انانية

السلام عليكم ورحمة الله وبركاته

.

.

أنانية ولي قلب ٍ ملك فـي داخلـه إحسـاس=قوية شامخة ما اضعف رغم ما قال عذالـي
وبي طبع ٍ من أسبابه حسافة يزعلون الناس=أنا أحبابي بهالدنيـا أبيهـم ملكـي لحالـي
ومغرورة غرور ٍ في تواضع ماله أي اقيـاس=ومع هذا فلا يمكن أزعّـل بالحكـي غالـي
بليدة بس أحيانا ً أصيـر الخافـق الحسـاس=وحيدة وسط هالعالم ودايـم أسهـر لحالـي
(( عنيدة )) هذي أكتبها عبارة تتعب الأقواس=عناد ٍ بي يضايقني هو اللي مشغل ٍ بالي
بريئة كنني طفلة واشابـه هبـة النسنـاس=ليا من جيت وإليا رحت صرت الريح طوّالـي
و فيني ميزةٍ تندر لو إن الناس قيل أجنـاس=وفيّة ما ارضى بخيانة تعكر جـوي الحالـي
وأحب الليل وبهدوئه أحارب ضجة الهوجـاس=ينام السهد وعيوني تراقـب كيـف أحوالـي
خيالية ولي حلم ٍ بواقع صعب ما له سـاس=غرقت بلوعة الذكرى سنين ٍ مـا لهـا تالـي
تفائلت بزمن فيـه التفـاؤل توأمـاً لليـآس=بغيت النور بس إني لقيت العتمة أشوى لـي
عزيزة نفس ما أرضى طرف لي بالغلط ينداس=يا ويل اللي يعاديني وربي فيـه مـا ابالـي
تراه يحق لي ياللي تغالط لا رفعت الـراس=بسولف للثريا والجدي وسهيل عـن حالـي
لو إني جامعة كل التناقض في وسط قرطاس=ولكن في دروب الخير ابمشي وأحسن أعمالي
جواهر اسمي ورسمي وماسة والمداد ألماس=أنا وبرغم هالعالم وراسـي بالسمـا عالـي

.

.

الله الله عليك ياجواهر

ابدعتي في وصف شخصيتك

ونظمك للأبيات كان رائع جدآ

اشكرك وصح لسانك ملايين

صح لسانكِ يا شاعرتنا.....


*
*

*
*

أبدعتي يابنت الخال
شاكرة لك
دمت بود

قصيده جميله واداء اجمل

تسلمين جواهر

........................

صح لسانك ياجواهر

ولاهنتي

والله يعطي أبو نواف العافيه على هالآداء الجميل والمميز

صح لسانك وعلا شانك يا جواهر

قصيدة روووعة

الله يعطيك العافية

دمتِ بخير

و فيني ميزةٍ تندر لو إن الناس قيل أجنـاس

وفيّة ما ارضى بخيانة تعكر جـوي الحالـي

صح لسانك يا شاعرتنا ,,,

والله لايحرمنا من ابداعك ...


تحيتي لك

عليه بالحرام انك ..جواهر .من ذهب والماس=وطبعك ياجواهر عن جميع الناس متعالي

الله الله عليك ياجواهر

صح لساانك ملايييين وبيض الله وجهك

قصيده مميزه وتحكي شخصيتك وطبعك

لاهنتي ولاهان ابو نواف على الاداء المميز

والوافي على التصميم الرائع

تحياتي