طلعة البر

الاخوان والاخوات

اعضاء منتديات الشدادين

اتمنى ان تحوز هذه الابيات المتواضعه على رضاكم

ما حلا جيب تايوتا ونسياني = جاهزه للنشاما الله يعافيها
المدن جوها ملوث ودخاني = والبراري تسلي من مشى فيها
طلعت البر اناسه والعمر فاني = مع صقور ٍ تنومسني مباديها
كل منهم على الفزعات شفقاني = مايعز النشاما الا يمانيها
نبعد الهم مع ذربيان الايماني = والسواليف ناخذها ونعطيها
وضحك ومزوح مع بدعات الالحاني = والطورايق لو صعبها نغنيها
وسط روض ٍ خضر ما داجه انساني = في ديار ٍ عليها المزن مسقيها
كل واحد من الايام بيعاني = ذقنا مر الليالي مع حلاويها
اكثر الناس وده يقطع الساني = غيره مدري حسد يالله تشفيها
اهل الطيب ننصاها وتنصاني = في بيوت ٍ معززة ٍ مبانيها
ان حضرنا بيخرص كل شيطاني = وان هرجنا علوم الطيب نبديها
تمضي اعمارنا با حلام واماني = يالله في الخير واكفينا بلاويها

الله الله عليك..
سلمت يداك...
كلمات رائعه تحت منظومة قصيدية...
شاكرة لك ..

الله الله الله
عز الله انك صادق

صح لسانك على القصيد الطيب


والله يعطيك العافيه

		المشاركة الأصلية بواسطة : اقتباس
	كل منهم علـى الفزعـات شفقانـي مايـعـز النشـامـا الا يمانيـهـا

صح لسانك يافالح

وسمحلي اهديه للي على بالي

صح لسانك يافالح
وبيض الله وجهك

جانب جديد من السياحة الداخلية فعلا الخروج الى البر متنفس حقيقي لاهل المدن .. بيني وبينك طلعة البر اجازة سنويه لا استغني عنها بس في الربيع

بيض الله وجهك أخوي فالح

حياك الله وحي ما جيت به

وأنا أشهد إن طلعة البر ترد الروح

وتريح النفس .... ذبحتنا المدن عسى الله يعيننا عليها