ابن لادن ...بايع ذمة !!!

إسمحوووا لي
غزه !!!!!

القمه العربيه!!!!!!!

تسجيل بن لادن الجديد!!!!!!

هواجيس الرهاوي!!!!!!!!!

اللهم أنصر أخواننا في كل مكان
.
.

.

حنا العرب ما بين قاع وقمه = ومشاعر يفرح بها العدواني
لا قرّبت حوله ولا جت يمه = لوكان ثورتها كما البركاني
كل يطوّل بالسوالف كمه = وغزّه عليها تكبر الأكواتي
مير أسمحوا لي في فؤادي غمه = ملّت وريدي وأيبست شرياني
تضخّ قلبي بالعنا وتضمه =وصبّت عليه الهاجس الملياني
وصارت مصادر شعلته ملتمه=لين أحتمى في جسمي الفسقاني
والله لأكمل هاجسي وأتمه = حتى لو أنهم يقطعون الساني
حنا أختلفنا ف إنعقاد القمه = ومنهو معزّب مجلس الضيفاني
فريق أبو مبارك مديره عمه = وفريق أبن ثاني مديره ثاني ...
ثاني ودمه مايشابه دمه = لاكن يرعى ناقه عريماني
مر يهمّلها بليا يمه = ومر يضّيرها على الحيراني
أفكارها وآرأها منهزمه = وخرابها عمت به الأوطاني
ومطمة جانا وراها مطمه = تسجيل بن لا دن بدون ألواني
صوت بلا صوره ..وكهف.. وعمه = وحنا نحسبه قبل هذا فاني
جانا يصرّح بالخطا ويعمه = ويوضح الأصحاب والأعواني
ناس تقول أنه خراب الأمه = وشوّه عقيده صفوه الأدياني
عميل أمريكي.. وبايع ذمه =ويخدم مصالح خطه النصراني
وناس تقول الاّابن لادن ..قمه = ولا تسمعون افلان والأ فلاني
ترك حياه اهل الثرا والنعمه = وبدا الجهاد بساحه الأفغاني
وهذي سياسه والدول مهتمه = تشربك الصايب مع الغلطاني
لجل المصالح ف . إقتصاد الخمه =وتوقيتها محسوب له حسباني
على نهايه عهد بوش الرمه = رمه لو انه شتت العرباني
وعلى بدايه من ترأس بامه=والأ أبيه الكيني الفقراني
يجوز لي يوم العنه وأذمه =وفرعون ألحّق لعنته هاماني
الى متى وعقولنا منسمه؟؟ = ويضحك علينا العالم البراني
والى متى وسويوفنا منثلمه؟؟ = ويبرد شباها القاصي الخوّاني
هواجسي زادت علّي الغمه =وخلاصه الأبيات والعنواني
يا همّة ياحيّها من همه = لو تتفق مع مذهب الشيخاني

.
.
.
اخوكم الرهاوي

11111

لي الشرف أن أكون أول من يمر على هواجيس الرهاوي

لا جديد في قصائدك يالرهاوي سوى أنك شاعر جزل ومبدع ومن إبداع إلى إبداع

صح لسانك وبيض الله وجهك ورفع مقدارك وحفظك من كل سوء

يـا همّـة ياحيّهـا مـن هـمـه == لو تتفق مـع مذهـب الشيخانـي

أشكرك يالرهاوي على صنع هذه الدرر الغير مستغربه على مبدع مثلك

صح لسانك وبيض الله وجهك

الى متى وعقولنا منسمه؟؟=ويضحك علينا العالم البراني
والى متى وسويوفنا منثلمه؟؟=ويبرد شباها القاصي الخوّاني

صح لسانك يا الرهاوي ملايين وبيض الله وجهك
وتقبل هذه الأبيات كا عربون إعجاب وتكملتها قريبأ بقسم الشعر

هذا هو الشعر ياشعار=والله ينصر فلسطيني
صبرت لكن دمي فار=خطرن يفجر شراييني
أنا سعودي ودمي نار=أموت فحماية الديني
مانيب أجامل على الأنضار= أقول وأطول بيميني

وتقبل تحياتي

الرحااااااااااااااال

والله معاد ندري وانا خوك من الصادق ومن الكذاب
الله اعلم ابن لادن وش علمه والملك فيصل الله يرحمه
يقول اتفقت العرب على الا تتفق وهو صادق اختلط سيلها والابطحي
معاد ندري العميل من الصادق نسأل الله العافيه
صح اللسانك ملايين يالرهاوي جزل ولايجي منك اللى الكلام الجزل
لاهنت وبيض الله وجهك .

الله يصلح احوال المسلمين يالرهاوي

صح لسانك ملايين على هالدرر

والله يبيض وجهك

تحياتي

		المشاركة الأصلية بواسطة : فيصل بن زايد اقتباس
	11111 لي الشرف أن أكون أول من يمر على هواجيس الرهاوي لا جديد في قصائدك يالرهاوي سوى أنك شاعر جزل ومبدع ومن إبداع إلى إبداع صح لسانك وبيض الله وجهك ورفع مقدارك وحفظك من كل سوء يـا همّـة ياحيّهـا مـن هـمـه == لو تتفق مـع مذهـب الشيخانـي

والشرف لي وانا اخوووووووووك

تواجدك بحد ذاته يعني لي الكثير


وماعليك زووود يالغاااالي


صح بدنك مليون ومنتظرين جديدك

صح لسانك وسلم راسك

انا من جمهورك ومن المتابعين لك

لذلك لازم أنبهك على الغلط اللي ارتكبته في قافية

صدر القصيدة ،، اللي ردوا أكيد مافاتهم ذلك وأكيد شافو لكن يستحون منك

ويحترمونك مثلي بالضبط.

قافية الصدر عندك بنيتها على (م) مشدده متبوعه بحرف الها . والحرف المشدد يعني

أنه مضعف أو مدبل (ممه) .

والتزمت بذلك الى أن وصلت هنا: "أفكـارهـا وآرأهــا منهـزمـه "

منهزمه لاتصلح قافيه ،،، لأن الميم غير مشددة.

وكررت ذلك في "الأمـه/النعمـه/منثلمه "

وقلبي معك

		المشاركة الأصلية بواسطة : فارس الشدادي اقتباس
	أشكرك يالرهاوي على صنع هذه الدرر الغير مستغربه على مبدع مثلك صح لسانك وبيض الله وجهك الى متى وعقولنا منسمه؟؟=ويضحك علينا العالم البراني والى متى وسويوفنا منثلمه؟؟=ويبرد شباها القاصي الخوّاني

العفو اخوي فارس


لا هنت على تواجدك الرائع


والله ينصر اخواننا في كل مكان

		المشاركة الأصلية بواسطة : قيس العميمي اقتباس
	صح لسانك وسلم راسك انا من جمهورك ومن المتابعين لك لذلك لازم أنبهك على الغلط اللي ارتكبته في قافية صدر القصيدة ،، اللي ردوا أكيد الموضوع مافاتهم ذلك وأكيد شافو لكن يستحون منك ويحترمونك مثلي بالضبط. قافية الصدر عندك بنيتها على (م) مشدده متبوعه بحرف الها . والحرف المشدد يعني أنه مضعف أو مدبل (ممه) . والتزمت بذلك الى أن وصلت هنا: "أفكـارهـا وآرأهــا منهـزمـه " منهزمه لاتصلح قافيه ،،، لأن الميم غير مشددة. وكررت ذلك في "الأمـه/النعمـه/منثلمه " وقلبي معك

يسلم لي قلبك ولا هنت يالغااااااااااااااالي


وملاحظتك في محلها اذا بنيتها على م مدبله

وانا التزمة فيها صحيح في اغلب الابيات

وكنت منتبه لها قبل انزل القصيده ولكن من كتابتي للقصيده كنت مستعجل في انزالها

لتواكب القمه اليووووووم اعذرت نفسي ان تكون الميم الغير مدبله هي الأصل ولكن اعتقد انني لم اكن مصيب في هذا

وجبت المطمه الراداد كان متابعين واشكرك من عمق



واتمنى تواجدك معنا اخوي العميمي