آخر 10 مشاركات |
مختارات | المُتكبِرُ كالواقفِ على الجَبَلِ يرَى الناسَ صِغاراً ويَرونه صغيراً |
|
|||||||||||||||||
العسكرية ..لمن؟؟؟
يالله انك لاتعود العسكريه=النصيب اللي على البدله حداني لبسوني لبسة ٍ ماهيب ليه=درعوني باللبوس المشبهاني دربونا مثل تدريب المطيه=والصعب منا يعود مطوعاني يالله انك لاتحملنا زريه=حيث حنا للمعاصي مانداني ياوجودي وجد حمر ٍ عيدهيه=ساقط ٍ فيها الحقب ويا البطاني فوقها قرم ٍ ببا كور ٍ قويه=من ورى العارض يبي دار شهراني قطر القربه وقدمه قيهميه=مع زوال الظهر يوم الشوف داني هسها العرقوب والديره رديه=لين دم الجوف بالذرعان حاني او وجودي وجد عرب ٍ فوق طيه=في لهيب القيظ معطيت ٍ ثماني هملن عيالهن بارض ٍ خليه=واصبحن اعيالهنه ذيهباني يوم جن البير لياهي جاهليه=ما عليها لا ورود ولا محاني بركن بالشمس تصهرهن شويه=كل منهن كنها الخرص الهلالي لو بغيت ادله طرى الطاري عليه=واستحس القلب والهاجوس جاني يوم اشوف الدين مرتجدا ً عليه=والظهر عريان والجوع يحداني طالبك رزق ٍ تحطه في يد يه=ماعلى بابه شريف ولا هداني هالقصيدة الجزلة واللي أشهر من نار على علم والتي للأسف يتناقلها الناس ولا يعرفون شاعرها .
التعديل الأخير تم بواسطة السلطان ; 19 Mar 2005 الساعة 08:33 PM
|
17 Mar 2005, 11:58 PM | [ 2 ] | ||||||
|
يالمستحيله
ألف شكر ولاهنتي ويعطيك ألف عافيه |
||||||
|
|||||||
18 Mar 2005, 02:54 PM | [ 3 ] | ||||||||
مؤسس شبكة الشدادين
|
نعم يالمستحيلة هذه القصيدة مشهورة وما أظن بقي أحد ما سمع بها لكن مانعرف قايلها ..؟؟؟ |
||||||||
|
|||||||||
18 Mar 2005, 10:36 PM | [ 4 ] | ||||||
|
مشكووووووووووور يالمستحيلة على نقل هذة القصيدة الجزله وهذة القصيدة للشاعر: عواض بن ضيف الله بن حمدان العطشاني الشــــــــــــــلوي |
||||||
|
|||||||
18 Mar 2005, 10:52 PM | [ 5 ] | |||||||
عضوة متميزة
|
مشكور يالشلوي القصيدة متداااولة بكثرة ..من حق صاحبها ان يعرف الف شكر |
|||||||
19 Mar 2005, 01:22 AM | [ 6 ] | ||||||||
عضو متميز
|
هذه القصيدة لـ ( وائل بن محماس طرطشلي ) بس اش معنى (عيد هية) ولك مني الشكر |
||||||||
|
|||||||||
19 Mar 2005, 05:54 AM | [ 7 ] | ||||||
|
اذا كانت القصيدة لوائل بن محماس طرطشلي عطني رقم جواله عشان اتأكد . القصيدة للشاعر: عواض بن ضيف الله بن حمدان العطشاني الشــــــــــــــلوي وخل ولد محماس يتاكد زين ياكديميس |
||||||
19 Mar 2005, 08:22 PM | [ 8 ] | ||||||||
مؤسس شبكة الشدادين
|
أخوي الشلوي كديميس يحب المزح وأنت صدقت هنا الكل أخوة وأحبة وبينهم مزوح وضحك وما أحد يزعل من أحد وأنت أخو ومنا وفينا وإن شاء الله يكون صدرك وسيع وتتقبل المزوح |
||||||||
06 Sep 2005, 11:38 AM | [ 9 ] | |||||||
عضوة متميزة
|
القصيدة اكثر من ممتازة .. واشكر من مر ورد .. |
|||||||
07 Sep 2005, 08:47 AM | [ 10 ] | ||||||
|
أولاً : مشكـورة يالمستحيلة على هذه القصيدة ... وشكلـك عسكــــرية
ثانياً : يالشلوي القصيـدة هـذي لها أكثر من خمسة عشـر سنة وأنا أسمعها وتعددت الأقوال في من قالها ثالثاً :ياعزيزي أثبت كـلامك في أن الشـاعر الذي أسميتـه هو قائل هذه القصيـدة لأن مجـرد قولك أن الذي قال هذه القصيـدة هو فلان من الناس لا يكفـي لأن ننسب القصيدة له ! فلو ذكــرت أنا هذه القصيـدة عند مجموعة من الناس ونسبتها للشاعر الذي أنت ذكـرته وسألونـي ماهو دليلك فماذا أجيبهــم ؟؟ أرجـو من الأخ الشلوي عـدم الزعل لأني أرغـب في التـوثيق فقط لاغير ! |
||||||
التعديل الأخير تم بواسطة غشام ; 07 Sep 2005 الساعة 09:14 AM
|
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
العسكرية ورد ريوف الشمري | شموخ شدادية | قصائد مختارة | 5 | 25 Jun 2009 07:22 AM |
حفل خريجي الكليات العسكرية | عاشق قيا | أخبار الشدادين | 23 | 21 Jun 2009 08:28 AM |
فرص للالتحاق بالخدمة العسكرية كضباط | أبو نايف | الإقتصاد والأسهم السعودية والوظائف | 10 | 12 Jun 2008 10:55 AM |
العسكرية والشمــرية..!!؟؟ | al_shdady toop | قصائد مختارة | 6 | 08 Feb 2007 04:30 PM |
|