|
||||||||||||||||||
الباديه
الله من عبره غزت محــــجر العين = عبرة حزن من موق عــــــينٍ حزينه الدمع غالــــي بس من شان غالين =دمعه طليقه بعد كـــــــــــانت سجينه ذكرت وقتٍ فات لــــــه جملة سنين = وقتٍ تعدى كلـــــنا خابرينـــــــــــــــه في مرقبٍ باديه بين الصـــــــــلاتين = صوت الهبايب من يســــــار ويمينه شفت الرسوم البـــاليه واهلها وين = بقيت وهم عنها ارحـــــــلوا للمدينه اعدت ماضي ذكريات وبراهيـــــــن = مثل الذي يحصــــــــي كنوز الخزينه مشهد يذكرني بيوت الـــــــــكريمين = ما اخذوا فسح في منزلٍ قـــــاطنينه الـــــصك بالشرف انوجد وام تاجين = ياحـــــــــــــــي والله واديٍ محتمينه الضيف يلقا ضيفتــــــــه بام عصبين = ماقدموا للضيف غير السمـــــــــينه وسوالفٍ زينه من الخـــــاطر الزين = ومجلس تغشاه الفرح والســـــــكينه بديارهم ماهم من الوسم مخـــــطين = والصيف صــاب وصيفوا في غشينه نبت الحيا يشبه غصون الرياحين = في وسط بســـــــــــــــتانٍ هله زارعينه لا جا المسا جوك المساريح ضاوين = احدٍ ضوا , واحدٍ هوينــــــه ,هوينه اللي مضوين الغنم والبـــــــــــعارين = واللي صدر من مــــــــاردٍ واردينه واللي سرح للصيـــــد من بعد لافين = وكلٍ يقدم مـــــــــــــــا تحوشه يمينه وبعد العشا تجمعوا مستفـــــــــيقين = للســــــــــــالفه عند القلوب الفطينه والشعر لــــــه عند العورف قوانين = والعرف عند اهل الحـــــكم صاينينه هذي مجالسهم على العسر واللين = ياحــــــــــــــــي والله واديٍ محتمينه
التعديل الأخير تم بواسطة ! سارة الغيد ! ; 13 Apr 2013 الساعة 06:56 AM
|
13 Apr 2013, 08:14 AM | [ 2 ] | |||||||
|
ـــ
.
وَ يَاحيْ بوُحٍ مَغموُساً بِعبَّقْ البَاديَّة وَ مغموُراً بنفحَاتْ منْ الأَصَّالة ’ صَّح إحساسكْ وَ جميِلْ قوافيكْ يَ فَاضَلْ دوُماً حضوُركْ فَاخِر للهِ دُركْ عِشتْ وَ لا هِنتْ |
|||||||
13 Apr 2013, 12:34 PM | [ 3 ] | |||||||
شاعر
|
رد: ـــ
ياهلا بمشرفتنا الفاضله والف شكر على الدعم |
|||||||
14 Apr 2013, 03:11 AM | [ 4 ] | ||||||||
شاعر
|
رد: الباديه
الضيف يلقا ضيفتــــــــه بام عصبين = ماقدموا للضيف غير السمـــــــــينه وسوالفٍ زينه من الخـــــاطر الزين = ومجلس تغشاه الفرح والســـــــكينه بديارهم ماهم من الوسم مخـــــطين = والصيف صــاب وصيفوا في غشينه نبت الحيا يشبه غصون الرياحين = في وسط بســـــــــــــــتانٍ هله زارعينه لا جا المسا جوك المساريح ضاوين = احدٍ ضوا , واحدٍ هوينــــــه ,هوينه اللي مضوين الغنم والبـــــــــــعارين = واللي صدر من مــــــــاردٍ واردينه واللي سرح للصيـــــد من بعد لافين = وكلٍ يقدم مـــــــــــــــا تحوشه يمينه وبعد العشا تجمعوا مستفـــــــــيقين = للســــــــــــالفه عند القلوب الفطينه الله الله يابن العم ابدعت بارسم الصور الشعرية لله درك وكفى وصح السانك وقلبك مليون لك اعذب التحايا |
||||||||
|
|||||||||
14 Apr 2013, 06:30 AM | [ 5 ] | ||||||||
|
رد: الباديه
قصيدة أكثر من رائعة
صح لسانك شاعرنا ولاهنت |
||||||||
|
|||||||||
14 Apr 2013, 08:04 AM | [ 6 ] | |||||||
شاعر
|
رد: الباديه
يامرحبا ياخوي الشيخ سعيد بمرورك وتشريفك لاهنت |
|||||||