مركب الحرية ( أو مركب المجزرة الصهيونية لواد الحرية)

بسم الله الرحمن الرحيم

قارب الحرية

يا الله إني طالبك ياعالم بالنية=دلني للجزلة إللي واضحٍ معناها
لاجل لاقصى وأهل الأقصى صرختي ناريه=لامةٍ تاهت وذلّت يوم زاد إغثاها
يوم شفت إن العرب مظلومة ٍمشكية=ماحدٍ يسمع لدعواها ولا شكواها
أمة ضلت وهي من سابقٍ مهديه=ضيعت مصدر هدايتها وذاه أحياها
وغشيها ذل الهوان وفعلها للسيئه=وصار أ كبر همها مزمارها وإغناها
أمةٍ جيعانةٍ وكروشها ممليه=صورت الإسراف والبطرة غشى محياها
بعضها مثل البقر يرعى في المحميه=كل شيءٍ تفرمه مهما تزيد إغذاها
وبعضها فقرانةٍ والجوع مثل الكية=في بطونٍ خاوية ما وسطها إلاّ ماها
والأمم تصنع وتبدع والعرب منسيه=غرها كثر الطرب والرقص في ملهاها
وغرها تصفيقها في ليلةٍ شعريه=قبلها شاعر حداثة بالقصيد أحياها
وغرها الشيطان الأكبر يرسل النشميه=تلهب إقلوب ٍ ملاها العشق لين أعماها
وغرها البترول ذا ينبع بدال الميّــه=ذا جعل كل الأمم تطمع بذاه أغراها
وغرها كثر الخلاف إللي بلا ماريه=أمةٍ تتبع هوى الشيطان لين أغواها
وبان راس إبليس حوله عصبت ٍملويه=في الخفى تنفخ وتنجح طبخها وإشواها
هيه يا يعـــرب مثيل القطعه المرعيه=والمصيبه ذيـبها ياناس ذا يرعاها
وآه ياجرحٍ جديدٍ نازفات إدميه=وما أكثر جروح العرب ذا نازفات إدماها
جرحنا هذا يسمى مركب الحريه=جا وفيه أبطال ربي شاكرٍ مسعاها
غير يومٍ إنا عرب ما نـفهم الحريه=في قواميس العرب ما سجلوا معناها
والفلسطينـيّ وأرضه صار كبش أُضحيه=والأمم تنظر وكن الشأن مايعناها
وإشتبك في الخط ذا يشبه لذيل الحيه=ذا يخطط في الظلام بخنجرٍ ماشباها
وإجتمع صهيون وأهل الرفض والفاشيه=والمثلث والرحى تطحن لدك إعداها
وأصبح أهل الحق مثل الجثة المرميه=ما حدٍ ياويـلهـا ياناس مماجاها
وأمتي مقسومة مابين ذيه وذيّه=تعشق أصوات الكلاب ونبحها و إعواها
ودي آسجل لكم يا ذا العرب مرثيه=غير خايف غايتي ما تفهموا مغزاها
بعضنا مايفهم إلاّ والطرق ملويه=ما تشوف الشمس عينه والغرور أعماها
وبعضنا مازال يشكي من عنى الأميه=يكتب حروف الهجا ومضيعٍ معناها
عندي حميدان لا سيف ٍ ولا جنبيه =دون هذا الدين وأهله صارمي لعداها
ياعـــرب حراااام ذا في غزة المبليه=ظلمنا وإحصارنا هذا يعين إعداها
كم تمنيت إني آشارك ولو بيديه=الشهادة غايةٍ المؤمن ويتمناها
والله إن إللي يهاب الدولة العبريه=خائنٍ يتبع لها و موافقٍ مبداها
بعدما قد مات ذا به شيمةٍ مرجيه=ذا تباهى بالرسول وسنته وإهداها
مالها إلاّ الشهم أبو متعب ومن ذا زيه=راعي الوقفات ذا ما واحدٍ يجراها
يرسل إللي في الجنوب أمجادهم مرويه=قوةٍ بإيمانها صهيون ما يقواها

الثلاثاء 18 /06/1431هــ

صح لسانك على القصيده الرائعه تقبل
مروري
الــــمـــــريــــــري

أبو فيصل الحلافي


ابداااع إلى ما لا نهاية

وفقت في هذا النص ومعانيه المبكيه


ودي

الحبيب الغالي / المريري

الحبيب الغالي/ محمد المريري

والله ومليوووون نعم آل مرير سواء في ترج أو في آخر الدنيا الزعامة فيكم وأنتم هلها ويشرفنا حضوركم ويبهج أفئدتنا وهو هدف وغاية ومكسب يااااال مرير.

نحن وإياكم والشدادين وميسان وعموم بني الحارث شجرة واحدة أصلها ثابت وفرعها في السماء.

نحن فخورون بكم على وجه الخصوص وببني الحارث عموم وكأني أرى صقرٌ له جناحان وآلاد محلف مخلابه وكلنا في الطيب والعلوم الغانمة لابه.

بني الحارث الذين عرفوا بالطيب المتوارث نحن معاً قلباً وقالباً وروحاً وجسداً ولكن على تقوى من الله ورضواااان.

إقبلوا أجمل وأغلى التحايا من محبكم جميعاً .. أبوفيصل,.

يا هلا والله بشاعرنا القدير أيو فيصل
وصح لسانك ملايين يا الذيب
على هذه القصيدة المعبرة
وما يجي من الجزل إلا كل علم جزل
وننتظر منك المزيد

قصيدة جميلة صح لسانك لاهنت

تحيتي لك

صح لسانك ياأبوفيصل على هالقصيدة الجزلة
كما اعتدناك ابافيصل لاتقدم الا الجميل والجزل
ماشاء الله تبارك الله
تقبل مروري
دمت بحفظ المولى

السلطان

رؤس بنيوس

ياسر الشدادي

صحيح أقدم جزل لأني وجدت الجزالة والكرم والإحساس من أناس يحلقون في فضاء وجداني وأحببتهم.....

ابو فيصلَ
رائع كما انتُ

أتمنى الا تبخل بجديدكَ

دمتُ ب صحتكَ

لبيه

أقول لك لبيه وأشكرك شكراً يليق بك وأنت أرع بذوقك وأدبك وجمال تذوقك للشعر....