دعوة من متعب الشدادي لشعراء المنتدى

		المشاركة الأصلية بواسطة : بدوي فاهم اقتباس
	له ثلاث سنين >> من مارس إلى مارس ويدور لحلمه >> وش يحلم فيه ياوجدي على >>> على مين :icon_mrgr منهجي منهاجها >>> وش منهجة طيب عشان نعرف منهاجها :idiot_ala مجد عريق >>> يمكن اسمها والا اسم اهلها ^ ^ ^ لحست مخي يا متعب ياهلا بشاعرنا متعب بن فراج ... وقصيدة جزلة وليست الجزاله بغريبة على شاعر مثلك . قصيدة معناها يأخذ إحتمالات كثيره والحقيقه سيجدها من يجد كلمة السر . لو عرفت المعنى لشاركت معكم بقصيدة لكن الشكوى لله ما صدت المعنى والاخوان ما قصروا ويكفيني ان اقوم بالمتابعة والاستفادة من مشاركات الجميع .

ياهلا والله بالبدوي اسعدتني بمرورك وتعليقك المرح

اما بالنسبه للكسور اللي نفيتها فانا اقول موجوده فانت

لو شلة القصيده على اي شيله تناسبها فسوف تصبح الصوره

اكثر وضوحاً من ان تقراها بهذا الشكل حاول تجرب ويهمني رايك

بعد التجربه .... شكرا لتعقيبك ووجهة نظرك اللي نقف لها احتراماً .

الله يمسي الجميع بكل خير وسلام

استلم يا متعب الله يطول عمرك:

انا بقول القصد ياهل الشعر والمعنى وثيق =هداج تيما عارفٍ تيما وأنا هداجها
وان كان يا متعب بدعت من القوافي مايليق=أهل الشعر نعرف معانيها على منهاجها
اقولها ياصاحبي ما ازهم سعيد ولا عتيق=يوم الخميس الجاي يطلع للعرب منتاجها
الشعر طبوا به بشر وتلفق المعنى لفيق =ما تعرف وصول الشعر مدخالها مخراجها
النايم اللي نايمٍ خله ينام ولا يفيق=فيها مرض للشعر يا متعب وصعب علاجها
وانته كفو يا صاحبي تهرج من لسانٍ طليق=ربعك تفاخر بك يا متعب مايضيق حجاجها
طويق ما يهتز يا متعب ومعروفٍ طويق=لو كان هبت له صباء ببرادها وعجاجها
وأيامنا هذي تبى تجمع جلال ومن دقيق=وليا نصحت فلان وإلا فلان زاد ازعاجها

بصراحة يا أبو فراج

أهنئك على نجاح هذه الفكرة كل هذا النجاح الطيب

وأتوقع يكون التواصل أكثر والحماس منقطع النظير

دخول أبو فيصل زاد من ملح الموضوع وجماله

وهذي طلاته المعتادة الله لا يحرمنا منها,,,

		المشاركة الأصلية بواسطة : فيصل بن زايد اقتباس
	الله يكسر لحي العدو يا أبو فراج,, والله إني داري وأنت الله يهديك جبت لك بحر أزرانا فيه والحقيقة أنا ما عمري بدعت على هذا البحر ولا فكرت إني أبدع علاه,, وهذي أول مرة أبدع علاه وعلشان كذا حصل عندي الكسر وإن شاء الله آخر مرة أبدع علاه,, ياخي يا زين المسحوب ولحونه هو اللي خابرينه ويغنونه أهلنا,, على العموم مشكور يا أبو فراج ومنك نتعلم والله يطول في عمرك ولاعدمناك يالذيب..

هههههههه

فيصل والله انك صادق ،، بحر صعب
وترى ماهوب أنت اللي بلشت فيه

غيرك شعراء كسروا الوزن ..

المهم مثل ماقلت نتعلم من بعض وصح لسانك مرة اخرى

بدوي

هههههههههههههههه


اشهد اني استانس يوم اشوف تعليقك

ويعجبني جدا تفحصك للابيات ونبشها ،


الدال لقيته زايد ،، والعتب على السن ،، شايب



وشوفي على قدي ..

لكن قصيدة "ناسك الشعر" ،، ماوريتني الكلمة الزايده

علشان استاصلها ..

وتبي العلم والله اني ما أطمئن على نشر قصيدتي

في غير منتدانا لين تقراها ..

وليتك تتواصل معنا ..

اما معنى متعب كلبشته من بدري ،،

ولو لحس مخك مالحس مخي ...

يابدو

هههههههههههههههه

الشعر طبوا به بشر وتلفق المعنـى لفيـق
ما تعرف وصول الشعر مدخالها مخراجها

اي بالله



مدخالها مخراجها ...

صح لسانك ياصقر قيا ..

ويوم الخميس تتضح الامور

الشاعر الكبير / عواض غراب الحارثي

شاعر القلطه المعروف في منطقة حائل والقصيم
سمع عن قصيدة الشاعر/متعب الشدادي وقرر
المجاراة..
أسمعوا !

يالله يارب العباد وصاحب الحب الوثيق=رب البيوت العامره سيسانها ودراجها
ياللي ترجا فزعته مابين زفرات وشهيق=لاضاقت الكربه على كل الخلايق باجها
حيا الله المعني ومن صاغه على الوجه الحقيق=وساقه على اللي فاللوازم مايضيق حجاجها
امعربٍ ساسه وهاجوسه مولع به حريق=من عزوتن خيالها كل المناطق باجها
مادبر الله كان والانسان وضعه مايطيق=والله في عون النفوس اللي يزيد اخلاجها
مايقضي اللازم ضعيف وكل ذو جسم رقيق=الا مناعيرن تدوس القوم في مسهاجها
شد الحقايب والوعد بكره قمة طويق=على سنا نار يشوق الممتني وهاجها
كب الذي في نومته يفيق والاما يفيق=وترك هل الافلاج يامتعب تعمر افلاجها
انا رفيق اللي على النايف من الدنيا يويق=والعله اللي تشتكي منها على اعلاجها
هذا وتعلم مايزعزعنا صهيل ولاصفيق=على الوفا وخطامها بيدي وانا حجاجها
وصلاة ربي عد نو بارقه يبرق بريق=على النبي وقبل تحياتن لفتك افواجها

الشاعر //عواض غراب الحارثي

أخوي متعب الشدادي

دائما مبدع في جميع حالاتك


صح لسانك على هذه القصيده الجزلة


من راعي الجزلات غير مستغربة



تقبل تحياتي

ولي عوده باذن الله

		المشاركة الأصلية بواسطة : متعب الشدادي اقتباس
	ياهلا والله بالبدوي اسعدتني بمرورك وتعليقك المرح اما بالنسبه للكسور اللي نفيتها فانا اقول موجوده فانت لو شلة القصيده على اي شيله تناسبها فسوف تصبح الصوره اكثر وضوحاً من ان تقراها بهذا الشكل حاول تجرب ويهمني رايك بعد التجربه .... شكرا لتعقيبك ووجهة نظرك اللي نقف لها احتراماً .

وسِيعْ العِـرٍفْ يا متعبٍ ترى مَضاق إبه الطريق

بلهجتنا طبعا بالتأكيد ان البيت مكسور لاكن قلت لك لو بصير محامي طلع براءه بعد مانقراه بنفس كتابتي له .

لو كان بعض الناسْ إْمْنَ الحسد يبا ذبح الشقيـق

حاولت ابين لك طريقة قرائتي له وشكلت لك الكلمتين اللي هي موضع الشك في وزن البيت .

وحسب عرفي ان كل قصيدة مغناه على لحن معين وكانت موزونه بتكون عند قرائتها العادية موزونه .

والقصيدة اللي تقرأ موزونه ليس شرطا عندما نشيلها على لحن ان تطلع موزونه وقد تكون موزونه على لحن ولحن يطلع فيها كسر وسببه وقفات اللحن ما تتوافق مع وقفات البيت .


مع اني ما قد وزنت قصيدة على لحن لكن على شانك شلتها على لحنين اللحن الاول انكسر البيت واللحن الثاني كان موزون

ويمكن راح تقتنع من كلامي لو انك حاولت انك تجد لحن خاص للبيت اللي تقول انه مكسور وشلت باقي القصيدة على نفس هذا اللحن راح تجد انها جميعها موزونه .



استفسار :


البيت الأول من قصيدة ابو زايد الشطر الاول ( اهتاض الشاعر ) ماكان مكسور وش اللي جاه وإنكسر البيت لا يكون ابوزايد غيره انا خبري به ( اهتاض بال الشاعر ) ههههه .


دمت في احسن حال يا شاعرنا


والله أعلم ، وانت ابوها وسمها

		المشاركة الأصلية بواسطة : السلطان اقتباس
	بصراحة يا أبو فراج أهنئك على نجاح هذه الفكرة كل هذا النجاح الطيب وأتوقع يكون التواصل أكثر والحماس منقطع النظير دخول أبو فيصل زاد من ملح الموضوع وجماله وهذي طلاته المعتادة الله لا يحرمنا منها,,,

الله يعافيك يا بوعبدالله وبالفعل الفكره جميله

ويكفي ان ابو فراج صاحبها .


سلمت ولا هنت