يا طير ياللي لك جناحين وتحوم

بسم الله الرحمن الرحيم

أخواني الأعزاء إليكم بعض القصائد الغزلية مع أني ما قد كتبت لكم من قصائد الغزل واللي أكتبه كله فخر ومدح وأغراض متعددة..
بس اليوم إليكم بعض من القصائد الغزلية وأرجوا أن تنال أعجابكم:

ياطير ياللي لك جناحين وتحوم = لاواهنيك بالجناحين ياطير
تودّع لك قوم ٍ وتلفي على قوم = ويا سعد حظك ما أشحنتك المشاوير
ليتك تسلفني الجناحين لو يوم = وآصل عليها دار سيد الغنادير
لي صاحب ٍ قفى وأنا منه مضيوم = داره بعيده ولا نوى فيّه الخير
عز الله اللي صابني منّه اسهوم = والله يجيره من سهوم المقادير
ادعج غنج كنه هو والظبا توم = وراعي قرون ٍ فوق متنه مناشير
وعيونها اللي ترسل الموت محتوم = أليا أشبحتني بالعيون المخادير
والخد كنه بارق ٍ لاح في اغيوم = يشدي كما برق المزون المغازير
عقب الغضي والعين ما طبها النوم = والقلب كنه فوق حامي المجامير
الصبح اعدّي في حجا كل مزموم = والليل ألاوي ما طرى من تفاكير
ويالله ياللي نطلبه دايم الدوم = يا واحد ٍ بأمرك تهب المعاصير
تفرج لمن قلبه مشّقى ومهموم = وانك تدبرها على خير تدبير

والثانيه:

كني وحيد الدار ما عندي اوناس = لوكان من حولي كثير الجموعي
لكن عقب الزين والحال محتاس = يا بركي من عقبه تهامل ادموعي
وقلبي بعدهم كن يجزّى بالامواس = يوم ان ربع خلي راحوا انجوعي
دار ٍ جفتهم جعل تضرب بالادماس = ولا عاد نبغا سبتها والربوعي
ماليبها يالقرم مقعد ومجلاس = ماليبها والقلب عقبه جزوعي

والأخيرة :

يا عين دام الغضي حيّا = باذن الله انك تشوفينه
لو كان بعض العرب عيّا = عيا على اللي تودينه
أما هناك والا هنيا = باذن الله انك تشوفينه

بقلم/ فيصل الشدادي
وأرجوا أن تنال أعجابكم وسلامتكم......

بيض الله وجهك يا فيصل

عز الله أنك هواوي ومعني وشقاوي بعد

لكن عسى الله يحقق لك اللي في بالك ويرزقك بهواك

ولو خليت كل قصيدة في موضوع لكانت أفضل

عموماً

ما قصرت وصح لسانك

صح لسانك و... وتسلم يابن مهرس..

بسم الله الرحمن الرحيم

صح لسانك يابن مهرس مشاركه اكثر من رائعه

تقبل تحياتي،،،،،،،،،

السلطان
المستحيله
عواض الشلوي

مشكورين على المرور والردود الرائعه وصح ابدانكم..

صح لسانك اخوي فيصل

على القصايد الراااائعه

والقصيده الاولى كانت راااائعه

أخوي عبدالله الرائع ماهو القصائد الرائع والله تواجدك الدائم في المنتدى ياسنايدي وصح بدنك ومشكور على مرورك يابن العم

صح لسانك اخوي فيصل
وبيض الله وجهك

قصائد أروع من رائـــــــــعة وتسلم يابن مهرس

الاخ ابن مهرس


القصايد بحق رائع و تستحق الاشاده


صح لسانك

و الى مزيد من التقدم و
























لك مووووودتي