مهرة سبوقة

مساء الخير على الجميع
قبل كل شي اعتذر للجميع عن الغيبه لضروف خاصه واترككم مع هالقصيده
مصالحه لكم عن غيابي اتمنى ان ترتقي لذائقتكم مهره سبوقه

لي مـن بنـات الفكــر مهــره سبــوقـــه=مضمارهـا القـرطـاس وايــدي رسنهــا
معســوفـــة"مــاكــل بـيـتـن تســـوقــــه=عــن الهـــزل سبحــان ربـي حصنهـــا
خيالهــاالهــوجــاس مـاهــي طفــوقـــه=فيهــا الهــدو والطيــش ربــي قــرنهــا
سبــاقتـــن للجـــزل دايـــم شفــــوقـــه=تســـوق لــي قيفـــان عـــذب" لحنهــا
امـس الفجــر قــدام يطـلــع شــروقـه=ضاق الصـدر والنفـس شـي امتحنهــا
وارعد سحــاب الهــم واركـز بروقــه=لابـو رعــود الضيــق وابــو مــزنهــا
طيــر مطــرهــا النــوم عنـي لاذوقـه=مـن صــاحب" للــروح لكـن طعنها
سـوى ســواة" كيـف طــاعه خفــوقـه=تبرى الشيـم والعــرف والـديـن منهـا
رد الـوفــا والطـيب غــدر" وبــوقــه=عشــرة ثمــان اعــوام فعــلـه دفنهــا
حتـى حــدود العيـب فعـلـه يفــوقـــه=فيها سـواد الــوجـه جــا مـن بطنهــا
عن الردى الــرجـال مـاشـي يعـوقــه=غيـر الحيـا وان مـات مــوتــه ثمنهــا
انا ادري الانســان نفســـه زهـــوقــه =لكـن على الــرجــال نفســــه يــزنهــا
يختـار من جــزل الكــلام وصـدوقــه=ويحــذر علــى نفســه عــواقـب زمنهـا
قــدام لا فـي يـــوم بقعـــا تحـــوقــــه=وبعـــد القصــور اللحــد يصبــح سكنهـا
هــذا ولا بــزيـــد قــافــي واســوقـــه=الا علـى مــاقـيــل يــابجــــــاد عنهـــا
يـــازارع" للنخـــل تجنــي عــذوقــه=ويــازارع الــزقــوم ذق مـن غصنهــا
ويــاطــابـــخ" للســم لازم تـــذوقـــه=ذي قـــاعـــــده لابـــــد لابـــــد منهـــا
ولابــد مــاتــرتــاح كبــد امحــروقه=ومــن طعنــة الغــدار يبــرد غبنهـــا
ولابد راع الحــق يــاخــذ حقــوقــه=دنيــــا خلقهــــا الله هـــذي سننهــــا
وختــامهـــا يــارب مـاشـي فوقـــه=رحمتــك مـن دنيــاي كثــــرة فتنهــا
ويالله انــا طــالبـك نفس" صدوقــه=مــع ربهـــا قـــــ ـدام تملــى كفنهــــا

وسلامتكم ..
ابو حسام
سعد بن مستور الحارثي

ونعم بك يابوحسام
وماشالله عليك لك نفس طوويل في القصائدك وهلا بتواجدك وعودتك ياغالي
وصح السانك
وانتظر قصيده غزليه على الذووقك

صح لسانك وبيض الله وجهك
شاعر وكلامك درر وحياك الله بعد
طول الغياب

مضمارها القرطاس وايدي رسنها

بيض الله وجهك وافيه من راس وافي

تقبل تحياتي

آمين يارب العالمين لي ولك وللمؤمنين اجمعين ,.
يا هلا والله ومرحبا يا قصر القصيد الجزل الرائع المبدع
قصيدة حكيمة مفيدة رائعة جداً شدتني من أول حرف لآخر حرف فيها فلسفة حياة شاعر تربى على الطيب وأصله ومنشأه طيب ,.

صح إلسانك مدد بلا عدد وأسعدك ولا تغيب مره أخرى وأمتعنا بكل جديدك يا غالي

معسوفهً ماكل بيتن تسوقه
عن الهزل سبحان ربي حصنها
وانا اشهد يابو حسام شهادة حق انك صادق وانها معسوفة شاعر كبير ومتمكن وجزل ولاكل ماطرا على باله قاله وانها من اجمل القصايد اللى قراتها في المنتدي صح لسانك مليارات على هالجزاله والمعنا والمبنا في هالدره والله يعطيك الف عافيه
تقبل تحياتي,,,

صح لسانك وبيض الله وجهك
واخرالغيبات
لاهنت

ابوحسام
انت تطرح منهج يحتذى به وترسم طريق لكل هاجس جميل ومبدع
شاعر ومافيك حيله
لك مني جزيل الشكر وتفضل بقبول فائق الاحترام

حياك الله يا أبو حسام
بعد كل هالغياب ويا هلا بك
ولا عاد تغيب عنا

وصح لسانك ملايين على هذه الرائعة
وهذا الابداع الذي لا يستغرب على شاعر متمكن مثلك
وفقك الله

صحت ابدانكم لاعدمتكم شرفني مروركم من اول اسم لاخر اسم