يامل قلبٍ يشتكي بعض الأعراض

مساكم الله بالخير أخواني بمنتديات الشدادين

اهديكم هذي المساجله بيني وبين الشاعر عيد بن سعود الشدادي الحارثي

تم تسجيلها من قبله بمنتديات النداوي قبل فتره ورغبت ان اشارك بها معكم متمني

ان تنال رضاكم

البـــــــــــــــــــــــــــــدع

يامل قلبا يشتكي بعـض الاعـراض=حـوّط عناهـا ثـم قامـت تهـيّـل
غنّت هواجيسه على قـاف عـواض=لاهـوب غلـق ولا لزومـه هزيّـل
نصّيته اللـى خابـره حاكـم قـاض=مرامـه الجزلـه معـيف القلـيـل
ابن سعود اللـي للامـداح ركـاض=سعد الخـوي زبـن الثقـل والثقيّـل
ياعيد رحت السوق أدور لي أغراض=وشاهـدت مخلـوق مميـل مميّـل
من نظرته سهم خفا خافقـي نـاض=نوضت بروقٍ فـي صـدوقٍ مخيّـل
اقفا يجر أخطاه فالسـوق مريـاض=جميـل والحسنـى بجنبـه جمـيّـل
هز المشاعر والاحاسيـس نهّـاض=يـوم أتحلـى صورتـه فـي تخيّـل
مشيت اله مشيت هميـمٍ وحضـاض=شوقت عشيق الكيف شرب المهيّـل
ياما مشيت خطوطٍ طوال واعـراض=ويامـا سهـرت ولانهـاري مقيّـل
واليوم باح الصبـر لعلّـي انعـاض=في عنوتٍ ماشفـت منهـا حصيّـل
الجسم كنه فارضـه سـوط فـراض=خبير فـي صلـب العظـام متحيّـل
باكلفـك لانـك للاسـرار حفـاض=تسرح على حـروة نشـور الغزيّـل
واليـا لقيتـه بلغـه كـل مافـاض=قافٍ حكـى مشاعـر ابـن عقيّـل
واسلم عسى تلفي بحلوات الالفـاض=مهمـا لحقنـي مارضيـت البـديّـل

عــواض بريـكـان الـشـلـوي

وهـــــذا رد عيد سعود :

حي الجواب اللي لفانـي علـى اض=الشطـر الاول اض والاخـر ايّــل
من شاعر دايم على الطيـب فيّـاض=كريم وابـن جـواد صامـل صميّـل
ربان معنى في بحور الشعر خـاض=فحل المعارف عنـد عرفـه فحيّـل
مالي على جملة معانيـه ملحـاض=الا انهـا مثـل الـقـراح الزلـيّـل
وان لجت القيفان في صوت فضـاض=خيالهـا جـوّد رسنـهـا وخـيّـل
ويامرحبا باللـي لفانـي وعـراض=من ماكـر الشعـار جانـي محيّـل
دور عليّ وقال لـي دوك ماهـاض=هاجوس عـواض الحليـل المحيّـل
يشكي من الدنيا ومن بعض الامراض=ويقـول وقتـه كـل يومـه مليّـل
من عقب شاف اللي على عدّوفياض=فـي خايـعٍ نبتـه خزامـى وثيّـل
غـدا لهـا قلبـه ملـز ومركـاض=تلعـب بقلبـه والبـنـدام حلـيّـل
تومي بطرف يوم تلحظ بـه الحـاض=تقـول بـرق فـي مخيـل مسيّـل
حامت على قلبا به الوجد خضـاض=يميـل لاذعـذع نسـيـم الجـديّـل
وانا ماالوم اللي من الحب منهـاض=قبله وانا قلبـي مـن الحـب ويّـل
له ونةٍ يدوي بها تحـت الا نقـاض=ماكـنـه الا قـفـرةٍ بالسـلـيّـل
تمثلـوا فيـه الشعاعيـر بعكـاض=وحتـى الكري كاتيـر عنـد الهلـيّـل
كله سبايب من ورد بي على الحاض=حـاض المنيـه مالوصفـه مثـيّـل
عودٍ نبت ووفروعه ادقاق وغضاض=لا هو قصيـر ولا طويـل ..طويـل
مزيونه خلّـت معاليقـي اجضـاض=ترعى حياهـا ليـن مـات العليّـل
جبينها يشعق علـى نـور وبيـاض=وبعيونهـا كـن الطلاسـم تكـيّـل
منتوقة تمشي على هـدو وريـاض=تقـول هبـة ريـح فـوق النفـيّـل
اشوفها للـروح مشتـى ومقيـاض=وان فارقـت قلبـي يجـر العويّـل
تقول من فوقه يصبـون الاحمـاض=انـا دخيـل الله مــلاج الدخـيّـل
حبه بوسط القلب ما عنه معـراض=انا ارتجي شوفه ورجـوى الوصيّـل
اكتظ صدري والحشا منـه مكتـاض=بحلـت مـدري وش سـواة البحيّـل
روحي تنهاهت في غيابه وتغتـاض=والوقـت بظروفـه عليـه بخـيّـل
وان قرّت عيون العـرب بالتغمـاض=هلّـت عيونـي دمعهـا بالكمـيّـل
من جاير الدنيا بي جروح ورضـاض=وانا اشهد ان الوقت ماهـو سهيّـل
وانا الذي عشقي مهو عشق فضفاض=عشق النقـا طبعـي ولانـي هميّـل
لو بكتمه كني على الجمـر قبّـاض=وان شعـت ابـه تناقلـه كـل قيّـل
واشوف عشق اليوم للناس عضاض=دنـت مقاييسـه وعــوّد مـذيّـل
يابن عقيّل لو تشوف اللضى الـلاض=اللي صلاني كـان صحـت متويّـل
الا تحمّـد ربـك وصـل الافـراض=وادع لرفيقـك يـوم حظـه منـيّـل

عيـد بــن سـعـود الـشـدّادي

وينك يابن عقيل....
عواض الله يجزاك الجنه والله انها من جزال القصيد
امتعتنا بمعانيها وكلماتها
.... بس نصيحة لا تطب السوق ..دام مناعتك ضعيفه ... ..

[size=5]عواض

صح لسانك ولسان الشاعر عيد بن سعود

مساجلات جزله تشكرون عليها

اقفا يجر أخطاه فالسـوق مريـاض** جميـل والحسنـى بجنبـه جميّـل


باكلفـك لانـك للاسـرار حفـاض ** تسرح على حروة نشـور الغزيّـل

شكلها بدويه نزلت السوق للتبضع وذهبت للبر وكانت تحت المراقبه

قوافي صعبه لاكنك أبدعت وكذلك زميلك

تحياتي[/size]

واليوم باح الصبر لعلي انعاض=في عنوتٍ ماشفت منها حصيل

لوبكتمه كني على الجمر قباض=ون شعت به تناقله كل جيل

الا تحمد ربك وصل الافراض=ودع لرفيقك يوم حضه منيل

ابداااع العشاق

صح السانك اخوي عواض ولايهون اخونا عيد

واصلو فقد استمتعنا ببوح عشقكم

ابوراكان

صح لسانك ولسان الشاعر عيد بن سعود
وسلمت يمناك على هذا النقل الرائع

صح لسانك اخوي عوووواض ويهون اخوي

عيد الشدادي ونعم فيكم قصايد جزله

عوواض الف شكر يالغالي على المشاركه

المتميزه حياك الله والله يعافيك

صح لسانك اخوي عواض
قصائد جميله ابيات معانيها رائعه
مشكور اخوي عواض على النقل الرائع
يعطيك الف عافيه.

		المشاركة الأصلية بواسطة : المستحيلة اقتباس
	وينك يابن عقيل.... عواض الله يجزاك الجنه والله انها من جزال القصيد امتعتنا بمعانيها وكلماتها .... بس نصيحة لا تطب السوق ..دام مناعتك ضعيفه ... ..

الاخت المستحيله مشكوره على مرورك وتعليقك الرائع

امتعك الله بالأيمان والرحمه

تقبلي تحياتي،،،

		المشاركة الأصلية بواسطة : خالد الحارثي اقتباس
	[size=5]عواض صح لسانك ولسان الشاعر عيد بن سعود مساجلات جزله تشكرون عليها اقفا يجر أخطاه فالسـوق مريـاض** جميـل والحسنـى بجنبـه جميّـل باكلفـك لانـك للاسـرار حفـاض ** تسرح على حروة نشـور الغزيّـل شكلها بدويه نزلت السوق للتبتضع وذهبت للبر وكانت تحت المراقبه قوافي صعبه لاكنك أبدعت وكذلك زميلك تحياتي[/size]

حياك الله أخوي خالد الحارثي وأشكرك على مرورك وتعليقك الرائع

وصح بدنك بالأصاله والنيابه

مرورك يزيد الابداع ابداع

لاهنت طال عمرك

		المشاركة الأصلية بواسطة : ابوراكان اقتباس
	واليوم باح الصبر لعلي انعاض=في عنوتٍ ماشفت منها حصيل لوبكتمه كني على الجمر قباض=ون شعت به تناقله كل جيل الا تحمد ربك وصل الافراض=ودع لرفيقك يوم حضه منيل ابداااع العشاق صح السانك اخوي عواض ولايهون اخونا عيد واصلو فقد استمتعنا ببوح عشقكم ابوراكان

أخوي ابوراكان أمتعك الله بالأيمان وطاعة الرحمن

ومشكور على مرورك وتعليقك الرائع

وصح بدنك

أكرر لك شكري وتقديري لاهنت