مداهيل الحرف

		المشاركة الأصلية بواسطة : واعي اقتباس
	اثر فيصل في هواهنه عطيب=جار وقته لين بيحلي خفاه ابرك الساعات وازهمني قريب=من ضحك بالناس ضحكني بلاه صح لسانك يابو زايد وظاهر من الشر أن شاءالله اطرب لقصيدك وحبيت الرد على البيتين دمت بخير ,,,

عشت يا سلطان يالحر الأديب
.......... يا رفيق ٍ يعجب الخاطر نباه

ذعذع النسناس ولساني يجيب
.......... ودوب زان القاف بدعه وامعناه

والله إن راع الهوى مثل الغريب
.......... لو ينادي محد ٍ جاوب نداه

وايتململ كل ما حان المغيب
.......... واعنا قلب المولع واعناه

وأنت يا سلطان قدامي صويب
.......... عذبك خلك وتشكي من جفاه

مالنا كود التصبر والنحيب
.......... ولابه احد ٍ سالم ٍ في ذا الحياه

والهوى يا صاحبي ماهوب عيب
.......... كم شجيع ٍ قبلنا سمّه هواه

حياك الله يابو عبدالله

وتشرفت بمرورك طال عمرك

لاهنت ولا هان غاليك

إتق الله فينا يا غزال النفود
.......... لا تعزر بروح ٍ مخلصه في هواك

خل عنك التغلي والجفاء والصدود
.......... والله إن الحنايا محتويها غلاك

أرحم اللي تغرّب عن هله بالنجود
.......... وذاق مر الليالي لجل يكسب رضاك

لا بغيت أسج وانسى عذابي والهوى
.......... اعترض لي طاري ٍ ردني له من جديد

أشهد إن الود ماله علاج ولا دوى
.......... كود في قرب الذي كنه الظبي الفريد

عيني اللي دمعها هلته وقت المغيب
.......... من غرابيل المحبة ولوعات الحياه

والله إن الصبر في حالتي عيّا يثيب
.......... وكل ما قلت اهد يا قلب عوّد في عناه

صاحبي زين التواصيف ابو طبع ٍ غريب
.......... ما شفاني في وصاله ولا بيّن جفاه

ما رحمني يوم جدي من اجدوده قريب
.......... ومن يعزر بالخلايق يبى يلقى جزاه

مسافير يا حي ٍ رحل في نهار السبت
.......... لعل الليالي عقب ما انحا يجيبنه

أنا عقب خلي مونس ٍ في ضميري كبت
.......... تقول الملايل فوق كبدي لضاهنه

وإذا تابوا العشاق غيري فأنا ما تبت
.......... تدور السنين وخاطري ما سلا عنه

بديت الطويله واشتحن خاطري بالحيل
.......... وتذكرت مخلوق ٍ له القلب ميلافي

أنا لو بغيت اخفي هوى الفارع الجميل
.......... لابد الزمان يدور ويبيّن الخافي

ملكني هوى خلي وذقت العناء والويل
.......... وعزي لمن مثلي جداه التلهّافي

ليا هب ذعذاع الهوى مع غروب الشمس
.......... يجي في قلوب أهل الموده حواسيسي

وأنا ما براني كود ظبي ٍ يحنيّ الخمس
.......... ليا شافني يغضي بسود ٍ نواعيسي

عذابي بعد قفوبه العصر فوق الجمس
.......... نووا ديرة ٍ مالي وراها مراويسي

وقعدت أصفق الكفين حسرة وبالي عمس
.......... وعزي لقلب ٍ شيبته الهواجيسي

ملكني هوى خلي وحبه حمسني حمس
.......... مثل حمسة البن الخضر في المحاميسي

وأنا ارجي مقابيل الليالي تعيد الرمس
.......... ويلتم شملي مع غزال الطعاميسي

الله يسعد ايامك يابو زايد
مداهيل الحرف الراقي والأسلوب
الجزل ....ليس بغريب عليك هذا التميّز
تقبل مروري
دمت بخير ,,,

		المشاركة الأصلية بواسطة : واعي اقتباس
	الله يسعد ايامك يابو زايد مداهيل الحرف الراقي والأسلوب الجزل ....ليس بغريب عليك هذا التميّز تقبل مروري دمت بخير ,,,

حياك الله يابو عبدالله وما عليك زود

وتواجدك في المدونة يعني لي الشيء الكثير

وشكراً على مرورك

حي من هذي مداهيله وداره
.......... عقب هجر ٍ طال زرناها العشيه

كبدي اللي كن تصهرها الحراره
.......... يوم شفت الدار من عقبه خليه

ودي أبكي وأرخص الدمع بغزاره
.......... مار خفت من العرب تنقد عليه

الهوى قتال لا ِزوّد اعياره
.......... وجيّت الاطلال هي أكبر خطيه