آخر 10 مشاركات |
مختارات | الأماني حلم في يقظة والمنايا يقظة من حلم |
|
||||||||||||||||||
يا ما أسهل الدنيا :: مهما تعاندنا {الفصل الثاني}
,,
, سعود طاح بكل قوة ضرب الجدار وطاح على لأرض فاقد الوعي وأطرافه ترتجف ويهذي بكلمات غير مفهومه......... غاليه تركض ماتدري تحاتي زوجها وإلا ولدها وريوف تمسك يد أبوها وتبكي على راسه وتبوس جبهته ريوف : يُبه تكفى رد علينا لاتموت وتناظر فيصل بكل ألم غالية : فيصل أتصل بعمك بسرعة أبوك لاتخليه فيصل يتصل بعمه فهد وخمس دقايق إلا فهد عندهم (سعود وناصر وفهد اخوان وعندهم عيال وساكنين بحي واحد وبيوتهم بجنب بعض بس من كبر بيوتهم يبيلهم وقت لحد مايوصل كل واحد للثاني وتفصلهم لبيت سعود حديقة كبيرة مشتركة لهم ) فهد : يمسك سعود ويقرأ عليه وشوي شوي لين بدأ يصحى فهد عارف سعود أخوه من بعد عرسه بسنتين وتجيه هالحاله وماخلوا مستشفى ماراحوا له ويصير سليم وقالوا أكيد عين جايته بحكم تجارته ومنصبه .. فيصل دخل لأمه وطمنها أمه عارفه حالته بس استغربت لأنه له سنين ماجته وش معنى اليوم ... غاليه : أبوي فيصل عمك موجود فيصل : إيه يمه سوي القهوة وخلي راكان يوديها ويقهويهم أنا مالي خلق أقابل أبوي عارفه بيجلس ينافخ علي وأنا ماأتحمل وبيكمل هواشه وليه وليه .. فيصل صار متعود على الضرب وكل ضربه ياخذها من أبوه يلعن فيها قماشه ويدعي عليها لين ينسى السالفة لأنه يدري إن أبوه مايضربه إلا إذا عبت راسه قماشه وسعود عصبي ومايتحمل .. (فيصل حساس , وله عالمه الخاص وأصحابه ومايحب جلسة الشياب , شاعر بس محد يدري عنه إلا ريوف لأنها تنبش بأغراضه من وراه ) ويطلع فيصل وينادي راكان اللي لقاه بغرفته وجالس يلبس ثوبه فيصل : خير إن شاء الله ياخي ماتستحي على وجهك تسرق ملابسي عيني عينك ماعندك ملابس وإلا وصخه كالعاده ماتتذكر توديها للمغسلة إلا إذا وصخت الدولاب كله وتجي تكمل على دولابي بعد نزله بسرعة راكان : شوفوا من يتكلم فيصلوه احمد ربك إن جلدي يلامس ثيابك يمكن أعديك برجولتي وتصير رجال وتترك عنك الإهتمام اللي ماله داعي اللي يشوف غرفتك وترتيبها يقول حرمه توها معرسه فيصل : تنكت أنت ووجهك من زين غرفتك الزباله على الأقل أنا نظيف مو مثلك راكان : لاتكثر الهرج وعطني شماغ نظيف وهو يسكر أزارير ثوبه فيصل : طالت وشمّخت ماتبي سروالي بس راكان : ههههههههههههه واللي يقولك إني لابسه ويرفع ثوبه ويوريه فيصل يطير عيونه : مجنون أنت استح على وجهك وقسم بالله فضحتنا بالله وخلقه اللي يشوفك يقول ماعنده لبس وهو دولابه مايتسكر من كثرها راكان : بس ملابسي وصخه وعمي تحت ماتبيني أقهويهم فيصل : كل تبن وأنزل تحت وشماغ لو تموت ماعطيتك ماكفاك اللي عطيتك إياه ذاك اليوم ويوم وصخته حذفته عندي وريحته كلها غنم لعنبو دارك لارحت يم الغنم إلبس خيشه ولاجيت قطها مو تاخذ ملابسي والله إني حذفتها كلها أروحت بغرفتي راكان وماعجبه كلام فيصل وقرب يمه ومسكه من عند صدره ومجمّع ثوبه بيده ورفعه من على الأرض وبعده عن الدولاب وفتحه وأخذ شماغ فيصل : ياخي لاصرت سارق سارق خذ شماغي الأبيض لابق مع ثوبي (راكان ماخذ شماغ نيلي ولابس ثوب أصفر شاطح بقوة ) راكان : الرجاجيل مخابر مو مظاهر خل عنك الكشخه اللي مالها سنع ونزل تحت بيقهوي أبوه وعمه .. (راكان أصغر من فيصل بثلاث سنين بس بدوي مره وعضلاته مفتوله وفيصل جسمه أصغر من راكان صاير جنبه مثل عصفور منتف ريشه وهادي مايهش ولاينش راكان متحكم فيه ولاعصب وخرو اعن طريقه حتى عيونه تصير شرارة ) وفي الصالة الرئيسية لفلة سعود وعلى إحدى الطاولات رنات التليفون تملأ المكان ... وتركض سنترالة البيت مها عشان ترد مها : نعم على الخط الثاني شوق بنت عمهم فهد وتصير بنت خالتهم بنفس الوقت شوق : ألووووووووووو مها : هلا شوق أكيد تبين ريوف شوق بضحكه : وش دراك مها : أنتي دايم ماتكلمين إلا هي شوق : طيب بسرعه ناديها وتنزل مها السماعة وتنادي ريوف .. ريفووووووووووو ,, ريفوووووووووووووو ريوف جالسه عند أبوها وعمها فهد ورافضه تقوم من عند أبوها مو مستوعبه طيحته اليوم أول مره بحياتها تشوفه كذا أبوها القوي الصارم اللي له هيبه والكل يعمل حساب ويخاف منه يطيح كذا قدام عيونها وبغت تفقده بلحظه .. مها : ساعة أناديك وأدورك فوق تحت وتصيرين هنا كلمي شوق فهد : أففاااااااااا يامها ماتسلمين على عمك مها استحت ماانتبهت لوجوده وراحت تسلم عليه وفزت ريوف نست أبوها وحالتها ببرأة طفولتها من قالوا شوق نست حتى نفسها لأنها هي وشوق أربع وعشرين ساعة مع بعض ويموتون ببعض بس شوق ماتتقبل جوزاء وهذي النقطة الوحيده اللي مختلفين فيها ريوف وشوق وجوزاء بنت خالهم كلهم ريوف بكل هدوء وبصوت مبحوح من بعد مابكت اليوم : ألوو شوق : أهليييييييييين ببنت عمي وبنت خالتي وعمري وقلبي ريوف : أنتي أكيد شايفه مسلسل كويتي اليوم وحافظه كلماتهم شوق : هههههههههه مايحتاج مسلسلات عندي أهل عمي سعود وأهلي مافيه كلمة حلوه مايقولونها عندي إحساس إن جدنا السابع كان سوري وإلا كيف ألسنتنا كلها تآكل الواحد .. ريوف : ههههههههههههه منتي صاحيه حتى أنتي شعرك أشقر وعيونك عسليه واللي يشوفك يبصم بالعشرة إنك سورية شقرا وسعودية ماتجي شوق : ريوف أجل أمك ماعلمتك إني راضعه من سورية عشان كذا أنا شقراء ريوف بصدمة : صدق شوق : وقسم بالله العظيم بس أمانه مو تعلمين أحد ترى محد يخطبني إذا كبرت بيقولون أمها من الرضاع سوريه ريوف : والله ماأعلّم شوق : أنا يوم كنت نونو ماما خلص حليبها وكنت جوعانه مره جوعانه وكان بالليل والبقالات مسكرات وراح خالي وجاب لي حليب من عنز سوريه هههههههههههههههههههههههههه ريوف : ههههههههههههههههههههههههه حيوانه تخفين بعقلي شوق : انتي الخبله تصدقين يعني ماتعرفيني عياره من طلعت من بطن أمي ماتعودتي على مزحي للحين ريوف : أقول دامك فاضيه وأنا فاضيه خلينا نلعب بالمرجيحه والنطيطه بالحديقة بلا مصاخه نكلم بعض بالثابت وإحنا حذفة عصا تجيبنا لحد بعض شوق : يالله باي ونشوف مين يوصل أول للحديقة أنا وإلا أنتي ريوف : طيب بس لحظة لاتسكرين بوقف وأستعد للركض شوق : هههههههه وسكرت الخط وراحت ركض لبرى (شوق دلوعه واللي يشوفها هي وريوف يقول خوات نفس الطبايع بس الاختلاف إن ريوف شعرها أسود وشوق من هي نونو كانت أمها تصبغ لها شعرها بمواد طبيعية ومسك لونه وماتغيّر ومع بياضها صارت البنت شقرا وجذابه وبنات فهد وسعود فيهن من بعض لأن أبهاتهم أخوان وأمهاتهن خوات وفيهم جمال رباني ومعروفات عند كل جماعتهن من هن صغار يهذرون فيهم الناس ) "فهد أخو ناصر وسعود رجال حكيم وله مكانته المرموقه في المجتمع من بعد سعود وناصر يختلف اختلاف جذري عنهم " ,,,,,,, وبعد هالأحداث بشهر وبعيداً وفي ربا قرية سيمساس وتحديداً 29 رمضان بوقت العصر جوزاء وجواهر ,, وشوق ومشاعل وأختهم اللي أكبر منهم بشاير وريوف وأخواتها مها ونوال بس ريم أختهم الكبيرة هالسنة ماراحت معهم تقول خلاص كبرت كل البنات والأولاد مجتمعين ولابسين لبس تراثي ومستعدين للقرقيعان وبصوت واحد وأعلاهم صوت جوزاء وقرقيعان وقرقيعان بين قصير ورميضان عادت عليكم صيام كل سنة وكل عام جوزاء : شوق أنتي وريوف ترى هذي آخر سنة نطلع معهم للقرقيعان شوق : أحسن أنا أحس إني شحاذه ريوف : بعينك شحاذه هذا إحنا نعطيهم مثل مايعطونا جوزاء : شوق مو لازم تدورين معنا إذا مو عاجبك وشايفه نفسك ارجعي مو بالغصيبه قطع يالغثيثة لازم تنكد علينا شوق وتحب تعاند جوزاء وتقهرها : ههههههههه على قلبك ماني راجعه براقبك أخاف تروحين مني وإلا مناك جوزاء : وش قصدك يالحية الرقطاء شوق : هههههههههه حيه مره وحده أجل أنتي عقربه ريوف : بعدين معكم أنتي وياها تضاربوا أحسن حشى مو بنات أنتم وسكتت ..... جوزاء : قوليها ياريوف وش فيك مستحيه قولي سلق .. ريوف : .............. شوق : ................ جوزاء وبتكمل هواش إلا انفتح باب أم زيد ومعاها أكياس حلاو ومكسرات ونسوا البنات السالفة وانشغلوا بالقرقيعان أم زيد : تعالوا ياحلوين ادخلوا جوى الحوش وكل وحده تفتح شنطتها والعيال أفتحوا أكياسكم وأعلنوا باكر العيد وبالليل الكل مجتمع الرجاجيل ناصبين خيامهم بوسط القرية ومستعدين للعيد .. والحريم ببيت جدتهم الكبير يرتبون ويستعدون للعيد .. البنات عند جوزاء وجالسين بالحوش ويلعبون بالطراطيع جوزاء تفجر قنابل وصواريخ وشوق وريوف حدهم نجوم الليل ويخافون منها جوزاء : الله يخلف عليكم كل هالطراطيع اللي جايبينها معكم ومايفجرها إلا أنا لا والله الورعان صدق ريوف : أنا أنبسط لاشفت ألوانها بالسما يكفيني شوق: طيب عطيني صاروخ بجرّب جوزاء : أخاف تحترقين ونبلش فيك شوق : ماراح أحترق عندي خطة تعالوا عند باب المدخل اللي قريب يم المجلس بشب الصاروخ وأنا ماسكته بيدي وبرميه وبهرب للمجلس عشان ماينفجر فيني وأنتم خليكم وراي بنحذف الشرخ ونهرب جوى جوزاء : مافيه جيبي قوطي وحطي الصاروخ فيه ووجهيه بعيد عننا ريوف : يادلخه شوق تبغاه بيدها مثل مايسوونه العيال ونفذت خطتها شوق شوق وماسكه الصاروخ وواقفه ع باب المدخل ووراها المجلس ع طول وفيه بزارين وأم جوزاء وكم حرمة عندهم وجوزاء وريوف ورى ظهرها واحد ,, اثنين ,, ثلاثة وشبته شوق وهي بعدها ماسكته جوزاء بصراخ : احذفيه ياشوق لايطير علينا بسرعة ريوف : وصل للفتيله بسرعة خلاص ارميه شوق بغباء : وشلووووون مقدر نشب ويوم جا يطير رمته بالأرض وتوجه لهم وطار على البنات وامتلأ المكان صراخ وصياح وانفجر في ..... """ انتهى الجزء الثاني وألقاكم ع الموعد الخميس القادم في الجزء الثالث شاكرة لكم متابعتكم وأنتظر نقدكم البنّاء ..
التعديل الأخير تم بواسطة تــرف ; 30 Oct 2009 الساعة 02:21 AM
|
30 Oct 2009, 08:30 AM | [ 2 ] | ||||||||
عضو متميز
|
قــــــــــــــــارئ فقـــــــــــــــــــط
|
||||||||
|
|||||||||
30 Oct 2009, 01:53 PM | [ 3 ] | ||||||||
عضوة متميزة
|
ماشاء الله ترف تجنن روايتك مرة عجبني الجزء الاول والثاني انا ما اقراء روايات بس حيل عجبتني روايتك اليوم شبكت على النت عشان ارد على روايتك الجزء الاول واستانست لاني شفت الجزء الثاني ترف بقولك شي لا تزعلين كأن البنات ريوف وشوق وجوزا سوالفهم اكبر من عمرهم بس مع ان بنات هالوقت مفتحات باللبن يفهمون اكثر مني . بس يلا بقول انهم من بنات هالوقت تسلم ايديك ترووف انتظر الجديد يعطيك الف العافية |
||||||||
|
|||||||||
30 Oct 2009, 02:12 PM | [ 4 ] | ||||||||
مؤسس شبكة الشدادين
|
يا هلا والله بمشرفتنا ترف من جديد في الجزء الثاني من روايتك يا ما أسهل الدنيا وبأقول مثل ما قلت في الأول بأطبع الرواية وأقراها على مهلي خليني أروّق بس وأمخمخ على الابداع وتسلم يديك والله يعافيك |
||||||||
|
|||||||||
30 Oct 2009, 09:46 PM | [ 5 ] | ||||||||
شاعر
|
ابداع في كل جزء تكتبينه بدون مجامله الله يوفقك ياترف ههههه |
||||||||
|
|||||||||
30 Oct 2009, 10:05 PM | [ 6 ] | ||||||||||||||||||||||||||||
عضوة متميزة
|
حياك وتشرفني قرائتك وحضورك بأي شكل من الأشكال |
||||||||||||||||||||||||||||
30 Oct 2009, 10:23 PM | [ 7 ] | ||||||||||||||||||||||||||||
عضوة متميزة
|
ويشرفني ويسعدني تواجدك وقرائتك أما نقطة ملاحظتك ونقدك كمان تسعدني وتضيف لي الكثير ولـكن هم كذا مازدت ولانقصت على واقعهم بشيء عادي فيه بنات أكبر من عمرهم تفكيرهم وتصرفاتهم بعدك ماشفتي شيء وماطولت ببلاويهم أكثر وإلا كان قلتي مستحيل أعمارهم صغيرة << مو تشكّون فيني تراني برى الموضوع بس أنقل لكم واقع شفته ماعشته بس تعايشته وإذا ملزّمين أنا جوزاء :icon_mrgr<< أمزح ترى حياك يالغلا ولاعدمت تواجدك العذب " |
||||||||||||||||||||||||||||
30 Oct 2009, 10:34 PM | [ 8 ] | ||||||||||||||||||||||||||||
عضوة متميزة
|
ويسعدني حضورك وحياك .. ويعطيك ألف عافية امتناني " |
||||||||||||||||||||||||||||
30 Oct 2009, 10:39 PM | [ 9 ] | ||||||||||||||||||||||||||||
عضوة متميزة
|
وحضورك العذب امتناني .. |
||||||||||||||||||||||||||||
31 Oct 2009, 12:52 AM | [ 10 ] | ||||||||
عضو متميز
|
في عالم الصغار لا يفهم الكبار مايدور خلف جدرانه القصيره هذا ما لخصته من هذا الجزء بإنتظار سدل الستار عن تلك الاحداث بالاجزاء القادمه إحساس واثق |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
يا ما أسهل الدنيا :: مهما تعاندنا {الفصل التاسع} | تــرف | كتّاب المنتدى في القصص والرواية الأدبية | 14 | 04 May 2011 09:56 AM |
يا ما أسهل الدنيا :: مهما تعاندنا {الفصل السابع} | تــرف | كتّاب المنتدى في القصص والرواية الأدبية | 22 | 13 Feb 2010 06:43 PM |
يا ما أسهل الدنيا :: مهما تعاندنا {الفصل السادس} | تــرف | كتّاب المنتدى في القصص والرواية الأدبية | 17 | 13 Feb 2010 06:38 PM |
يا ما أسهل الدنيا :: مهما تعاندنا {الفصل الخامس} | تــرف | كتّاب المنتدى في القصص والرواية الأدبية | 14 | 13 Feb 2010 06:18 PM |
يا ما أسهل الدنيا :: مهما تعاندنا {الفصل الرابع} | تــرف | كتّاب المنتدى في القصص والرواية الأدبية | 20 | 13 Feb 2010 06:17 PM |
|