دعوة من متعب الشدادي لشعراء المنتدى

		المشاركة الأصلية بواسطة : سعود سليمان الحارثي اقتباس
	بدوي هههههههههههههههه اشهد اني استانس يوم اشوف تعليقك ويعجبني جدا تفحصك للابيات ونبشها ، الدال لقيته زايد ،، والعتب على السن ،، شايب وشوفي على قدي .. لكن قصيدة "ناسك الشعر" ،، ماوريتني الكلمة الزايده علشان استاصلها .. وتبي العلم والله اني ما أطمئن على نشر قصيدتي في غير منتدانا لين تقراها .. وليتك تتواصل معنا .. اما معنى متعب كلبشته من بدري ،، ولو لحس مخك مالحس مخي ... يابدو هههههههههههههههه

الله يونسك بطاعته يا بو طارق

ويطمنك على غالينك وانا خوك


وكلمة ( على ) في البيت الأخير واضح انك حافظ القصيده عشان كذا تقرأ البيت ولا تنطقها و ما تنتبه لها انها موجوده .

ولو كان لها معنى في وجودها كان اقول البيت مكسور لكن وجودها في البيت لا يدل على معنى

مما يدل على انك ما انتبهت لكتابتها .

وايضا ليتك تعيد قراءة قصائد الأعضاء لأني قريتها مالقيت غير ابوزائد اللي عنده كسر واحد في القصيده وانت تقول فيه غيره .. ( اتمنى ان ترسله لي على الخاص افضل )


وبالنسبه للمعنى في قصيدة متعب هذي وزعة الله للأرزاق انت كلبشته وانا لحس مخي هههه


الله يزيدك من فضله يا بوطارق


اخوك بدوي

بدوي وجودك يسعدني
واللي تطرقت له من كسور اعلاه،، اتفق معك فيه
ولكنني لن اعلق على الكسر االذي وقع به بعض الشعراء
لان الموضوع عند ابو فراج ..
اما موضوع (على) .. قسم بالله اني ماشفت الا بعد انك اشرت اليله
حافظ القصيدة .. ولم انتبه له اثناء القراءه والكتابه ..
استمر في قرأتك الدقيقه والله يوفقك ، وهذا مانريده..
لانريد السطحيه في القرأه..
ودي لك .

		المشاركة الأصلية بواسطة : صالح بن مستور اقتباس
	الشاعر الكبير / عواض غراب الحارثي شاعر القلطه المعروف في منطقة حائل والقصيم سمع عن قصيدة الشاعر/متعب الشدادي وقرر المجاراة.. أسمعوا ! يالله يارب العباد وصاحب الحب الوثيق=رب البيوت العامره سيسانها ودراجها ياللي ترجا فزعته مابين زفرات وشهيق=لاضاقت الكربه على كل الخلايق باجها حيا الله المعني ومن صاغه على الوجه الحقيق=وساقه على اللي فاللوازم مايضيق حجاجها امعربٍ ساسه وهاجوسه مولع به حريق=من عزوتن خيالها كل المناطق باجها مادبر الله كان والانسان وضعه مايطيق=والله في عون النفوس اللي يزيد اخلاجها مايقضي اللازم ضعيف وكل ذو جسم رقيق=الا مناعيرن تدوس القوم في مسهاجها شد الحقايب والوعد بكره قمة طويق=على سنا نار يشوق الممتني وهاجها كب الذي في نومته يفيق والا فيق=وترك هل الافلاج يامتعب تعمر افلاجها انا رفيق اللي على النايف من الدنيا يويق=والعله اللي تشتكي منها على اعلاجها وصلاة ربي عد نو بارقه يبرق بريق=على النبي وقبل تحياتن لفتك افواجها الشاعر //عواض غراب الحارثي

ابو مشهور

صح لسانك مدد

مجاراة رائعه ، وانت شاعر وجودك يسعدنا

واتمنى ان نسمع مجاراتك بصوتك ..

والشكر للاخ صالح ابن مستور على ايراد


المجاراة

بسم الله الرحمن الرحيم
هذه مجاراة حمد زياد قاعد والتي ارسلها لي على الخاص
انقلها لكم نيابةً عنه شاكراً له مشاركته .............

يامتعب المعنى عميق وجاك للمعنـى عشيـق=يصرف ذهب عاف الهلل وكـل ديـره باجهـا
فكر الذكي كالمجهر إبيـن ادق امـن الدقيـق=وامتاج تبغـى واحـدٍ يفطـن ويحفـظ تاجهـا
مايقطر الا في الهدف وليا رمى رميـه حقيـق=ماتعمسه شمس الضحى عينـه بظـل اجاجهـا
مهيب بندق واحدٍ يضـرب بخمسـه فالسليـق=وان رزو الشاره عن الشـاره بكفـه عاجهـا
الله يقلـل نمرتـه مهمـا يجمـع لـه فريـق=قدامه ابـواب الفشـل مـا سكـرة مزلاجهـا
وانت تعنى هالقصر عان القصر شامخ له بريق=بحضور تجـاره لهـا خبـره وبـان انتاجهـا
في كل سوقٍ ينوجد تمر الحساء وتمر الحريق=شـيٍ طبيعـي مــار لاتهـتـم ياهداجـهـا
وانا معـك وقـول هاتـو كلبـو شـيٍ يليـق=نبغـى بشـوتٍ ضافيـه مـا ينقـد نساجهـا

		المشاركة الأصلية بواسطة : صقر قيا اقتباس
	الله يمسي الجميع بكل خير وسلام استلم يا متعب الله يطول عمرك: انا بقول القصد ياهل الشعر والمعنى وثيق =هداج تيما عارفٍ تيما وأنا هداجها وان كان يا متعب بدعت من القوافي مايليق=أهل الشعر نعرف معانيها على منهاجها اقولها ياصاحبي ما ازهم سعيد ولا عتيق=يوم الخميس الجاي يطلع للعرب منتاجها الشعر طبوا به بشر وتلفق المعنى لفيق =ما تعرف وصول الشعر مدخالها مخراجها النايم اللي نايمٍ خله ينام ولا يفيق=فيها مرض للشعر يا متعب وصعب علاجها وانته كفو يا صاحبي تهرج من لسانٍ طليق=ربعك تفاخر بك يا متعب مايضيق حجاجها طويق ما يهتز يا متعب ومعروفٍ طويق=لو كان هبت له صباء ببرادها وعجاجها وأيامنا هذي تبى تجمع جلال ومن دقيق=وليا نصحت فلان وإلا فلان زاد ازعاجها

صقر قيا صح السانك على هذه الرائعه ولك جزيل الشكر على المجاراه

		المشاركة الأصلية بواسطة : السلطان اقتباس
	بصراحة يا أبو فراج أهنئك على نجاح هذه الفكرة كل هذا النجاح الطيب وأتوقع يكون التواصل أكثر والحماس منقطع النظير دخول أبو فيصل زاد من ملح الموضوع وجماله وهذي طلاته المعتادة الله لا يحرمنا منها,,,

ابو عبدالله الله يساعدني على كل مايرضي الجميع

ونجاح الفكره ينسب لكل من ساهم في انجاحها

الاعضاء و الشعراء فالشكر موصول لهم جميعاً

		المشاركة الأصلية بواسطة : صالح بن مستور اقتباس
	الشاعر الكبير / عواض غراب الحارثي شاعر القلطه المعروف في منطقة حائل والقصيم سمع عن قصيدة الشاعر/متعب الشدادي وقرر المجاراة.. أسمعوا ! يالله يارب العباد وصاحب الحب الوثيق=رب البيوت العامره سيسانها ودراجها ياللي ترجا فزعته مابين زفرات وشهيق=لاضاقت الكربه على كل الخلايق باجها حيا الله المعني ومن صاغه على الوجه الحقيق=وساقه على اللي فاللوازم مايضيق حجاجها امعربٍ ساسه وهاجوسه مولع به حريق=من عزوتن خيالها كل المناطق باجها مادبر الله كان والانسان وضعه مايطيق=والله في عون النفوس اللي يزيد اخلاجها مايقضي اللازم ضعيف وكل ذو جسم رقيق=الا مناعيرن تدوس القوم في مسهاجها شد الحقايب والوعد بكره قمة طويق=على سنا نار يشوق الممتني وهاجها كب الذي في نومته يفيق والا فيق=وترك هل الافلاج يامتعب تعمر افلاجها انا رفيق اللي على النايف من الدنيا يويق=والعله اللي تشتكي منها على اعلاجها وصلاة ربي عد نو بارقه يبرق بريق=على النبي وقبل تحياتن لفتك افواجها الشاعر //عواض غراب الحارثي

الله يحييك ياصالح انت وضيفك عواض غراب الحارثي

تشرفت بمعرفته اولاًً وسعدت بمجاراته ثانياً ..........

صح السانه على هذه الجواهر ولاهنت ياصالح على النقل.


ملاحظه :

هناك بعض الاخطاء الاملائيه في النص كالتالي:


(قمة طويـق) والصحيح (على قمة طويق)


(والا فيـق) والصحيح (ولا مايفيق)

		المشاركة الأصلية بواسطة : البرينيسي اقتباس
	أخوي متعب الشدادي دائما مبدع في جميع حالاتك صح لسانك على هذه القصيده الجزلة من راعي الجزلات غير مستغربة تقبل تحياتي ولي عوده باذن الله

شكرا لك من الاعماق وصح بدنك والله لايهينك على المرور

		المشاركة الأصلية بواسطة : بدوي فاهم اقتباس
	وسِيعْ العِـرٍفْ يا متعبٍ ترى مَضاق إبه الطريق بلهجتنا طبعا بالتأكيد ان البيت مكسور لاكن قلت لك لو بصير محامي طلع براءه بعد مانقراه بنفس كتابتي له . لو كان بعض الناسْ إْمْنَ الحسد يبا ذبح الشقيـق حاولت ابين لك طريقة قرائتي له وشكلت لك الكلمتين اللي هي موضع الشك في وزن البيت . وحسب عرفي ان كل قصيدة مغناه على لحن معين وكانت موزونه بتكون عند قرائتها العادية موزونه . والقصيدة اللي تقرأ موزونه ليس شرطا عندما نشيلها على لحن ان تطلع موزونه وقد تكون موزونه على لحن ولحن يطلع فيها كسر وسببه وقفات اللحن ما تتوافق مع وقفات البيت . مع اني ما قد وزنت قصيدة على لحن لكن على شانك شلتها على لحنين اللحن الاول انكسر البيت واللحن الثاني كان موزون ويمكن راح تقتنع من كلامي لو انك حاولت انك تجد لحن خاص للبيت اللي تقول انه مكسور وشلت باقي القصيدة على نفس هذا اللحن راح تجد انها جميعها موزونه . استفسار : البيت الأول من قصيدة ابو زايد الشطر الاول ( اهتاض الشاعر ) ماكان مكسور وش اللي جاه وإنكسر البيت لا يكون ابوزايد غيره انا خبري به ( اهتاض بال الشاعر ) ههههه . دمت في احسن حال يا شاعرنا والله أعلم ، وانت ابوها وسمها

اخوي بدوي فاهم شكراً لتعقيبك ووجهة نظر احترمها جداً

والاختلاف لا يفسد للود قضيه .... تحياتي لك .

بسم الله الرحمن الرحيم

ارجوا من جميع الشعراء المشاركين ان يرسلون لي المعنى (الهدف ) الذي توصلوله

عن طريق الرسائل الخاصه وذلك لتجنب الاحراج وسوف يكشف المعنى بعد وصول

المعنى (الهدف) من جميع المشاركين علماً بان الشاعر حمد زياد قاعد قد ارسل

المعنى الذي توصل اليه عن طريق الرسائل الخاصه شاكراً له بمبادرته وثقته في

شعره ... شاكراً للجميع مشاركتهم وتفاعلهم .