مملكة احمد الروقي

تسافر بي الذكرى على غاليٍ قفى
واعود بـ حمل ما يطيقه ولا مخلوق

احبه كثر ما جابه الطاري و صفى
مزاجي بـ نظراتٍ تجيني منه برفوق

الصوره اللي عالقه فـ الذاكره
اخذت من دموعي كثر ما احبها

وصلو وانا للحين لا زلت واقف
كلن وصل حلمه وانا عيني تشوف

ما غير فالح في حضور المواقف
اقف مع المحتاج لو كلي ضروف

من غبت والقلب يجبرني نزور المكان
اللـي بها احلامنا زفـت تباشيرها

ماني مصدق فراقك يوم اخذك الزمان
صدمه ولا زلت اعاني قو تاثيرها

من قبض جمر المفارق لا تظنه هادي
لو ضحك سنه ( يلوح له ) جحيم المسرى

الفراق اللي حسبته يا عيوني عادي
وقف الدنيا وحرك ما مضى من ذكرى

يا هلا والله وألف مرحبا
بشاعرنا العزيز
أبو سلطان
وطاب حضورك وإن قلّ
ورجاؤنا بالله كبير في عودتك كما كنت وأفضل

		المشاركة الأصلية بواسطة : السلطان اقتباس
	يا هلا والله وألف مرحبا بشاعرنا العزيز أبو سلطان وطاب حضورك وإن قلّ ورجاؤنا بالله كبير في عودتك كما كنت وأفضل

ألك البقاء يابو عبد الله ومثل ما قلت فوق ف الصفحة اذا عندي شي جديد او شي يستحق النشر من الارشيف جيتك اجمح لخاطرك وخاطر المتواجدين .

ياللي تقارن لا تقارن فـ الصدور
صدر البخل ما يشبه لـ صدر الكرم

البعض تدخلها .. دخووولك للقبور
والبعض تدخلها .. دخووولك للحرم

وقفتني سود الأيام في ( موقف عظيم )
واكشفت لي عن خفايا الصدور المغلقه

الروُقي أحمد وَ إطلاله تُشبه ماء المطَر
فَ أَهلاً حُييت بَعد غيابْ وَ صح الله منطوُقكْ
على سُقيا المُملكة هُنا بِ عذباتْ القوافي