مداهيل الحرف

وجودي على ناصر بعد ما خذاه الموت
.......... ولا احد ٍ بلايمني لو أصيح وآنادي

فقدت الرفيق اللي ليا ضقت جر الصوت
.......... ودايم على جنبي ولي درع واسنادي

بكيته وأنا أدري ما على ذا الحياه اثبوت
.......... ولو طال عمر العبد تاليه الالحادي

أبطيت ما جاني علوم ومراسيل
.......... والسد مني باح وأنا اتحرا

يا طول صبري ما معي حيلة وحيل
.......... صابر ومشروبي من الهم مرا

هذي ثمان شهور من ويل في ويل
.......... وإليا عذلت القلب يزداد شرا

وأكثر عذابي كل ما هوّد الليل
.......... تطرد منامي ذكريات ٍ تمرا

وأسهر إلين الصبح ينقاد يا شعيل
.......... كني مريض ٍ فره السقم فرا

أنا أشهد إن الود ضيم وغرابيل
.......... ويالوف قلبي يوم خلي يطرا

أتعبت روحي والزمن نذل وإبخيل
.......... لا الصبر فاد ولا لقينا مسرا !!

يا هلا والله بشاعرنا أبو زايد
والله يكون بالعون

عودتك لنا أسعدتنا جداً
ونتمنى منك التواصل معنا
وصح لسانك ملايين

		المشاركة الأصلية بواسطة : السلطان اقتباس
	يا هلا والله بشاعرنا أبو زايد والله يكون بالعون عودتك لنا أسعدتنا جداً ونتمنى منك التواصل معنا وصح لسانك ملايين

ارحب يابو عبدالله

ومرورك أسعدني كثيراً

لاهنت ولاهان غاليك

حبي على وضح النقاء يابن سودان
.......... ماهوب حب أهل الصور والهدايا

اللي لهم في السوق جرة وميدان
.......... وابليس يشعبهم سوات المطايا

حب ٍ مزيف ماله أساس وأركان
.......... الكذب ساسه والبنات الضحايا

وأنا على وضح النقاء قلب ولسان
.......... متولع ٍ في حب زين الحلايا

بنت ٍ نزية عرض من روس عربان
.......... وفي حبها شفت الشقاء والبلايا

ماهي خفيفة عقل يومي بها الجان
.......... ولا طورقت بعيونها للردايا

وجدي عليها وجد من بات سهران
.......... في عروق دمه سار سم الحيايا

لو هي تجينا بالثمن سقت الاثمان
.......... والحمد لله ما علينا قصايا

وبالجاه ما فينا ذليل ٍ وكوبان
.......... حنا مقاديم السرب والسرايا

مار البلا عيت مقادير الازمان
.......... وظروف وقتي زوّدني كوايا

بصبر عسى في تالي الصبر ختمان
.......... وعقب الظماء نارد عذي الركايا !

ليت لي يم الغضي شان ولزوم
.......... أو لنا دين ٍ وراهم نطلبه !

كودني لا جيتهم في نصف يوم
.......... اهتني بمشاهد اللي نرغبه

المهاوي ما يهمه من يلوم
.......... ساعة ٍ عند الولايف تطربه

أحسب إني من اجروح الهوى قد بريت
.......... لين شفت النواظر سبّلت بالدموع

يوم حل المفارق يا جماعة بكيت
.......... عزتي للمهاوي من نهار الربوع

ليتني في هواكم يالغضي ما ابتليت
.......... قبل نبلش بفرقى ً ما بعدها رجوع !!

أنا لحقني من صدوف الدهر ميل
.......... وعليّ من جور المحبة خطوره

ما عاد لي حيلة ولا عاد لي حيل
.......... وإليا بكت عيني تراها امعذوره

خلي نحوبه متعبة سبّق الخيل
.......... ماهوب زايرني وأنا أزريت ازوره

داره بعيد ودونه النجم أبو ذيل
.......... والحال من عقبه تبيّن قصوره !

جرح قلبي لو تجيبون الطبيب
.......... والله ليبطي ولا حصّل دواه

ما يداوي علتي كود الحبيب
.......... هو دوى قلبي وهو سقمه وداه

		المشاركة الأصلية بواسطة : فيصل بن مهرس اقتباس
	جرح قلبي لو تجيبون الطبيب .......... والله ليبطي ولا حصّل دواه ما يداوي علتي كود الحبيب .......... هو دوى قلبي وهو سقمه وداه

اثر فيصل في هواهنه عطيب=جار وقته لين بيحلي خفاه
ابرك الساعات وازهمني قريب=من ضحك بالناس ضحكني بلاه

صح لسانك يابو زايد
وظاهر من الشر أن شاءالله
اطرب لقصيدك وحبيت الرد على البيتين
دمت بخير ,,,