شفت نفسي غير نفسي والزمن كله مظاهر

ما انشغلت بغير جرحي وزحمة هموم الدفاتر=وحس ضايع بين صمتي ينتظر تفريج ضيقة
ما انشغلت بغير دمع محتبس بين المحاجر=والقصيدة شخص فيني تايه ضيع طريقة
قصتي رحلة طويلة ماتلملمها المشاعر=الحزن ذوب نهاري والمساء همي يعيقه
مابقى لي غير ذكرى تحتضر في قلب شاعر =الظما أدمى حياته والأمل ما بل ريقه
شفت نفسي غير نفسي والزمن كله مظاهر=والملامح كن فيها منكسر وجه الحقيقة
هدني ظلم الليالي خانني ماضي وحاضر=شابت أطراف الجدايل والعمر ولى بريقه
وانحبس حرفي وحسي كن بي صمت المقابر= وش جديدي دام همي ينتظر تفريج ضيقه ؟؟!

وسلامتكم

		المشاركة الأصلية بواسطة : اقتباس
	هدني ظلم الليالي خانني ماضي وحاضر شابت أطراف الجدايل والعمر ولى بريقه

ما ابشع ظلم الليالي وقهر الغربه . اهلا بهكذا تواصل

تسلمين المستحيلة على المرور .......

هدني ظلم الليالي خاننـي ماضـي وحاضـر=شابت أطراف الجدايل والعمر ولـى بريقـه
وانحبس حرفي وحسي كن بي صمت المقابر=وش جديدي دام همي ينتظر تفريج ضيقه ؟؟!

الظلم من أبشع ما يقع على نفس الإنسان

وأشده ما يأتي من الأقراب

وظلم ذوي القربى أشد مضاضةً=على النفس من وقع الحسام المهند

الله يبارك في أختي رنين الشوق

تمنيت لو بينتي لنا اسم صاحب القصيدة

تسلم يديك على النقل والاختيار الموفق

مشكوره اختي الكريمه على القصيده الرااائعه واضح

انك شاعره مبدعه نتمنى منك الجديد وحياك الله

شاكــره لكـــــم تشجيــعكم ...
وللأمــــــانه ،،
لا أعــــرف صاحب القصيـــــــده
ونقلتها لكــم لجمــــــال معانيــها ،،

وانت سالم وغانم صح لسانك

ولا هنت والله يعطيك العافيه

تحياتي

تسلمين ياأخت رنين الشوق

على القصيده الرائعه

مشكووووره

العـفــــــــــــو
ومشـكوريــــن على تشجيعــــكم ،،

قصتي رحلة طويلـة ماتلملمهـا المشاعـر=الحزن ذوب نهاري والمسـاء همـي يعيقـه
مابقى لي غير ذكرى تحتضر في قلب= شاعرالظما أدمى حياته والأمـل مـا بـل ريقـه

اختيار موفق