|
||||||||||||||||||
مساجلة بين السفير والرحال
هذه القصيده وجهها لي الاخ الغالي السفير
الحظ متردي ومن الوقت منضام =ومشتني الدنيا على غير ودي الحزن ثوبي والسعاده فلأحلام = يانعنبو ذا الوقت ليه متحدي وقت عطاني ملخص العمر في عام = ومن جور وقتي شوف حالي متردي الياس شاركني في حياتي وبالابهام =وقع يقول أنسى الرجى تعال عندي ياعزوتي عايش في ضل الوهام =أرسم فرح وينقلب حزن ضدي واليوم من جور الليالي والأيام = شف دمعتي يا خوك من فوق خدي ساقتني الدنيا على دروب الألأم =من دون أي رحمه وأن باح سدي أبا أنتضر حكم الزمن لو هو أعدام = وأستل ستار الحزن وأقول مقدي حتى الفرح مصكوك بابه بالأحكام =وصدر قرار أعدامه قدام يبدي هاذي حياتي والسعاده فالاحلام =والحزن ثوبي جازلي وصار قدي وهذا ردي على القصيدة
أبدى بذكر الله على روس الأقلام = بسم الأ له اللي له الرسل تهدي ويا الله يااللي با الخفيات علام =عبدك طلبك اليوم زين المردي نصاني الطيب وقلت اله قدام = قدام ياراع الوفاء ما نصدي أنته حشيم ومن رجاجيل حشام = والوقت لو ياخذ لابده يردي قبلي وقبلك يشكي الوقت حكام = ولا فادهم كثر الزعل والتجدي عينت من جور الزمن حكم صدام = أقفى ولافاده كثير التحدي غزى الكويت وداس جابر با الأقدام = وأخذ بناته قال مافيه قدي ودار الزمن لين أصبح اليوم منضام = ومن عقب ذاك العز صار متردي اليوم صابر راضي حكم الأعدام = يرقب قرارن صادر با التعدي لكن لا تشكي لي همومن جسام = تعال حط اليوم يدك بيدي والحال راح وباقين جلد وعضام = ومقاس ثوب العام ماهو بقدي ولا عاد أحسب لليالي والأيام = ولو زاد جور الوقت ما باح سدي ودامك على جنبي وللي درع وحزام =قدام من ذا اليوم نبدى التحدي وختامها ياذيب قدام قدام قدام =ولا همني ذا الوقت لو كان ضدي بقلم الشاعر الرحال
التعديل الأخير تم بواسطة السلطان ; 21 Aug 2005 الساعة 09:43 PM
|
21 Aug 2005, 09:44 PM | [ 2 ] | ||||||||
مؤسس شبكة الشدادين
|
تسلم يديك وصح لسانك يالرحال أنت والسفير والله ما كنت أظن أن السفير شاعر لكن سبحان الله المنتدى أظهر مواهب الكثير من الشباب اللي ما كنا نعرف عنهم شيء تقبل مني فائق شكري وتقديري |
||||||||
|
|||||||||
22 Aug 2005, 01:48 PM | [ 3 ] | |||||||
نائب المشرف العام
|
صح لسانك يالرحال وصح لسان السفير كل القصدين طيبه وجميله ماقصرتو الله يعطيكم العافيه |
|||||||
|
||||||||
23 Aug 2005, 02:46 PM | [ 4 ] | ||||||||
شاعر
|
شكرأ لك يا السلطان على أهتمامك ومرورك المتميز والله يعطيك العافيه أما بنسبه للسفير فهوا شاعر غني عن التعريف وأن شاء الله أنقل لكم بقيت المساجلات بيني وبينه وشكرأ |
||||||||
23 Aug 2005, 02:53 PM | [ 5 ] | ||||||||
شاعر
|
الله لا يهينك أخوي عبدالله وهذا أقل شي نقدمه في منتدى أخوانا وأبنا قبيلتنا ولكم جزيل الشكر على هذا الأهتمام وأشكركم نيابة عن خويي السفير |
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
أمير الشعر والرحال ( محاورة الكبار ) | أمير الشعر | المحاورة والألغاز الشعرية | 27 | 06 Jan 2012 06:48 AM |
طبخة جديدة للنساء والرجال | بادي الحارثي | القسم العام | 6 | 06 Aug 2010 05:16 PM |
ألف مبروك لأخينا السفير | السلطان | أخبار الشدادين | 33 | 01 Apr 2010 01:14 AM |
تهنئة لأخينا السفير | السلطان | أخبار الشدادين | 18 | 11 Oct 2008 07:56 AM |
الجبال والرجال | الشامخ | بحور القوافي | 11 | 02 Feb 2008 08:11 PM |
|