استغفرك يا رب

ياالله سبحانك ويالله مااقواك =ياواحدن تعلم بسر الخليقه
يارب انا طالبك عفوك مع ارضاك =لالاتكلني النفسي لوهي دقيقه
ضعفي تشوفه وتعرفه ومابيخفاك =لن الخيال احساس غير الحقيقه
ومن يطلبك يارب ماتبخل اعطاك =تعطي بفضلك من تيسر طريقه
عبدك وابن عبدك وبالموت يخشاك =ويسئلك من خيرك وعلمك يفيقه
عبدك فلاله غير ذكرك وذكراك =يزيل عن قلبه همومن غليقه
اليا تخيل ساعة الحشر وهناك=تنــــهل عبراته بخده غريقه
يارب انا سايلك وطالبك واعفاك= تعفي الذنوب اللي بنفسي مضيقه

لاجيت من همن لفا الهم مناك =ويحيطني في كل لحظه ودقيقه
استغفرك يارب والوذ بحماك =استغفرك يارب من كل ضيقه


من قصايد موسى ابومشهورالصايغ

.







وَ النعمْ بالله . .
نّصٌ زاخِر الإِبتهالْ وَ المُناجاة لِ رّبْ العالميِنْ
صّح الله منطوُقكْ أَبوُ مشهوُر وَ حيْ حضوُركْ وَ عذبّاتْ قوافيكْ

# وَشمْ التميّز + موازاة الغيِمْ

هلا بك يا شاعرنا العزيز
أبو مشهور
والله يبيض وجهك ويعلي قدرك
ما قصرت يا بعدي وح لسانك ملايين

ماشاءالله تبارك الرحمن دررر القصيدة والله يسعدك تقديري

الله الله
صح السانك ي ابومشهور
قصيده جميله ك جمال حضورك
يعطيك العافيه

سبحانه جل في علاه
.
نص جميل يحمل رساله توسل للخالق
جل جلاله
.
صح لسانك
يــ ابو مشهور
ودام لنا هذا التواصل والعطاء
دمت
بخير

اخواني الشعراء
كل من سجل
مرورة اشكركم
على متصفحكم الرااااقي

الاخت الاستاذه سارة الغيد
نورتي متصفحنا هذا
من هنا

الاخ الاستاذ
السلطان لاعدمت احرفك النيرة من هنا

الاستاذ الشاعربادي الرجم
لاهنت لاهنت على متصفحك النقي من هنا