كب شرب البن ترى

بسم الله الرحمن الرحيم

هذه قصيدة رديتها عندما ارتفع عندي ضغط الدم بنسبة بسيطة وسبب ذلك الإكثار من شرب القهوة ونصحني الطبيب بالإقلال من شرب القهوة لانها من الاسباب المؤديه لإرتفاع ضغط الدم فتمثلت بهذه الابيات:

يوم ان راسي صدع ولجلج رحت انا للدكتور = ويوم جيته قال وش بك قلت يادكتور راسي
وكشف عليّ ولقى الدم مرتفع ضغطه يفور = واندهش ثم قال الظاهر اللي بك زود الحماسي
قلت في راسي حميه لربعي وافين الشبور= احبهم واتكدر لا حس الربع حسّاسي
الاد شداد اهل الشهامه سراحين وانمور= اهل المواقف والطاله يوم الارياق يبّاسي
فعايلنا تشهد بها البدو وسكّانة القصور= ماهي هروج ٍ نسجلها بالقلم فوق قرطاسي
ثم قال لا بغيت العافيه وصحتك والنور= كب شرب البن ترى يرفع الضغط بقياسي
جوز عنه لا بغيت في ايامك افراح وسرور = هو السبايب وعقبه عندك الحال محتاسي
قلت ما يشرب البن الا كل قرم ٍ ومنعور = كيف النشاما اللي تحب الوفاء والتنوماسي
وانته ما قصرت عطيتني نصايح يادكتور = وبشرب البن والاعمار بيد خالق الناسي

وسلامتكم

ههههههههههههه

طيب يا ابن مهرس

خل اللبن بدل القهوة أحسن لك ...!!!!

قصيدة طيبة جداً وتحمل الكثير من الطرافة بين طيات أبياتها

وأجمل ما أعجبني قولك

وكشف عليّ ولقى الـدم مرتفـع ضغطـه يفـور=واندهش ثم قال الظاهر اللي بك زود الحماسي
قلت في راسـي حميـه لربعـي وافيـن الشبـور=احبـهـم واتـكـدر لا حـــس الـربــع حـسّـاسـي

بيض الله وجهك وهذي عادتك مع ربعك وأهلك

لكن الله الله في قسمك الجديد نبغى نشوف تميزك

ماشاء الله عليك قصيده

رااائعه بس أقول مافي اليد

حيله اسمع كلام الدكتور

علشان صحتك والله يعطيك العافيه

اخوي السلطان مشكور على مرورك يالغالي وان شاء الله مانقصر معكم يالربع.......
اخوي عبدالله الشدادي صدقت مافي اليد حيله لكن الاعمار بيد الله ومشكور على الرد يالغالي

ونعم والله يابن مهرس
ومدام انك عارف سبب ضغط دمك وهي الحميه اللي في راسك والحماسه انا اقول ماله داعي تروح للدكتور ونصايحه مالهاداعي اشرب البن ياميرنا واقعد الراس واللي عقدروس الحبال يحلها وصح اللسانك على هذه القصيده

ابن مهرس
يعطيك العافيه على كتابة هذه القصيده الرائعه

صح لسانك يا أبن مهرس على هذه القصيدة
والقهوة هي كيف الرجال
لاهنت
تحياتي
الشدادي

اخواني
عابر القارات
الولهان
الشدادي
مشكورين على المرور والردود الطيبه والقادم مذهل