|
|||||||||||||||||
قصيدة بمناسبة الفوز بالانتخابات البلدية
السلام عليكم ورحمة الله وبركاته اولاً نبارك للأخ العزيز / مصلح بن سعد الشدادي .. بمناسبة فوزه بإنتخابات المجلس البلدي بحفر الباطن ( الذيبية ) للعام 1437 هـ ونسأل الله له دوام التوفيق والنجاح ،، الشعر ناداني وهاجوس الالهام وجيته وانا من فيض ماني بضامي وابدع ليا سارت على الكتب والاقلام واقطف من زهور الندى مايرامي واهندم بيوته على الكيف هندام شاعر وعندي للمعاني نظامي مثل الذهب يوزن على كل قيرام نقيتها عن كل نقص وملامي والشعر في وقته مثل ريح الانسام اللي عبقها من النفل والخزامي والله يجملني مع الناس الاحشام في ليلةٍ يزها البدر بالتمامي قدام يامصلح على المجد قدام من يطلب العليا يشد الحزامي تروم له لكل المعاضل والاحلام ويصبح مقره فوق عال المقامي عيون كل الناس يمك من العام كلٍ يخيل البرق شرقٍ وشامي يامرشح الحرث على روس الاعلام اسمك علا ما بين كل الاسامي تستاهل الترشيح ياقرم الاقرام انهض بجنحان السعد فالانامي لك لابتن يردون في حوض الاحيام يوم الزحام ويوم ضرب الحسامي الاد شداد العظيمين الاكرام ما يقلطون الا بجنب السنامي تشهد لهم كل القبايل والاخصام جمرة عرب يوم اللقا والزحامي ومادام لك خامس على الطيب عزام وعيال عمك لك عضود وحزامي الكل منهم فاللوازيم مقدام اليا نخيت صغيرهم جاء قوامي اللابه اللي تكحل العين ماتضام مثل الشهب لاجاء نهار العسامي فوزك يشرفنا على روس الاقوام نرفع لك الراية نهار الختامي وعسى وشاح العز في فوزك وسام اليا اختارك الجمهور والامر سامي هذا وطنا يستحق كل ضرغام يبذل له المجهود والاهتمامي وانت جدير وتستحق كل الاقدام والشعر في مثلك يزيد احترامي واليوم عيد وجعلها كل الايام وافراحنا بالفوز على الدوامي ويزغردن البيض زينات الاوشام واعلامنا فوق السحب والغمامي في ظل سلمان الحزم عز الايام ننعم بامان وخير بين الانامي مادام شرع الله سنامه بالاحكام والدين منهج شرعنا واحتكامي وصلاة ربي عد دورات الايام على شفيع الخلق يوم الزحامي الشاعر / فيحان بن ناجي الشدادي الحارثي
|
17 Dec 2015, 12:01 PM | [ 2 ] | |||||||
<img border=
|
رد: قصيدة بمناسبة الفوز بالانتخابات البلدية
ياهلابك عطه خيروصح لسانك ملايين والف مبروك الفوز لمصلح الشدادي والله يوفقه لكل خير ويسعدنا حضورك وجديدك وهلابك تقديري واحترامي |
|||||||
|
||||||||
17 Dec 2015, 12:11 PM | [ 3 ] | |||||||
عضو نشيط
|
رد: قصيدة بمناسبة الفوز بالانتخابات البلدية
أبيات جميله وعذبه تسلم الايادي على الانتقاء الرااقي لا خلا و لا عدم من جديدك ل قلبك طوق الياسمين |
|||||||
|
||||||||
17 Dec 2015, 12:55 PM | [ 4 ] | ||||||||
|
رد: قصيدة بمناسبة الفوز بالانتخابات البلدية
صح لسان الشاعر لاهنت على القصيدة الجزل |
||||||||
|
|||||||||
17 Dec 2015, 09:09 PM | [ 5 ] | ||||||||
مراقب عام
|
رد: قصيدة بمناسبة الفوز بالانتخابات البلدية
صح لسان الشاعر ويستاهل ابو مشعل والله يوفقه |
||||||||
|
|||||||||
18 Dec 2015, 04:21 AM | [ 6 ] | |||||||
عضوة متميزة
|
رد: قصيدة بمناسبة الفوز بالانتخابات البلدية
الله يوفقه صح لسانك وبيض الله وجهك ولا هنت |
|||||||
|
||||||||
18 Dec 2015, 07:05 PM | [ 7 ] | ||||||||
مؤسس شبكة الشدادين
|
رد: قصيدة بمناسبة الفوز بالانتخابات البلدية
ما شاء الله تبارك الله يستاهل أبو مشعل كل خير والله يوفقه ويعينه في تحمّل هذه المسؤولية وهو كفء لها بحول الله وقوته لا هنت أخوي وصح لسان الشاعر فيحان بن ناجي والله يجعله على العز والنوماس اليوم ودوم |
||||||||
|
|||||||||
18 Dec 2015, 08:01 PM | [ 8 ] | |||||||
أبو عيد
|
رد: قصيدة بمناسبة الفوز بالانتخابات البلدية
من حصّل الطيب يستاهله وأبو مشعل كفو والله يعينه ويوفقه وابن ناجي ما قصرت ما مدح إلا من يستحق المدح |
|||||||
|
||||||||
18 Dec 2015, 08:02 PM | [ 9 ] | ||||||||
عضو متميز
|
رد: قصيدة بمناسبة الفوز بالانتخابات البلدية
يستاهل ابو مشعل خير وعساه على القوة والعز والتمكين والمسؤولية ما هي بسيطة ولا هنت يا ابن ناجي وصح لسانك |
||||||||
|
|||||||||
18 Jan 2016, 08:03 AM | [ 10 ] | ||||||||
عضوة متميزة
|
رد: قصيدة بمناسبة الفوز بالانتخابات البلدية
سلمت يمينك وصح لساانك الله يعطيك العافيه |
||||||||