دعوة من متعب الشدادي لشعراء المنتدى

		المشاركة الأصلية بواسطة : السلطان اقتباس
	بيض الله وجهك يا متعب ولا هنت يا شاعرنا تعجبني مثل هذه المشاركات رغم أنني لست شاعراً لكن الرمزية تفتح عقول الشعراء على المجاراة والبحث والتحدي تسلم يمينك والله لا يهينك

وجهك ابيض يابو عبدالله

كان الهدف من هذه القصيده ان يستفيد الشعراء من بعضهم البعض

والخروج بهم من نطاق القصائد التقليديه وامل ان اكون قد وفقت

في اختيار المعنى المناسب ولاهنت على مرورك وتعليقك الكريم .

		المشاركة الأصلية بواسطة : العبادي12 اقتباس
	الاخ العزيز متعب مساك الله بالخير وهاذى مجاراتى ارجو ان تنال استحسان الجميع اناللي اسبح في البحر وارقى على العلياواويق=وصطادها اسرع من عربسات الفضاوابراجها انكان مهتميت خل النحل يلعب بالرحيق=ولعاجت البان الذرو اشره على لعاجها والهم ماخاوى العرب الايباالنايم يفيق=ولاتنزعج من ناره اللي زايدٍوهاجها الله يبارك فالرحاه اللي تبي تطحن دقيق=والله يبارك في المنايح بلها وانعاجها صف النوايا واخنق القيفان لاحد الشهيق=وكل الاجروح المزمنه نبي نجيب اعلاجها يمناي في يمناك يامتعب وولعها حريق=وازهم على اصحاب السلع حتى يزيدانتاجها ماجيت اهايط بالشعر جيتك معي علمٍ وثيق=واعلمك عن ليله الاسرا وعن معراجها اشارت الكبتن معك لاكن ماعندك فريق=مثل بلاد الرافدين اللي فقدت حجاجها

اخوي العبادي صح السانك على هذه القصيده الجميله

ولي وقفه عند هذا الشطر :

وكل الاجروح المزمنه نبي نجيب اعلاجها

كتبت كلمة الجروح على هذه الصيغه ( الاجروح )ربما لخصوصية اللهجه وربما لخطا املائي .

تقبل مروري .

		المشاركة الأصلية بواسطة : عبدالله الشدادي اقتباس
	بيض الله وجهك يابو فراج دعوه جميله لم نشاهد مثلها منذو زمن اتمنى تفاعل جميع شاعرئنا معك كل الود

شكرا لمرورك يابو عابد والتفاعل موجود من قبل جميع الاعضاء

الذين اكن لهم كل التقدير والاحترااااااااااااااااااااااااااااااااام .

		المشاركة الأصلية بواسطة : صالح بن مستور اقتباس
	بن فراج اليك مجاراتي ... كلام ابن فراج خلا كل نايم يستفيق = صحّا على صوته خلائق ما نحب احراجها جاوبت له بالصوت والجوال جعله في حريق = و ذبذبة الارسال المؤقر ما تبث ابراجها الماء يابن فراج تدري ما يغطيه الدقيق = و مكه يابن فراج ما ضاقت على حجاجها و أغلب عباد الله فعايلها يا متعب ما تليق = ميز يا متعب زين فالعالم و شوف انتاجها اهل الكذب و الشعوذه تبرق نواظرها بريق = و الله يحمينا يابن فراج من مزلاجها اتابع الاوضاع و عيوني على الساحة تويق = لا الزير ابو ليلى / رجع ولا برز / حجاجها متعب تشبّعنا ضما و الماء ما عاد ايبل ريق = قلي من اللي تخبره يقدر يهدّ اسياجها ميقافنا ترجمه فالميدان يا روح الفريق = و ابشر بحال و مال يا روح الضمير و تاجها صالح بن مستور

ابو مستور صح السانك على كل حرفٍ كتبته ولك جزيل الشكر .

حصل عندي خطأ مطبعي في البيت الأخير الشطر الأول كلمة ( صلاة)

والصحيح (( صلى الله )) وأتمنى من المشرفين إصلاح الخطأ,, والله يعطيكم العافية

		المشاركة الأصلية بواسطة : فيصل بن زايد اقتباس
	مجاراتي لأستاذي متعب بن فراج وأعذرنا على القصور أهتاض بالشاعر اللي يعشق المعنى اللبيق = وان زادت الظلمه على الشعار شب سراجها وسيع العرف يا متعب ترى ما ضاق ابه الطريق = يعرف مداخيل العلوم ويفتهم مخراجها واللي لشيل الكايده يا درع جنبي ما يطيق = يرتاح ونفسه بين الناس لا يزيد احراجها وأنته دعيت الجمع الأهول تحتري راي ٍ طليق = بين البحور اللي كما الضلعان موج أمواجها أبشر بميقاف ٍ يعز ويجعل النايم يفيق = ماهمنا ((صدّامها)) ما همنا ((حجّاجها)) لو كان بعض الناس امن الحسد يبا ذبح الشقيق= هو ما درى عن ليلة المسرى وعن معراجها يا جعل من ينوي الغدر في قاعة البير السحيق = خل الهنوف العاشقه فوقه يزيد خلاجها تمت وصلاة الله على المبعوث يشموم ورحيق = والمنتدى بيدين ربع ٍ عارف ٍ منهاجها فيصل بن زايد

ابو زايد صح السانك على هذه المشاركه
يعجبني فيك الحماس وحب اثبات النفس
اتمنى لك التوفيق والرقي دائما .......
التعليق:
هناك ثلاثة كسور في القصيده على النحو التالي :
الشطر الاول في هذا البيت:
وسيع العرف يا متعب ترى ما ضاق ابه الطريق يعرف مداخيل العلوم ويفتهم مخراجها
الشطر الثاني في هذا البيت:
واللي لشيل الكايده يا درع جنبي ما يطيق يرتاح ونفسه بين الناس لا يزيد احراجها
الشطر الاول في هذا البيت:
لو كان بعض الناس امن الحسد يبا ذبح الشقيق هو ما درى عن ليلة المسرى وعن معراجها
هذا البيت:
تمت وصلاة الله على المبعوث يشموم ورحيق والمنتدى بيدين ربع ٍ عارف ٍ منهاجها

في هذا البيت كلمة (وصلاة الله ) اذا كانت مقصوده كتابتها كما ورد فهذا الشطرمكسور
واذاكان المقصود(وصلى الله ) فلا يوجد كسر ..هذا ماردت قوله والله يوفقك يابو زاااايد .

الله يكسر لحي العدو يا أبو فراج,,

والله إني داري وأنت الله يهديك جبت لك بحر أزرانا فيه

والحقيقة أنا ما عمري بدعت على هذا البحر ولا فكرت إني أبدع علاه,,

وهذي أول مرة أبدع علاه وعلشان كذا حصل عندي الكسر وإن شاء الله آخر مرة أبدع علاه,,

ياخي يا زين المسحوب ولحونه هو اللي خابرينه ويغنونه أهلنا,,

على العموم مشكور يا أبو فراج ومنك نتعلم والله يطول في عمرك ولاعدمناك يالذيب..

		المشاركة الأصلية بواسطة : متعب الشدادي اقتباس
	بسم الله الرحمن الرحيم اخواني الاعضاءوالزوار لهذا المنتدى الغالي على قلوبنا السلام عليكم ورحمة الله وبركاته وبعد اطرح بين ايدكم قصيده جديده تحمل في طياتها شئ من الرمزيه وارجوا من الشعراء الذين يستطيعون التوصل الى الهدف الذي تشير اليه القصيده ان يجاروا هذه الابيات بنفس الوزن والقافيه وعدد الابيات التي تعمدت ان تكون قليله لاتاحة الفرصه لجميع الشعراء لمجاراة هذه القصيده ولكم جزيل الشكر والتقدير. يامعشر الشعار هاض الشعر والمعنى عميق= اعمق من اعماق البحور اللي تموج امواجها وانا ليا اهتميت صار الشعر الي مثل الصديق=اشكيله همومي ووكل للوليّ افراجها همي رفيقٍ رافقه همه وهمه لي رفيق= نفسي ليامنه زعل تزعل وزاد ازعاجها رفيقي اللي له ثلاث سنين في الغبه غريق = دخل بغبات البحور ولا لقي مخراجها غرقان في بحور الحزن ويدور لحلمه طريق =ويقول ياوجدي على من منهجي منهاجها يا من يطلعني من بحورٍ بها الخاطر يضيق = واكيد هذي ساعة الوقفه وانا محتاجها محتاج وقفتكم معي ياللي لكم مجدٍ عريق= لين الليالي بعد ظلمتها يبين سراجها اما بميقافٍ يجمل كل ذو وجهٍ طليق = ولا قضيتنا حفظناها بوسط ادراجها

له ثلاث سنين >> من مارس إلى مارس

ويدور لحلمه >> وش يحلم فيه

ياوجدي على >>> على مين :icon_mrgr

منهجي منهاجها >>> وش منهجة طيب عشان نعرف منهاجها :idiot_ala

مجد عريق >>> يمكن اسمها والا اسم اهلها

^
^
^
لحست مخي يا متعب


ياهلا بشاعرنا متعب بن فراج ...

وقصيدة جزلة وليست الجزاله بغريبة على شاعر مثلك .

قصيدة معناها يأخذ إحتمالات كثيره والحقيقه سيجدها من يجد كلمة السر .

لو عرفت المعنى لشاركت معكم بقصيدة لكن الشكوى لله ما صدت المعنى والاخوان ما قصروا

ويكفيني ان اقوم بالمتابعة والاستفادة من مشاركات الجميع .

		المشاركة الأصلية بواسطة : اقتباس
	ايليكم مجاراتي لستاذي متعب الشدادي

يا بن هميجان في حياتي ما قد لقيت واحد كاتب ( ايليكم )

		المشاركة الأصلية بواسطة : اقتباس
	ماتصديد

وش هذي بعد يا سعود >>> الحين في قصيدة ناسك البيت الأخير زودت كلمة وقلت أكيد انه ما درى عنها واليوم بعد مزود دال في تصيد

		المشاركة الأصلية بواسطة : اقتباس
	هناك ثلاثة كسور في القصيده على النحو التالي : الشطر الاول في هذا البيت: وسيع العرف يا متعب ترى ما ضاق ابه الطريق * يعرف مداخيل العلوم ويفتهم مخراجها

لو فيصل بن زايد يشغلني محامي عنده كان طلعته براءه من كسر الشطر الأول من هذا البيت وقرأته بكسر العين والراء في كلمة العرف وتنوين الباء في كلمة متعب .

		المشاركة الأصلية بواسطة : اقتباس
	الشطر الثاني في هذا البيت: واللي لشيل الكايده يا درع جنبي ما يطيق* يرتاح ونفسه بين الناس لا يزيد احراجها

ليتك يا فيصل بدال الناس قلت غيره كان مضبوطه

ا

		المشاركة الأصلية بواسطة : اقتباس
	لشطر الاول في هذا البيت: لو كان بعض الناس امن الحسد يبا ذبح الشقيق *هو ما درى عن ليلة المسرى وعن معراجها

مالك لوى يا متعب حتى لو الشطر فيه ثقل وسببه كسر الهمزه في حرف الألف في كلمة ( إمن )

إلا ان البيت لا يعتبر مكسور وماشي وانت أعرف مني بهذا الشئ .


اخوي فيصل بن زايد :


تقبلك النقد الهادف من شاعرنا متعب اعجبني وزادك في عيني .. ومتعب استاذنا كلنا


اخوي متعب :

المعذره على مداخلتي بدون اذنك وهي مجرد رأي قابل للصواب والخطأ .

وايضا المعذره فقد كتبت اعتذار نيابة عنك في اعلان موعد محاورتك مع شاعرنا سعود بدون إذنك لكن وش اسوي بعبدالله الشدادي يقول انا مع خط عفيف وإكتبه بدالي

اسعدني تواجدك معنا وصح لسانك على القصيدة الجزله

		المشاركة الأصلية بواسطة : فيصل بن زايد اقتباس
	الله يكسر لحي العدو يا أبو فراج,, والله إني داري وأنت الله يهديك جبت لك بحر أزرانا فيه والحقيقة أنا ما عمري بدعت على هذا البحر ولا فكرت إني أبدع علاه,, وهذي أول مرة أبدع علاه وعلشان كذا حصل عندي الكسر وإن شاء الله آخر مرة أبدع علاه,, ياخي يا زين المسحوب ولحونه هو اللي خابرينه ويغنونه أهلنا,, على العموم مشكور يا أبو فراج ومنك نتعلم والله يطول في عمرك ولاعدمناك يالذيب..

ابو زايد تشرفت بمشاركتك وليس من العيب ان تخطي

ولكن العيب الاستمرار في الخطا فانت مستقبل شاعر

اتمنى ان تكتب على كل البحور وهذا ليس صعبا بالممارسه

تقبل نقدي وتعليقي الهادف ... ولك جزيل الشكر والتقدير .