الدور واحد وخمسين( ابن قضعان وابن وسّام )

الدور واحد وخمسين ( ابن قضعان وابن وسّام )



أسعد الله جميع أوقاتكم..

ردية من أروع الرديات الاخيرة بين أجزل ثنائى على الساحة الشعرية وقد بدأها سلطان بن وسّام الهاجرى موجهه للشاعر ضيدان بن قضعان.

ويقول الشاعر سلطان بن وسّام الهاجرى:

بالله يا اهـل دبـى والا هـل العيـن=من قال تبشـر بـه عطيتـه بشـاره
قرناس عشر سنين وأربع وعشريـن=والله فيـه مـن الـوفـا والقـشـاره
وإن قام يدرج عينـه يسـار ويميـن=مثل الخفيـر اللـى مداقـش خفـاره
يا شيب عينـى لا كفـخ بالجناحيـن=أسبق من إطيـار الاباتشـى إطيـاره
ما هاجر إلا بيـن خضـر البساتيـن=فى ضيافة اللى ما يحسـب الخسـاره
يخلـى مراحيـنٍ ويمـلا مراحـيـن=بيمناً من اصـدوف الليالـى مجـاره
بيمنى الكريم مبـدّل العسـر بالليـن=نعـم نعـم (فـزّاع) نمـر النمـاره
أشهر أبـراج العـام الأول وذلحيـن=برجين برج إيفـل وبـرج التجـاره
وضيدان يكرم فى ضيافـة كريميـن=كنّـه مـن المكتـوم والــدار داره
فندق جميرا بيتش وماريوت حمر عين=من مر منهـن قـام يمسـح جـداره
واليوم يا (ضيدان) وينك وانـا ويـن=خليتنـى مـا بيـن تـاره وتــاره
أشيل مـا شالـت ظهـور البعاريـن=وأصـد غـاره وآتصـدى لـغـاره

رد الشاعر ضيدان بن قضعان:

البارحه فى الدور واحـد وخمسيـن=شبيت مـن راس الفتيـل الزقـاره
كنّيتهـا ليـن امتلـن الشرايـيـن=لعلهـا تطفـى لهيـب الـحـراره
ونفثتها والدمع فـى محجـر العيـن=ما سـال لا كنّـه رهيـن الاشـاره
أقرا وأعيد الخـط مـرة وثنتيـن =وأقول من صـدرٍ تحطـم اعبـاره
لبيه يا سلطـان لـو نـازح البيـن =يزمـى سرابـه ويتركـز اغبـاره
غرّبت حادينى مـن الفقـر والديـن =ما حد(أبو عـرّام) يجلـب احمـاره
ونصيت ربى ثم نصيت السلاطيـن =اللـى تحفـظ لكـل رجـلٍ وقـاره
ومن فضل رب البيت ما بين عدّيـن =بين(أحمد)و(وحمد ان)والعلـم شـاره
فى فلةٍ فى دبـى ملكـى ودوريـن =تعلّـم البـدوان فــنّ الحـضـاره
قدّامهـا لنكـن وكدلـك ورنجـيـن =وفى البر ع**ـه والمدينـه عمـاره
وان طعتنى روّح على يا احمر العين =بشت الغنـاة ولا بشـوت الامـاره
ومن لا عشق له وحدةٍ من هل العين =عزا الله ان باقـى حياتـه خسـاره

قصيدة الأعتذار]لسلطان بن وسام))




السلام عليكم ورحمةالله وبركاته
هذي قصيدة الأعتذار لسلطان بن وسام
وهويعتذر للأمير سلطان بن عبدالعزيز من الرديه اللي حصلت بينه وبين ضيدان بن قضعان
وهما بالسجن عن أمر الأمير سلطان بن عبدالعزيز.....وقد قبل الأعتذار وأخرجا من السجن
قبل أيام من اليوم ويقــــــــــــــــــــول فيها::::

الله ولا بعض السوالف والعلوم =تحمل الرجال ما لا يقدره
مامن وراها إلا المشاكل والهموم =ياعنك مافيها من الله خيره
عسى غضب خطلان الأيدي مايدوم =وعسى أمار الطيبين معمره
ياسيدي سلطان قومني وأقوم =وأرجو من الله ثم منك المعذره
وأنا عن الزلات ماني معصوم =والعفو يالكحيلان عند المقدره
أنا حفيد اللي يسدون عند اللزوم =يوم أنها كانت عبوس وغبره
والبيرق الخفاق من دون النجوم =وحدب السيوف مورده ومصره
بقيادة اللي وحد الدوله عموم =شق الطريق ووحد الله ونصره
عبدالعزيز اللي ليا شن الهجوم =من صف عدوانه تضيق المقبره
ليا صفق له خشم من بين الخشوم =من قوة =الصفقه يطيح أعشره
واصل على خوض المعارك بالعزوم =وتقطعة عوص النجايب في ثره
لين العلم رفرف في روس الرجوم =في ظل حزم بدمي معطره
وحنا ما غيرنا العوايد والسلوم =واللي خلق فينا الولا ماغيره
معنا الولا يزداد يوم بعد يوم =في صدورنا حتى لو ما ننشره
وحكي الرخوم اللي تروجه الرخوم =والله ما غير في محبتنا شعره
ياسيدي وأن راحت الأصحاب قوم =أحدٍ يسند علم وأحدٍ حدره
أنا دخيل أحماك يالأب الرحوم =لا تستمع فينا ولد رجل ومره
يامفرج الكربات يالغوج العزوم =ملاذ من ضامه زمانه وعسره
أنت الذي عن زلة الجاهل تشوم =وأن كسرت العظم محدٍ جبره
محاسنك غيمن ماهوب مثل الغيوم =أليا أصطفق برقه يسابقه مطره
غيثٍ قدومه حي ذا القدوم =يروي الفياض الجرد ليا الله أومره
وياسيدي محدٍ من الطيب محروم =قولة نعم عند الرجال مدوره
مير أنت مثل طويق من بين الحزوم =كلٍ تذرى في حيوده وشجره
تبي الحقيقه ياعسى عمر يدوم =شعر ما يكتب فيك مافيه ثمره

وسلااااااااامتكم

مشكور اخوي وسمي واظن ان الموضوع مكرر

في القصايد المختاره والخبر اليقين عند ابو راكان

لاهنت وضيدان بن قضعان شاعري المفضل واحفظ اغلب قصيده ..

والله ما قصرت يا الوسمي

ضيدان وسلطان كانت بينهم أجمل ردية واشتهرت

بين الناس والاعتذار جميل جداً

ولكن بقيت هناك قصيدة مشهورة معترضة بين القصيدتين

تمنيت لو تكمل الموضوع بها .

تسلم ويسلم غاليك

كلام جميل يالسلطان





القصيدة لااعرفها قد مايعرفها شاعرنا الكبير ثواب



وما اعلمة ان القصيدة كانت بين الهاجرى

سلطان وضيدان بن قضعان


بينهم البين وثواب لانهم كانوا اصدقاء



ورد عليهم ثواب بقصيدة تسببت بدخولهم السجن

لانها كانت سرية بينهم الثلاثة ولكن خرجت بعد رد ثواب عليهم واشتهرت قصتهم


ثم اتا العفو


واذا لم ياتى بها ثواب ساسعا


لاحضارها

اشكرك يامدير

وسمي ...لاهنت على النقل...والله قصائد مميزه من شعراء مميزين....لكن الوطن أهم من أي مال!!

لي ديرةٍ ما أبيعها بالدنانير=أحيا وأموت وحبها في فوادي

يامرحبا والله سعود كلامك سليم الوطن افضل من اى مال


ولكن خطاء الشاعرين


خطاء انسان والانسان لابد من ان يخطاء


وتداركوا خطائهم


ولكن معلومة يعتبر

الشاعران قمة فى كتابة القصائد والشعر

رغم خطائهم

ملاحضة الدين النصيحة

		المشاركة الأصلية بواسطة : وسمي اقتباس
	يامرحبا والله سعود كلامك سليم الوطن افضل من اى مال ولكن خطاء الشاعرين خطاء انسان والانسان لابد من ان يخطاء وتداركوا خطائهم ولكن معلومة يعتبر الشاعران قمة فى كتابة القصائد والشعر رغم خطائهم ملاحضة الدين النصيحة

أتفق معك في كل ماقلت وأعرف أنهم رجال وشعار وأرتكبو خطأ وأعتذرو مثل الرجال وعفاهم ولي الأمر..لكن بعض الأنتهازيين حاولو الأستفادة من طيحة الجمال وتحقيق مكاسب مشبوهه.. ربما كلمت حق أريد بها باطل!!تحياتي لك!!

سعود لن نزيد اكثر لكى لاياتى

عبدالله ويقول مغلق