مختارات عنود الصيد الجزء الثالث..

بنت البـدو مايجـرفن أي تـيار=مـرباة جدي عالحـياة الزهيـده
عريبة الجدين من نـسل الأحرار=وافـين ربعي من حمـولة شديده
ماني من اللي بالخـفا كومة أسرار=تسرح..وتمرح تاخذ اللي تـريده
أمشي على وضح النقا مشي الأخيار=أعيش دنيا صـرت فيها سعيده
أمي وأبوي..وجـدي محلّي الـدار=هم نور عيني والسـعاده الوحيده
خلني أعيش بدنيتي دون الامـرار=خلني عن دروب المـحبه بعيـده

قالوا علامك شارد الفكر سرحان=علامك معانا مير الافكار برا
قلت الحقايق ماخفت عالي الشان= بأسباب واحد وسط الحنايا مقرا
صد وهجرني دون حجه وبرهان= الله واكبر كيف جار وتجرا
من عقب ماهو دايم الدوم شفقان= اليوم اشوفه من صحيبه تبرا
قال المثل من قبلنا بماضي الازمان=لابد من عقب الحلا اتذوق مرا
ياليت عرفٍ بيننا كان ماكان=أو ليت ربي لد خيره وشرا

محتاج افضفض وانفض الصمت واقول=صدري من الكتمان والكبـت ضاقـي
الى متى بظـل ساكـت علـى طـول=طول معـا طـول السكـوت العناقـي
واللـي تخفيـه المقابيـل مجـهـول=ماينـدرى عـن وضحهـا والزراقـي
ماقـول غيـر الله واكبـر ولاحـول=عقب اللقـا ياشيـن طعـم الفراقـي

في عيوني مكانه واضحن لو ترون=ومنتداكم بقلبـي فـي مكانـه عـلا
الصراحات راحه مثل ماأنتو تبـون =والموادع خطير(ن) في بعـاده سـلا
والمشاكل تعقد نستشير الشـؤوون =يا تجينا حلـول(ن) او نباهـا تخـلا
أدمح الزله اللي عالقـه بالشجـون =لأجل أول حبيب ولأجـل اخـر غـلا
منتداكم عشقته وبالخطا اي يمـون=دام حبـه وعـداد الـغـلا امـتـلا
سلمولي على رعد الخفوق الحنون=أشهـد انـي بعهـده والله المبتـلا

أحجزي موعد سفر هيا أنتهـا العـام الدراسـي=وكتبـي فـي دفتـر التحضـيـر لالالـدراسـه
حوّلي فصلك بفستـان الفـرح قاعـت أماسـي=ودعي الشيخ الجليل اللي على كرسي الحراسـه
والعني الغوغاء والباصـات وأزاعـاج التكاسـي=وصرخي ياهوووه كـل يعشـق أديـاره وناسـه
وصعدي طيارة الجامبـوا علـى سلـم نحاسـي=لو بيدي كـان كلـه ورد مـن راسـه لساسـه

الفكر من بعض المواضيع محتاس=عجزت اميز شطها من غببها
من آفة جتنا على غير مقياس=باسم الحضارة مغلفين علبها
شباب ضاعوا بين موضة وخناس=تتبع تقاليد اليهود وحزبها
دلوبج ما هي بلايله يباس=ولا هو من اللي غترته قد عصبها
لا شماغ لا ثوب ولا ضافي لباس=يلبس جنوز وسلسلة من ذهبها
يمشي مع الاسواق كن فيه وسواس=مسودنن ما كنه ويا عربها
هذاك جنب عنه خله مع الساس= وحذراك من خوته تحسب حسبها
خلك مع اللي كنه الحر قرناس=اللي علوم المرجله قد شربها

تـعـبـت مـــن مــســك الـقـلــم والـكـتـابـه=والـشـعــر وفــتــن الـنـســا والأبـالـيــس
والـمـدح فــي عـــزوه و شـيــخ وقـرابــه=والـــلاء: لـدعــوات الـرضـيـن والـلـيـس
والــحــب ومـاحـولــه ومــالــه وهــابـــه=والــدمــع لاهــبــت عــلــي الـنـسـانـيـس
والــشــوق وغــفــال الـعقـل وانـقـلابــه=والـلـيـل وخـطــط الـدهــا والـجـواسـيـس
والـشـهـره وحــكــي الــعــرب والـلـبـابـه=وزمـلــوق شـــفٍ ماتٌـعـسـه عـواسـيــس
وحصر اسمي في شاعر في ساحة غرابه=شٌـعـارهــا فـيـهــم رخــــوم ومـلاحـيــس

امـر قـدام عيـنـك ماتحاكيـنـي =وان مر بعض العرب بالشوق حييتـه
حيرتني في غرامك يانظـر عينـي =مدري وش اللي معك من ذنب سويته
المشكله انك هواي وساكنـن فينـي =ماشفت منك الحنـان اللـي تمنيتـه
عطني الصراحه حبيبـي ولاتخلينـي =انا تعبـت وعـذاب الحـب مليتـه

وين الغرام ووين حب المحنّه=وين الحنان ووين عذب السواليف
{كان الغرام أتلآ سنينك محنه=حبك محلّه رغم دور العواصيف}
لو قلت كنه ويش أبآقول كنه=كنه كما موج البحر وأنته السيف
قلته سبايب عبرتاً مستكنه=سبايب العبره بديت التواصيف

لا مـن نوى لك صـــــــاحبك بالقطيعــة =لادمعــــة في العين تكـــفــي ولا آه
يـرجـي زهــر روضٍ تولى ربيــعــــــه=الله على بعض المحبــين ما اشقاه
بانسى هوى اللي بـاعنـــــي قبل ابيعه =ولا مـن خذا له ساعة قال ابنـــسـاه
هيهات ياقلب الخـطـا لو تـــــطـــيــعــه =وده يعسـر القلب عن غي مشـــــهــأه
شـره على اصحـاب النفوس ــالرفيعه =الله يجـازي الحـب مااكبر خـطايـاه
ضـاقـت بهم دنـيا فججــها وسيــعـــــه =اهـل الوفا واهل الشــيم من سوايـاه
يــوم الغــدر والخبــث عنـده طبيــــعـه =والا الخبيــث بمنسـم الرجل ناطـاه
لــوكان فرقـا الخل مثل الفــجــيعــــه =يالله عســى لـي خيرة عقب فرقــــاه

[TABLE="width:70%;background-image:url('http://www.shdadeen.com/vbq/images/toolbox/backgrounds/24.gif');border:3px double darkred;"]

السلام عليكم

الحين ذا الجزء الثالث ؟؟

طيب انا شفت الجزء الاول وماشفت الجزء الثاني <<< طيب ضف وجهكـ ههههااي

كالعاده متألقه ياعنوود

ويدل على ذوقكـ الرائع

تحيتي لكـ ^_^

ــــــــــــــــــــــــــــــ

مبروكـ التخرج <<< على ذمة رنة الخلخال << حطيتها برأسها ههههاي

جميل جدا طرحك عنود الصيد ... سلمت وسلم بوحك ..

في عيوني مكانه واضحن لو ترون=ومنتداكم بقلبي فـي مكانـه عـلا

اختيارات جميلة ورائعة أختي عنود الصيد

وننتظر مختاراتك ومقتطفاتك القادمة

مختارات رآئعه

أبداع !! جمال !! روعه !!

استمري عنود الصيد في أبداعكـ

سوف أنتظر المزيد

تقديري وأحترامي لكـِ

		المشاركة الأصلية بواسطة : ابو زلف اقتباس
	السلام عليكم الحين ذا الجزء الثالث ؟؟ طيب انا شفت الجزء الاول وماشفت الجزء الثاني <<< طيب ضف وجهكـ ههههااي كالعاده متألقه ياعنوود ويدل على ذوقكـ الرائع تحيتي لكـ ^_^ ــــــــــــــــــــــــــــــ مبروكـ التخرج <<< على ذمة رنة الخلخال << حطيتها برأسها ههههاي

أبو زلــــــــــــــــــف يامرحبا ومسهلا وقرايب دار

أفا فاتك الجزء الثاني خلاص المره الجاية براعي التوقيت

والله يبارك فيك أييه والله تخرجت و أفتكيت من قلق الجامعة والدكاترة...

		المشاركة الأصلية بواسطة : المستحيلة اقتباس
	جميل جدا طرحك عنود الصيد ... سلمت وسلم بوحك ..

المستحيلة

حياك الله يأم المزيون<<<<<ماتزوجين إياه حبيته هههههههههههههه

		المشاركة الأصلية بواسطة : السلطان اقتباس
	في عيوني مكانه واضحن لو ترون=ومنتداكم بقلبي فـي مكانـه عـلا اختيارات جميلة ورائعة أختي عنود الصيد وننتظر مختاراتك ومقتطفاتك القادمة

يامرحبا والله بالسلطان

سعيدة بمرورك....لاهنت على المرور..

		المشاركة الأصلية بواسطة : سيف الشدادين اقتباس
	مختارات رآئعه أبداع !! جمال !! روعه !! استمري عنود الصيد في أبداعكـ سوف أنتظر المزيد تقديري وأحترامي لكـِ

حيالله سيف اسفرت وأنورت

يشرفني مرورك وإنتظارك الجديد يالروعة.........

مشكوره اختي الكريمه على الموضوع الرااائع