المشاركة الأصلية بواسطة : اقتباس
	يجوز انه يتزوجها ليش لا اعرف واحد من اصحابي كان يفكر طول ايامه كيف يتزوجها لين تفرقو

قلتها بنفسك لين تفرقوا يعني لامجال للإجتماع بتاتاً

بما إن السؤال يدور بمجملة للرجاجيل لأن قرار الزواج
بيد الرجل أحس مال أمي داعي أتفلسف هههههه

رسام صدمني بشغله شلون تمتحنك بنفسها يعني تقول
تزوجني !!!

< انصعقت البنت وطارت عيونها نسأل الله السلامة

بجد دمار هالعلاقات ومنو بيفكر أصلا يبني حياته على غلطه

مهما كان الحب وادعاءاته بوجهة نظري الزواج يتصدّع لو بيتم

بمثل هالظروف اللي ذكرتها أخوي رعد لأنها نزوه مصيرهم يفيقون

ويعرفون حجم الغلط اللي تكلل بالزواج وبيصيرون بدائرة الشك
والعذاب طول العمر "

شكراً رعد ولاعدمناك "

بالعكس احلى شي

لأني بكون على معرفة كاملة فيها

احسن من ما اتزوج وحده ماقد شفتها في حياتي

هي دبا وسمرا هي نحيفة وشقرا هي عصبية هي وجعانه وبيدفونها اهلها علي

احيان ماتصدق الا عين الانسان



اما الشك بيزول مع التفكير في مستقبل الأبناء والاهتمام بشي اكبر من هذي التوافه

اشكر من حظر

		المشاركة الأصلية بواسطة : اقتباس
	بالعكس احلى شي لأني بكون على معرفة كاملة فيها احسن من ما اتزوج وحده ماقد شفتها في حياتي

يوه ماصارت مكالمات أجل شوفات بعد لا مايصير يارعد

		المشاركة الأصلية بواسطة : اقتباس
	احسن من ما اتزوج وحده ماقد شفتها في حياتي

وأنت ع بالك كل اللي يتزوجون ماشافوا اللي يبغون يرتبطون فيها

ماظنتي هذي على عهد أبوي وجدي الحين فيه النظرة الشرعية

صح عندنا يالبدو مستحيل تنعرض بنت ع رجال لكن فيه طرق

ملتويه يسوونها الشباب اليوم لكن مايكون لعاب لاحط براسه

بنت يبغى يخطبها وعاجبته من كل النواحي إلا الشكل ياخي سهله

كلها اتفاقيه مع أخته ومقلب محترم ويشوفها بدون ماتدري إن أعجبته

خذاها وإن ماعجبته يادار مادخلك شر لادرت عنه ولاعرفت نواياه

وأشوفها حالياً أنسب طريقة للي يبحثون عن الجمال

		المشاركة الأصلية بواسطة : اقتباس
	هي دبا وسمرا هي نحيفة وشقرا هي عصبية هي وجعانه وبيدفونها اهلها علي احيان ماتصدق الا عين الانسان

هههههههههههههه

حلللللوه وجعانه ليه عنز على غفله ههههههه

والله أنا أشوف عين الحريم أحسن من عين الرجاجيل لأن
الرجال يعجبه أشياء عاديه ويشوفها توب فلو اختارت له الحرمه
بتكون فوق الخيال لأن الحريم مايعجبهم العجب

والدليل شبابنا اللي مطيّحين عند غنوة وملكات جمال وملكات جمال

هذا دليل إن ماعندهم نظر وتغسل يديك منهم وأتوقع أي واحد

بيتزوج منهم بيسحب ع بنات غنوة ويلغي القناة بعد وبيتأكد
إنه كان مغشوش

حرام حرام حرام المقالب

ليش اكسب ذنب واطالع في وجه وحده تغطى عني وحنا عرب

النظرة الشرعية عند الحظر مسموحه عندنا لا

وغنوة قناة سيئة

فما في الا الحل الأول

تكوين علاقة صادقة حتى تتعرف على العايلة كلها وتخطب البنت

احسن من مقالبك

ياسلام الحين صارت المقالب حرام وعلاقتك حلال

ع الاقل المقلب تحفظ فيه كرامة المرأة وتكون بعز أهلها وجيت خذيتها

أدري إنها تتغطى عنك لكن يجوز إن صار بنيتك الزواج تشوفها بأي طريقة

وتكسر حركات التشدد بالنظرة الشرعية وبعدين ملّك عليها وكلّمها لين تشبع

أهم شي ماتبني حياتك على حرام بغرض الشوفه لأنك لو مشتهي تقدر تشوفها

بالطريقة اللي تعجبك لكنك تبي علاقة بعيدة عن مسمى العقلانية ونطاق الحلال

تبي حب بتلاقيه أكثر وأكثر , تبي جمال بعد بتلاقيه أكثر وأكثر

نفسي أعرف شنو اللي يخليك تقتنع بالعلاقات وتشوفها شي حلو وتحرر واختيار

بمزاجك وبالمقابل تقدر تسوي كل هالأشياء بالحلال وبنفس الطريقة

فما تبي مقالبي الله يعينك مالك إلا خشمك ولو كان عوج وأدخل في نطاق

أكشط وأربح ويارب تكون السندريلا قد آمالك وتطلعاتك

^
^
أحبّ النقاش إذا سخّنت أجواءه زيادة

ترف
معاها حقّ في كلّ كلمة قالتها

وبالنسبة لك أخوي رعد
هل ترضى أو يرضى أي واحد فينا إن ترتبط وحدة من أخواته أو بناته مع رجل وتبني معه علاقة ليست بالقصيرة
ونحنا حاطين يدينا على قلوبنا ونقول يارب يتمّ النصيب ويتزوجون بعض ؟!!

ما أظن فيه أحد بيرضى بهذه الطريقة
صحيح يمكن ترضى إذا كنت أنت بطل الفلم والرواية واللي ناوي تتزوج
غير كذا ما أظن توافق !

وبالنسبة إني أشوف بنت أنا ناوي الزواج منها على سنة الله ورسوله
والعقبة الوحيدة إني ودّي أشوفها ؟

سألت شيخ قبل كذا وقال يجوز تشوفها
وغير كذا إذا كان أبوها رافض نسّق مع أحد إخوانها المتفتحين واللي يمكن يكونون محظر خير بينكما ..

والتوفيق والنصيب أولاً وآخراً بيد الله عزّ وجلّ

وأنا معارض جملة وتفصيلاً إنّي أتزوج وحدة كنت أكلّمها حتى لو كانت ماتكلّم غيري ؟

وليــــــــــه هي في الأساس حلال عليك أنت إنّك تكلمها أو تشوفها ؟!

اللي رضت ترتكب الحرام معك بمكالمة أو شوفه لاتستبعد إنّها بكرة تلوي ذيلها وتكلّم أو تشوف غيرك !!