ثمان سنين اطردها

هذه الأبيــآت تمثل فيهـآ الشـآعر محمد بن حديد العضياني ... وقصته كان مهاوي بنت عمه ومهاويته على طيب ونقـآ . ورآح يخطبهـآ من أبوهـآ ورفض ابوهـآ انه يزوجه البنت . وجـآء رجال ثاني وخطب بنته والرجـآل ذا صــآحب مال وجـآه .. والله وزوجـه البنت .. عـآد قال الشاعر : محمد هذي القصيده الرآئعـه ...

ثمان سنين وانا اطرد وراها=وجاها واحدٍ غيري خذاها
اخذها بارده من دون يتعب=وانا اللي ضاع عمري في رجاها
كبير الحظ لا ماهو بمثلي=ولا حتى يليق بمستواها
لكن المعطي الله ما عطاني=اعطاه من اللي اوصافه عطاها
الا يا قدرة الخالق بخلقه=مقاديرٍ تحوّل من سماها
نصيبي مثل دلو وردها=على عّدٍ تفوح عيون ماها
اشوف الماء بعيني ما وصلته=واناكبدي تقطع من ظماها
وغيري يشرب الما باردٍ له=ولاجّر الحبال ولا سناها
الا ياصبر وش لي منك حاجه=جروح الحب وين القا دواها
الا ياليتها تدري بحالي=وتدري نور عيني عن غلاها
احبك يا بعد عمري وروحي=واحب ارضٍ وطيتي في ثراها
الا يا حّب اللّي في شبابي =زرعته شجرةٍ دمعي سقاها
ثمان اداريها مدارا=وحاميها ما حدٍ يدخل حماها
ويوم اطلع ثمرها واستوت لي=رقد حظي وحظ قام جاها

أبيات جميله وصح لسان الشاعر محمد العضياني

ذكرتني بقصيدة محمد البلاهدي

اللي يقول فيها غابت ثمان سنين حلٍ وترحال
غابت ثمان كلها مدلهمه

سلمت يالمرمشي على نقل هذه القصيده والله لا يهينك

اييات جميلة ورائعة صح لسانك محمد العضياني
شكرا

صح السان محمد ابن حديد قصيدة جزله تشكر عليه

يعطيك العافيه المرمشي


تحياتي

صح لسان الشاعر

وقصايد بن الحارث والشدادين

تطرح دايم في بحور القوافي

الا ياحبي الى في شبابي
زرعته شجرة دمعي سقاها
قصيده عاشق صادق في مايقول عشقه عفيف وقصيدته معبره وجزله صح لسان شاعرها محمد بن حديد مليارات والله يعطيك العافيه اخوي المرمشي على النقل الرايع
تقبل تحياتي,,,,

^
^

رائعه وأكثر ^ ^



تسلم أخوي المرمشي على القصيده وصح لسان شاعرها

مشكوريـن آخوآنـي وأخواتي . على مروركم الكريـم َ .

ابيات تمثل في الحب النقي الحقيقي من الشوائب
صدق القصيد حين يعد في الحب الحقيقي يتمتع القاريء او المتابع
بكل تمعن حول جزلات البيوت وشاعرها